ຄະນະໂຄສະນາອົບຮົມແຂວງ ໄຊຍະບູລີ

ລາຍລະອຽດ

ສ້າງຂື້ນເມື່ອ ວັນຈັນ, 19 ກັນຍາ 2022 08:29

ເມືອງ ຊຽງຮ່ອນ ແຂວງ ໄຊຍະບູລີ ໄດ້ຈັດພິທີ ປິດສະຫຼຸບການຮຽນ-ການສອນທິດສະດີການເມືອງການ

ປົກຄອງຊັ້ນຕົ້ນຮຸ່ນທີ IV

    ເມືອງ ຊຽງຮ່ອນ ແຂວງໄຊຍະບູລີ ໃນລະຫວ່າງ ວັນທີ 16 ກັນຍາ 2022 ນີ້ໄດ້ ພິທີ ປິດສະຫຼຸບການຮຽນ-ການສອນທິດສະດີການເມືອງການປົກຄອງຊັ້ນຕົ້ນຮຸ່ນທີ IV  ຢູ່ທີ່ຫໍປະຊຸມໃຫຍ່ຂອງເມືອງ ໂດຍການເປັນກຽດເຂົ້າຮ່ວມຂອງທ່ານ ຖາວອນ ເລື່ອນແກ້ວ ຮອງເລຂາຄະນະບໍລິຫານງານພັກເມືອງ ປະທານກວດກາພັກ ປະທານກວດກາລັດເມືອງ ຫົວໜ້າອົງການຕ້ານການສໍ້ລາດບັງຫຼວງຂັ້ນເມືອງ ສະມາຊິກສະພາປະຊາຊົນແຂວງ ໄຊຍະບູລີ ຄະນະຊີ້ນໍາການຮຽນ-ການສອນ, ມີຄະນະຮັບຜິດຊອບການຮຽນ-ການສອນທິດສະດີ ການເມືອງ-ການປົກຄອງຂັ້ນແຂວງ, ເມືອງ ແຂກຖືກເຊີນ ແລະ ນັກສຶກສາເຂົ້າຮ່ວມ.

     ໃນພິທີທ່ານ ນາງ ບົວລະພອນ ວົງວັນ ກໍາມະການພັກເມືອງ ຫົວໜ້າຄະນະໂຄສະນາອົບຮົມເມືອງ ຊຽງຮ່ອນໄດ້ຂື້ນຜ່ານບົດສະຫຼຸບການດຳເນີນການຮຽນ-ການສອນ ທິດສະດີການເມືອງ-ການປົກຄອງຊັ້ນຕົ້ນຮຸ່ນທີ IV ຄັ້ງນີ້ ໂດຍແມ່ນອົງການປົກຄອງເມືອງໄດ້ສົມທົບກັບ ໂຮງຮຽນການເມືອງການປົກຄອງແຂວງ ໄຊຍະບູລີ ຮ່ວມກັນຈັດຕັ້ງປະຕິບັດການຮຽນ-ການສອນ ທິດສະດີການເມືອງການປົກຄອງ ເຊິ່ງມີນັກສຶກສາທີ່ມາຈາກສຳນັກງານຫ້ອງການ ແລະ ກົມກອງອ້ອມຂ້າງເມືອງຈຳນວນ 53 ຄົນ,ຍິງ 10 ຄົນ ໄດ້ເລີ່ມເປີດແລະດໍາເນີນການຮຽນ-ການສອນແຕ່ວັນທີ 20 ກໍລະກົດ 2022 ເປັນຕົ້ນມາ ຫຼັກສູດການຮຽນໃນຄັ້ັັງນີ້ ລວມມີ 9 ວິຊາຮຽນ ປະກອບມີ 15 ໜ່ວຍກິດ ເທົ່າກັບ 292 ຊົ່ວໂມງ ຜ່ານການຈັດຕັ້ງການຮຽນ-ການສອນສາມາດຕີລາຄາຜົນໄດ້ຮັບຂອງນັກສຶກສາ ຍາດໄດ້ຄະແນນ A ເທົ່າກັບ 30 % , B+ ເທົ່າກັບ 60 % ແລະ ຄະແນນ B ເທົ່າກັບ 10 % ຈາກນັ້ນພິທີຍັງໄດ້ມີການມອບໃບປະກາສະນີຍະບັດ ໃຫ້ນັກສຶກສາຢ່າງເປັນທາງການເຊິ່ງໃຫ້ກຽດມອບໂດຍທ່ານ ຖາວອນ ເລື່ອນແກ້ວ ຮອງເລຂາຄະນະບໍລິຫານງານພັກເມືອງຊຽງຮ່ອນ. 

      ໃນໂອກາດທີ່ ທ່ານ ຖາວອນ ເລື່ອນແກ້ວ ຮອງເລຂາຄະນະບໍລິຫານງານພັກເມືອງ ຊຽງຮ່ອນ ໄດ້ເຂົ້າຮ່ວມເປັນປະທານພິທີ  ທ່ານໄດ້ໃຫ້ກຽດໂອ້ລົມກ່ອນອື່ນ ທ່ານໄດ້ສະແດງຄວາມຍິນດີ ແລະ ຊົມເຊີຍຕໍ່ຜົນສຳເລັດຂອງອາຈານສິດສອນ,ນັກສຶກສາ  ທີ່ຍາດໄດ້ຜົນສຳເລັດ ການຮຽນໃນຄັ້ງນີ້ ໃຫ້ສຶບຕໍ່ກຳແໜ້ນທິດນຳ ໝູນໃຊ້ທິດສະດີຕິດພັນກັບພຶດຕິກຳຕົວຈິງ ຕິດພັນກັບການຈັດຕັ້ງປະຕິບັດວຽກງານຕົວຈິງຢູ່ໃນຫ້ອງການ ກົມກອງ ແລະ ທ່ານຍັງໄດ້ຮຽກຮ້ອງມາຍັງນັກສຶກສາທີ່ໄດ້ສຳເລັດການສຶກສາໃນຄັ້ງນີ້ ຈົ່ງນຳເອົາບົດຮຽນທີ່ໄດ້ຮຽນມານຳໄປຈັດຕັ້ງປະຕິບັດເຂົ້າໃນວຽກງານທີ່ຕົນເອງຮັບຜິດຊອບຢູ່ໃນກົມກອງທີ່ຕົນເອງສັງກັດໃຫ້ປະກົດຜົນເປັນຈິງ.

ຂ່າວ: ນັກຂ່າວເມືອງຊຽງຮ່ອນ 

• < ຕໍ່ໄປ
• ຕໍ່ໄປ >