ຄະນະໂຄສະນາອົບຮົມແຂວງໄຊຍະບູລີ ສຳເລັດບັ້ນ..

ຄະນະໂຄສະນາອົບຮົມແຂວງໄຊຍະບູລີ ສຳເລັດບັ້ນດຳເນີນຊິວິດການເມືອງປັບປຸງປົວແປງພັກ.

​ໃນວັນທີ27- 29 ມີຖຸນາ 2017 ຜ່ານມາ ຄະນະໂຄສະນາອົບຮົມແຂວງ​ໄຊ​ຍະ​ບູລີ ໄດ້ສຳເລັດບັ້ນດຳເນີນຊິວິດການເມືອງ ປັບປຸງປົວແປງພັກຂອງ​ຕົນ, ໂດຍພາຍ​ໃຕ້ການເປັນປະທານຂອງສະຫາຍ ທອງເລື່ອນ ອິນປັນຍາ ກຳມະການພັກແຂວງ, ເລຂາໜ່ວຍພັກ, ຫົວໜ້າຄະນະໂຄສະນາອົບ ຮົມແຂວງ, ເຂົ້າຮ່ວມມີ:

ສະຫາຍ ປອ. ສົມລິດ ເປືອກແກ້ວ ຮອງເລຂາພັກແຂວງ,ປະທານສະພາປະຊາຊົນແຂວງ ຄະນະຊີ້ນຳບັ້ນດຳເນີນຊິວິດການເມືອງປັບ​ປຸງປົວແປງພັກຂັ້ນແຂວງ, ມີບັນດາສະມາຊິກພັກພາຍໃນຄະນະ ໂຄສະນາອົບຮົມແຂວງ.

 ​ໃນ​ພິທີ ຍັງໄດ້ເຊື່ອມຊຶມເອກກະສານ ເດັດດ່ຽວປັບປຸງປົວແປງພັກໃຫ້ປອດໃສ, ເຂັ້ມແຂງ ແລະ ໜັກແໜ້ນ, ທາບທາມຄໍາຕໍານິສົ່ງຂ່າວ ຕໍ່ການນໍາພາລວມ ແລະ ບຸກຄົນໃນຄະນະບໍລິຫານງານພັກແຂວງ, ເລຂາພັກເມືອງ, ເລຂາໜ່ວຍພັກສຳນັກງານ ແລະ ຫົວໜ້າພະແນກການອ້ອມຂ້າງແຂວງ ທີ່ບໍ່ແມ່ນກຳມະການພັກແຂວງ,  ທາບທາມການນໍາພາລວມ, ບຸກຄົນໃນຄະນະພັກ, ຫົວໜ້າຂະແໜງການພາຍໃນຄະນະໂຄສະນາອົບຮົມແຂວງ. ຮັບຟັງການສະຫຼຸບຕີລາຄາ ຄວາມຮັບຜິດຊອບ ນໍາພາຂອງຄະນະພັກ ຄະນະໂຄສະນາອົບຮົມແຂວງ ໃນການປະຕິບັດມະຕິກອງປະຊຸມໃຫຍ່ຄັ້ງທີ VII ຂອງໜ່ວຍພັກໃນໄລຍະ 2 ປີຜ່ານ​ມາ. ນອກ​ນັ້ນ ກອງປະຊຸມຍັງໄດ້ດໍາເນີນຊີວິດການເມືອງປັບປຸງປົວແປງພັກ ໄປດ້ວຍຄວາມເຄັ່ງຮ້ອນ-ເຂັ້ມງວດ, ມີລັກສະນະສ້າງສັນ ແຕ່ລະສະຫາຍກ້າຕຳນິຕິຊົມຕົນເອງ ແລະ ມີຄວາມຈິງໃຈຕຳນິສົ່ງຂ່າວເຊິ່ງກັນ ແລະ ກັນ ນັບທັງຕໍ່ການນຳພາລວມ ແລະ ບຸກຄົນພາຍໃນຄະນະພັກ, ແຕ່ລະສະຫາຍມີຄວາມຈິງໃຈຮັບຄຳຕຳນິສົ່ງຂ່າວຈາກໜູ່ຄະນະ, ​ເພື່ອຮັບເອົາໄປພິຈາລະນາ ແລະ ປັບປຸງ​ແກ້​ໄຂ​ໃຫ້​ດີ​ຂຶ້ນ.

​ໃນ​ໂອກາດ​ດັ່ງກ່າວ ສະຫາຍ ປອ.ສົມລິດ ເປືອກແກ້ວ ຮອງເລຂາພັກແຂວງ, ປະທານສະພາປະຊາຊົນແຂວງ ກໍ່ໄດ້ມີ​ຄຳເຫັນຕໍ່ບັ້ນດຳເນີີີນຊິວິການເມືອງປັບປຸງປົວແປງພັກ​ໃນ​ຄັ້ງນີ້, ເຊິ່ງສະຫາຍໄດ້ເນັ້ນໝັກໃຫ້ສືບຕໍ່ເອົາໃຈໃສ່ສຶກສາອົບຮົມການເມືອງແນວຄິດ, ສະມາຊິກພັກ-ພະນັກງານຕ້ອງມີຄວາມໜັກແໜ້ນ, ປັບປຸງຄຸນທາດການເມືອງ ແລະ ຄຸນສົມບັດສິນທຳປະຕິວັດ, ແບບແຜນວິທີນຳພາ-ວິທີເຮັດວຽກ, ແບບແຜນດຳລົງຊິວິດໃຫ້ສູງຂຶ້ນ ເພື່ອເຮັດສຳເລັດໜ້າທີ່ໆໄດ້ຮັບມອບໝາຍ.