ຄະນະໂຄສະນາອົບຮົມເມືອງໄຊສະຖານ ແຂວງໄຊຍະບູລີ ເປີດຮຽນສະໜັບສະໜູນໃຫ້ມະຫາຊົນຜູ້ກ້າວໜ້າ

ລາຍລະອຽດ

ສ້າງຂື້ນເມື່ອ ວັນຈັນ, 16 ຕຸລາ 2023 04:07

ຂຽນໂດຍ ສີນົນ ອ່ອນສາ

ຄະນະໂຄສະນາອົບຮົມເມືອງໄຊສະຖານ ແຂວງໄຊຍະບູລີ ເປີດຮຽນສະໜັບສະໜູນໃຫ້ມະຫາຊົນຜູ້ກ້າວໜ້າ

          ໃນຕອນເຊົ້າຂອງວັນທີ  5 ຕຸລາ 2023 ທີ່ຜ່ານມາ ຄະນະໂຄສະນາອົບຮົມເມືອງໄຊສະຖານ ໄດ້ຈັດພິທີເປີດຮຽນສະໜັບສະໜູນໃຫ້ມະຫາຊົນຜູ້ທີ່ມີຄວາມກ້າວໜ້າເຂົ້າຮຽນເອກະສານຂອງພັກປະຊາຊົນປະຕິວັດລາວ ເພື່ອຈະໄດ້ຂະຫຍາຍເຂົ້າພັກສຳຮອງໃນຕໍ່ໜ້າ ຢູ່ຫ້ອງປະຊຸມ ບ້ານ ສະແມດໃຫ່ຍ ໂດຍການເປັນປະທານ ຂອງສະຫາຍ ສະຫວ່າງ ແສງທອງຄຳ ກຳມະການພັກເມືອງ ຫົວໜ້າຄະນະໂຄສະນາອົບເມືອງ ເຊິ່ງປະກອບມີ 2  ໜ່ວຍພັກ, ມີມະຫາຊົນ 9 ສະຫາຍ, ຍິງ 4 ສະຫາຍ ຄື: ໜ່ວຍພັກ ບ້ານ ສະແມດໃຫ່ຍ ມີ 7 ສະຫາຍ, ຍິງ 2 ສະຫາຍ ແລະ ໜ່ວຍພັກ ມ ຕົ້ນຊະນະໄຊ ມີ 2 ສະຫາຍ, ຍິງ 1 ສະຫາຍ,  ພາຍຫຼັງຄະນະຈັດຕັ້ງພິທີໄດ້ສະເໜີຈຸດປະສົງ ພ້ອມທັງຜ່ານມະຕິຕົກລົງຂອງຄະນະປະຈຳພັກເມືອງ ສະບັບເລກທີ ເລກທີ 193 / ຄພມ, ລົງວັນທີ 26  ກັນຍາ 2023  ວ່າດ້ວຍການອານຸມັດຮັບເອົາມະຫາຊົນຜູ້ທີ່ມີຄວາມກ້າວໜ້າເຂົ້າຮຽນສະໜັບສະໜູນ

ເອກະສານຂອງພັກປະຊາຊົນປະຕິວັດລາວ ສະໄໜທີ XI ໜວດທີ I  ມາດຕາ 01 ແລະ ໜວດທີ IV ມາດຕາ 24 ( ຂໍ້ ຂ )  ແລ້ວ ສະຫາຍ ສະຫວ່າງ ແສງທອງຄຳ ກຳມະການພັກເມືອງ, ຫົວໜ້າຄະນະໂຄສະນາອົບຮົມເມືອງ ໄດ້ຮຽນເອກະສານອົບຮົມມະຫາຊົນຜູ້ທີ່ຈະຂະຫຍາຍເຂົ້າເປັນສະມາຊິກພັກ ເຊັ່ນ: ໄດ້ເຜີຍແຜ່ຄຳແນະນຳຂອງຄະນະໂຄສະນາອົບຮົມສູນກາງພັກ ສະບັບເລກທີ 16/ຄອສພ, ລົງວັນທີ 7 ກໍລະກົດ 2021 ກ່ຽວກັບການນຳໃຊ້ເອກະສານອົບຮົມຜູ້ທີ່ຈະຂະຫຍາຍເຂົ້າເປັນສະມາຊິກພັກ ເປັນຕົ້ນແມ່ນ ຈຸດປະສົງລະດັບຄາດໝາຍ, ເນື້ອໃນ ແລະ ວິທີການຈັດຕັ້ງປະຕິບັດ ຕາມເນື້ອໃນຂອງເອກະສານອົບຮົມມະຫາຊົນຜູ້ທີຈະຂະຫຍາຍເຂົ້າເປັນສະມາຊິກພັກ ມີ 13 ຄຳຖາມ-ຄຳຕອບ ແຕ່ລະຄຳຖາມສະຫາຍປະທານ  ກໍ່ໄດ້ເນັ້ນໜັກບາງຂໍ້ ບາງເນື້ອໃນ ແລະ ມີການຊັກຖາມໃຫ້ມະຫາຊົນຜູ້ທີມີຄວາມກ້າວໜ້າຕອບຕາມຄວາມຮັບຮູ້ຄວາມສາມາດຂອງມະຫາຊົນຂອງແຕ່ລະໜ່ວຍພັກ ຜ່ານການຮໍ່າຮຽນສາມາດເຫັນໄດ້ວ່າຫຼາຍສະຫາຍໄດ້ມີຄວາມຮັບຮູ້ ແລະ ເຂົ້າໃຈກຳໄດ້ບາງເນື້ອໃນທີ່ສຳຄັນຂອງເອກະສານດັ່ງກ່າວ.

          ໃນຕອນທ້າຍພິທີ ສະຫາຍ ສະຫວ່າງ ແສງທອງຄຳ ຍັງໄດ້ມອບມະຕິຕົກລົງຂອງຄະນະປະຈຳພັກເມືອງ  ແລະ ໃບຢັ້ງຢືນໃຫ້ມະຫາຊົນຜູ້ທີມີຄວາມກ້າວໜ້າຕືມອີກ.

ຂ່າວໂດຍ: ສະຫວ່າງ ແສງທອງຄໍາ

• < ຕໍ່ໄປ
• ຕໍ່ໄປ >