ໂຄສະນາອົບຮົມແຂວງ ໄຊຍະບູລີ

ລາຍລະອຽດ

ສ້າງຂື້ນເມື່ອ ວັນພຸດ, 20 ມັງກອນ 2021 04:04

ຄະນະໂຄສະນາອົບຮົມແຂວງໄຊຍະບູລີ

#####

ໃນຕອນເຊົ້າ ວັນທີ 19/1/2021 ອົງການປົກຄອງເມືອງຊຽງຮ່ອນ ໄດ້ຈັດຕັ້ງພິທີ ປາຖະກະຖາວັນສ້າງຕັ້ງກອງທັບປະຊາຊົນລາວຄົບຮອບ72ປີ ຢູ່ທີ່ຫ້ອງປະຊຸມໃຫຍ່ຂອງເມືອງຊຽງຮ່ອນ ໂດຍເປັນປະທານຂອງສະຫາຍ ບຸນລວ້ນ ຊົມສີຫາປັນຍາ ກໍາມະການພັກແຂວງ ເລຂາພັກເມືອງ, ເຈົ້າເມືອງຊຽງຮ່ອນ, ບັນດາກຳມະການປະຈຳພັກເມືອງ, ກຳມະການພັກເມືອງ,  ຫົວໜ້າ, ຮອງຫົວໜ້າຫ້ອງການ, ອົງການ, ກົມກອງ ອ້ອມຂ້າງເມືອງ ເຂົ້າຮ່ວມທັງຫມົດ 105 ຄົນ ຍີງ 14 ຄົນ.

ໂອກາດນີ້ ສະຫາຍ ບຸນລວ້ນ ຊົມສີຫາປັນຍາ ກໍາມະການພັກແຂວງ ເລຂາ ພັກເມືອງເຈົ້າເມືອງ, ເມືອງຊຽງຮ່ອນ ກໍ່ໄດ້ຍົກໃຫ້ເຫັນປະຫວັດແຫ່່ງການກຳເນີດເຕີບໃຫ່ຍຂອງກອງທັບປະຊາຊົນລາວຕະຫຼອດໄລຍະ 72 ປີ ຜ່ານມາ ເຊິ່ງກອງທັບທັບປະຊາຊົນລາວໄດ້ຕໍ່ສູ້ຢ່າງລະອິດລະອ້ຽວ,ອົງອາດກ້າແກ່ນ,ເດັດດ່ຽວໜຽວແໜ້ນ,ພາຍໃຕ້ການຊີ້ນຳ-ນຳພາຂອງພັກປະຊາຊົນປະຕິວັດລາວ,ຍິ່ງເຕີບໃຫ່ຍ,ຍິ່ງເຂັ້ມແຂງຍາດໄດ້ໄຊຊະນະເປັນກ້າວໆ, ສາມາດ ປົດປ່ອຍປະເທດຊາດອອກຈາກຈັກກະພັດລ່າເມືອງຂື້ນຝຣັ່ງ, ຈັກກະພັດ ອາເມລິກາຜູ້ຮຸກຮານ ພ້ອມດ້ວຍລູກແຫຼ້ງຕີນມື ຂອງພວກເຂົາ ປົດປ່ອຍປະເທດຊາດໄດ້ຢ່າງສົມບູນ, ສະຖາປານາ ເປັນປະເທດ ສາທາລະນະລັດ ປະຊາທິປະໄຕ ປະຊາຊົນລາວ ໃນວັນທີ 2 ທັນວາ 1975 ຢ່າງສະຫງ່າຜ່າເຜີຍ; ມາເຖິງປັດຈຸບັນຍັງເປັນກໍາລັງຫຼັກແຫຼ່ງໃນ ການປົກປັກຮັກສາໝາກຜົນຂອງການປະຕິວັດ ແລະ ລະບອບໃໝ່ໄວ້ໄດ້ຢ່າງໝັ້ນຄົງ. ຕະຫຼອດໄລຍະ 72 ປີ,ຜ່ານມາ ການປົກປັກຮັກສາ ແລະ ສ້າງສາພັດທະນາ ກອງທັບເຮົາຈົ່ງກ້າວຂຶ້ນຍາດເອົາຜົນງານໃໝ່ໃຫຍ່ຫຼວງກວ່າເກົ່າ ໃຫ້ສົມກັບຄຳສັ່ງສອນຂອງປະທານ ໄກສອນ ພົມວິຫານ ເວົ້າວ່າ: “ ເວລາໃດກອງທັບກໍ່ນໍາໜ້າທຸກວຽກງານ, ເດັດດ່ຽວໜຽວແໜ້ນຜ່ານຜ່າອຸປະສັກ, ສໍາເລັດທຸກໜ້າທີ່, ຕີເອົາຊະນະສັດຕູທຸກໂຕ, ສົມແລ້ວເປັນກຳລັງແກ່ນສານທີ່ເຂັ້ມແຂງຂອງການປະຕິວັດ, ເປັນເຄື່ອງມືອັນແຫຼມຄົມຂອງພັກ”

ພ້ອມດຽວກັນນີ້ສະຫາຍ ບຸນລວ້ນ ຊົມສີຫາປັນຍາ ກໍາມະການພັກແຂວງ ເລຂາພັກເມືອງເຈົ້າເມືອງ,ເມືອງຊຽງຮ່ອນ ຮຽກຮ້ອງໃຫ້ຜູ້ທີ່ເຂົ້າຮັບຟັງປາຖະກະຖາ ຈົ່ງພ້ອມກັນນຳເອົນບົດຮຽນໃນການປົກປັກຮັກສາ ແລະ ສ້າງສາພັດທະນາປະເທດຊາດຂອງກອງທັບປະຊາຊົນລາວໄປໝູນໃຊ້ເຂົ້າໃນຊີວິດປະຈຳວັນຂອງຕົນ ເພີ້ມທະວີຄວາມຕັ້ງຕໍ່ບໍລິສຸດຕໍ່ປະເທດຊາດ, ຕໍ່ພັກ ແລະ ປະຊາຊົນ, ເຊື່ອມຊຶມ ແລະ ຈັດຕັ້ງປະຕິບັດ ມະຕິກອງປະຊຸມໃຫຍ່ ຄັ້ງທີ X ຂອງພັກ, ,ມະຕິກອງປະຊຸມໃຫຍ່ຄັ້ງທີ XIIຂອງແຂວງ,ມະຕິກອງປະຊຸມໃຫຍ່ຄັ້ງທີ VII ຂອງເມືອງ ແລະ  ມະຕິກອງປະຊຸມໃຫຍ່ ຄັ້ງທີ V ຂອງອົງຄະນະພັກກະຊວງ. ໂດຍສະ ເພາະມະຕິວ່າດ້ວຍ 4 ໜ້າທີ່ໃຫຍ່ 26 ແຜນງານຂອງຄະນະພັກກະຊວງປ້ອງກັນປະເທດ ໃຫ້ເປັນຂະບວນການ ແລະ ມີໝາກຜົນຕົວຈິງ, ເສີມຂະຫຍາຍມູນເຊື້ອອັນດີງາມຂອງຊາດ, ຂອງພັກ ແລະ ຂອງກອງທັບປະຕິວັດ, ມີສະ ຕິລະວັງຕົວສະກັດກັ້ນ ແລະ ຕ້ານທຸກກົນອຸບາຍຫັນປ່ຽນໂດຍສັນຕິຂອງບັນດາອິດທິກຳລັງປໍລະປັກ ແລະ ຕອບຕ້ານທຸກການເຄື່ອນໄຫວຂອງສັດຕູຢ່າງທັນການ. ປົກປັກຮັກສາຄວາມສະຫງົບທາງດ້ານການເມືອງ, ຄວາມເປັນລະ ບຽບຮຽບຮ້ອຍທາງສັງຄົມ, ປົກປັກຮັກສາລະບອບການເມືອງໃໝ່, ປົກປັກຮັກສາຄວາມເປັນເອກະລາດ, ອຳນາດອະທິປະໄຕ ແລະ ຜືນແຜ່ນດິນອັນຄົບຖ້ວນຂອງຊາດໄວ້ໃຫ້ໝັ້ນຄົງ.

++++ພາບ-ຂ່າວ ໄພວັນ ສີດານຸວົງ

##ເຊື່ອມຊຶມເອກະສານເລືອກຕັ້ງສະພາແຫ່ງຊາດ ແລະ ສະພາປະຊາຊົນແຂວງ. ##

ລາຍລະອຽດ

ສ້າງຂື້ນເມື່ອ ວັນອັງຄານ, 19 ມັງກອນ 2021 02:33

15/1/2021: ຄະນະໂຄສະນາອົບຮົມແຂວງ  ເຊື່ອມຊຶມເອກະສານເລືອກຕັ້ງສະພາແຫ່ງຊາດ ແລະ ສະພາປະຊາຊົນແຂວງ.

######

ຄະນະໂຄສະນາອົບຮົມ ແຂວງໄຊຍະບູລີ ຈັດຕັ້ງເຊື່ອມຊຶມເອກະສານເລືອກຕັ້ງສະມາຊິກສະພາແຫ່ງຊາດ ຊຸດທີ IX ແລະ ສະພາປະຊາຊົນແຂວງ ຊຸດທີ II ໄດ້ຈັດຂຶ້ນໃນວັນທີ 15 ມັງກອນ 2021 ນີ້ຢູ່ທີ່ຫ້ອງການ ຄະນະໂຄສະນາອົບຮົມແຂວງ ໂດຍໃຫ້ກຽດເຂົ້າຮ່ວມເຜີຍແຜ່ຂອງ ທ່ານ ນ. ວັນນາ ພົມວິສອນ ຮອງເລຂາໝ່ວຍພັກ, ຮອງຫົວໜ້າຄະນໂຄສະນາອົບຮົມແຂວງ, ເຂົ້າຮ່ວມຮັບຟັງມີບັນດາຮອງຄະນະໂຄສະນາອົບຮົມແຂວງ, ສະມາຊິກພັກ-ພະນັກງານພາຍໃນຄະນໂຄສະນາອົບຮົມແຂວງ ເຂົ້າຮ່ວມຢ່າງພ້ອມພຽງ.

          ໃນພິທີ ທ່ານນ. ວັນນາ ພົມວິສອນ ຮອງເລຂາໝ່ວຍພັກ, ຮອງຫົວໜ້າຄະນໂຄສະນາອົບຮົມແຂວງ ໄດ້ເຜີຍແຜ່ 3 ເອກະສານຂອງການເລືອກຕັ້ງ ສສຊ ແລະ ສສຂ ຄື: ມະຕິຂອງຄະນະປະຈໍາພັກແຂວງ ສະບັບເລກທີ 713/ຄພຂ.ຊຍ,ລົງວັນທີ 20 ຕຸລາ 2020 ວ່າດ້ວຍການເພີ້ມທະວີການຊີ້ນໍາ-ນຳພາຂອງຄະນະພັກ ການເລືອກຕັ້ງສະມາຊິກສະພາແຫ່ງຊາດ ຊຸດທີ IX ແລະ ສະມາຊິກສະພາປະຊາຊົນແຂວງ ຊຸດທີ II, ເອກະສານເສີມຂະຫຍາຍສິດເປັນເຈົ້າ ຂອງປະຊາຊົນເຂົ້າໃນການເລືອກຕັ້ງສະມາຊິກສະພາແຫ່ງຊາດ ຊຸດທີ IX ແລະ ສະມາຊິກສະພາປະຊາຊົນແຂວງ ຊຸດທີ II, ຈຸດປະສົງ ກໍ່ເພື່ອເປັນການສຶກສາອົບຮົມໃຫ້ສະມາຊິກພັກພະນັກງານລັດຖະກອນພາຍໃນຄະນະໂຄສະນາອົບຮົມແຂວງ ໄດ້ເຂົ້າໃຈສິດເປັນເຈົ້າຂອງຕົນໃຫ້ສູງຂຶ້ນ, ມີຄວາມຕື່ນຕົວ ແລະ ເປັນເຈົ້າການນໍາໃຊ້ສິດຂອງຕົນເຂົ້າໃນການເລືອກຕັ້ງສະມາຊິກສະພາແຫ່ງຊາດ ຊຸດທີ IX ແລະ ສະມາຊິກສະພາປະຊາຊົນແຂວງ ຊຸດທີ II ໃຫ້ໄດ້ຕາມຄາດໝາຍ 100%.

-----------

ພາບ-ຂ່າວ ໄພວັນ ສີດານຸວົງ

ຄະນະໂຄສະນາອົບຮົມແຂວງ ໄຊຍະບູລີ

ລາຍລະອຽດ

ສ້າງຂື້ນເມື່ອ ວັນອັງຄານ, 29 ທັນວາ 2020 08:28

#  ໃນວັນທີ 23 ທັນວາ 2020 #

 ຄະນະໂຄສະນາອົບຮົມແຂວງ ແຂວງໄຊຍະບູລີ ຮ່ວມກັບກົມອົບຮົມຂອງຄະນະໂຄສະນາອົບຮົມສູນກາງພັກ ແລະ ໄດ້ສົບທົບກັບອົງການປົກເມືອເງີນ ພິທີ ເປີດຊຸດອົບຮົມໃຫ້ເຈົ້າ ກົກ, ເຈົ້າເຫຼົ່າ, ຫົວໜ້າຊິງຊາວ ຢູ່ຫ້ອງປະຊຸມໃຫຍ່ ເມືອງເງິນ ເປັນກຽດເຂົ້າຮ່ວມ  ແລະ  ເປັນທານໂດຍ ທ່ານ ສີທະນົນໄຊ ທອງເທພາ ຄະນະປະຈຳພັກເມືອງ, ຮອງເຈົ້າເມືອງໆເມືອງເງີນ, ມີທ່ານ ຄຳກອງ ທຳມະເທວາ ຮອງຫົວໜ້າກົມອົບຮົມ ຂອງຄະນະໂຄສະນາອົບຮົມສູນກາງພັກ, ທ່ານ ນາງ ວັນວັນນາ  ພົມວິສອນ  ຮອງຫົວໜ້າຄະນະໂຄສະນາອົບຮົມແຂວງໄຊຍະບູລີ ພ້ອມດ້ວຍທິມງານຂອງສູນກາງ, ຂອງແຂວງ, ມີບັນດາຄະນະປະຈໍາພັກເມືອງ, ກຳມະການພັກເມືອງ ແລະ ບັນດານັກສຳມະນາກອນ, ຕ່າງໜ້າ ເຈົ້າກົກ, ເຈົ້າເຫຼົ່າ, ຫົວໜ້າຊິງຊາວ ອອ້ມຂ້າງເມືອງເຂົ້າຮ່ວມຢ່າງພ້ອມພຽງ.

ໃນພິທີ ທ່ານ ສີທະນົນໄຊ ທອງເທພາ ຄະນະປະຈຳພັກເມືອງ,ຮອງເຈົ້າ ເມືອງເງີນໄດ້ກ່າວເປີດຊຸດອົບຮົມໃຫ້ເຈົ້າ ກົກ, ເຈົ້າເຫຼົ່າ, ຫົວໜ້າຊິງຊາວການຝືກອົບຮົມຄັ້ງນີ້ໃຊ້ເວລາ 1 ວັນເຕັມ ມີນັກສຳມະນາກອນ ທີ່ຕ່າງໜ້າຈາກ 4 ເຜົ່າເຂົ້າຮ່ວມ 52 ທ່ານ, ຍິງ1 ທ່ານ ຈຸດປະສົງເພື່ອແນໃສ່ສຶກສາອົບຮົມ ເຈົ້າກົກ, ເຈົ້າເຫຼົ່າ, ຫົວໜ້າຊິງຊາວ ໄດ້ຮັບຮູ້ເຂົ້າໃຈ, ກຳແໜ້ນແນວທາງນະໂຍບາຍຂອງພັກ-ລັດ, ລະບຽບກົດໜາຍ ຂອງແຕ່ລະໄລຍະເພື່ອເປັນຕົວແທນໃຫ້ພັກ - ລັດ ໃນການນໍາພາປະຊາຊົນບັນດາເຜົ່າ ທີ່ຢູ່ໃນຄວາມຮັບຜິດຊອບ ຂອງຕົນ ແລະ ມີຄວາມສາມັກຄີຮັກແພງ, ມີຄວາມສະເໝີພາບຂອງປະຊາຊົນລາວ ບັນດາເຜົ່າ ເຄື່ອນໄຫວຖືກຕ້ອງກັບແນວທາງນະໂຍບາຍ ແລະ ລະບຽບກົດໜາຍພັກ-ລັດ ແລະ ມູນເຊື້ອອັນດີງາມຂອງເຜົ່າ, ຂອງຊາດ ເຊິ່ງເມືອງຂອງພວກເຮົາ ພວມຫາກໍຈັດຕັ້ງປາຖະກະຖາ 2 ວັນປະຫວັດສາດຂອງຊາດ, ຂອງພັກ ຄື: ວັນສະຖາປານາ ສປປ ລາວ ຄົບຮອບ 45 ປີ ແລະ ວັນເກີດຂອງປະທານ ໄກສອນ ພົມວິຫານ ຄົບຮອບ 100 ປີ ແລະ ກໍເປັນໄລຍະທີ່ພວກເຮົາພວມຜັນຂະຫຍາຍ ແລະ ຈັດຕັ້ງປະຕິບັດມະຕິກອງປະຊຸມໃຫຍ່ອົງຄະນະພັກແຂວງ ຄັ້ງທີ່ VII ກໍຄືມະຕິກອງປະຊຸມໃຫຍ່ ຄັ້ງທີ V  ຂອງອົງຄະນະພັກເມືອງໃຫ້ທົ່ວເຖິງ ແລະ ມີຜົນສໍາເລັດຢ່າງເປັນຮູບປະທໍາໄປເທື່ອລະກ້າວ,ພ້ອມນີ້ເພື່ອເປັນການສ້າງຂະບວນກາາຂໍານັບຮັບຕ້ອນກອງປະຊຸມໃຫຍ່ຄັ້ງທີ XI ຂອງພັກ, ແລະ ເຮັດໃຫ້ການກະກຽມ ແລະ ດໍາເນີນການເລືອກຕັ້ງສະມາຊິກສະພາແຫ່ງຊາດ ຊຸດທີ IX, ສະມາຊິກສະພາປະຊາຊົນຂັ້ນແຂວງ ຊຸດທີ II ບັນລຸຜົນສໍາເລັດຕາມແຜນການທີ່ວາງໄວ້; ເວົ້າລວມ, ເວົ້າສະເພາະກໍຄືເມືອງເງິນຂອງພວກເຮົາ ຈະຕ້ອງໄດ້ຕັ້ງໜ້າເຊື່ອມຊຶມຮັບຮູ້ ແລະ ເປັນເອກະພາບກັບບັນດາແນວທາງນະໂຍບາຍມະຕິຄໍາສັ່ງຂອງພັກ-ລັດ ໃນແຕ່ລະໄລຍະ ແນໃສ່ເພື່ອທັບມ້າງທຸກກົນອຸບາຍຂອງພວກຄົນບໍ່ດີທີ່ຫັວງມ້າງເພທໍາລາຍຄວາມສາມັກຄີຂອງປະຊາຊົນບັນດາເຜົ່າ. ມ້າງເພທໍາລາຍພັກ-ລັດ ແລະ ພ້ອມກັນນັ້ນ ກໍຕ້ານທຸກປະກົດການຫຍໍ້ຕ່າງໆ ບໍ່ໃຫ້ເກີດຂຶ້ນຢູ່ພາຍໃນສັງຄົມຂອງພວກເຮົາ ເພື່ອຮັບປະກັນຄວາມປອດໄພສະດວກສະບາຍໃນການທໍາມາຫາກິນຂອງປະຊາຊົນບັນດາເຜົ່າໄດ້ມີການພັດທະນາດີຂຶ້ນເປັນກ້າວໆ.

ຕອນທ້າຍ ທ່ານ ສີທະນົນໄຊ ທອງເທພາ ຄະນະປະຈຳພັກເມືອງ, ຮອງເຈົ້າເມືອງ, ຍັງໄດ້ຮຽກຮ້ອງ ໃຫ້ຜູ້ເຂົ້າຮ່ວມ ຊຸດອົບຮົມຄັ້ງນີ້ ພ້ອມກັນເຊື່ອມຊຶມ ແລະ ຮັບຮູ້ ມູນເຊື້ອອັນດີງາມຂອງປະຊາຊົນລາວ ບັນດາເຜົ່າຢູ່ປະເທດເຮົາ ໃນໄລຍະໃໝ່, ຮັບຮູ້ບົດບາດ ແລະ ໜ້າທີ່ຂອງເຈົ້າກົກ, ເຈົ້າເຫຼົ່າ, ຫົວໜ້າຊິງຊາວ ການເພີ່ມທະວີຄວາມສາມັກຄີ ແລະຄວາມສະເໜີພາບຂອງປວງຊົນລາວ ຮັບຮູ້ພາລະບົດບາດຂອງຜູ້ທີ່ເປັນຕົວແທນຂອງເຜົ່າ, ຕາງໜ້າເຜົ່າ ເພື່ອຈະນໍາເອົາແນວທາງຂອງພັກນໍາໄປຈັດຕັ້ງປະຕິບັດຕໍ່ປະຊາຊົນບັນດາເຜົ່າທີ່ຢູ່ໃນຄວາມຮັບຜິດຊອບຂອງຕົນໃຫ້ຖືກຕ້ອງກັບຮີດຄອງປະເພນີອັນດີງາມຮັກສາມູນເຊື້ອຂອງເຜົ່າ ໂດຍສອດຄ່ອງກັບລະບຽບຂອງພັກກົດໝາຍຂອງລັດວາງອອກ.

ຂາ່ວ: ໄພວັນ ສີດານຸວົງ

ຄະນະໂຄສະນາອົບຮົມແຂວງ ໄຊຍະບູລີ

ລາຍລະອຽດ

ສ້າງຂື້ນເມື່ອ ວັນພະຫັດ, 17 ທັນວາ 2020 04:05

ໃນຕອນເຊົ້າ ຂອງວັນທີ 13 ທັນວາ 2020; ຜ່ານມາ ນໍາໂດຍ ທ່ານ ພົງສະຫວັນ ສິດທະວົງ, ກໍາມະການສູນກາງພັກ, ເລຂາພັກແຂວງ, ເຈົ້າແຂວງ ໄຊຍະບູລີ, ມີບັນດາທ່ານການນໍາທຸກພາກສ່ວນຂອງແຂວງ ແລະ ຂອງເມືອງໄຊຍະບູລີ ໄດ້ເຂົ້າຮ່ວມວາງກະຕ່າດອກໄມ້ ແລະ ທໍາບຸນຕັກບາດ ຢູ່ທີ່ອານຸສອນສະຖານ ປະທານໄກສອນ ພົມວິຫານ (ໜ້າຫ້ອງວ່າການແຂວງ) ເພື່ອລະນຶກວັນເກີດ ປະທານ ໄກສອນ ພົມວິຫານ ຄົບຮອບ 100 ປີ ທີ່ໄດ້ໝູນວຽນມາບັນຈົບຄົບຮອບອີກວາລະໜຶ່ງ.

ໃນພິທີດັ່ງກ່າວ ທ່ານ ພົງສະຫວັນ ສິດທະວົງ, ກໍາມະການສູນກາງພັກ, ເລຂາພັກແຂວງ, ເຈົ້າແຂວງ ໄຊຍະບູລີ, ໄດ້ຂຶ້ນຜ່ານບົດສະດຸດດີ ເນື່ອງໃນໂອກາດລະນຶກວັນເກີດຂອງປະທານ ໄກສອນ ພົມວິຫານຄົບຮອບ 100 ປີ, ທ່ານໄດ້ກ່າວວ່າ: ນັບແຕ່ມື້ທີ່ ປະທານ ໄກສອນ ພົມວິຫານ ໄດ້ເຄື່ຶອນໄຫວປະຕິວັດ ຈົນຮອດມື້ທ້າຍຊີວິດ, ເພີ່ນໄດ້ຝຶກຝົນຫຼໍ່ຫຼອມຕົນເອງໃນຂະບວນການຕໍ່ສູ້ກູ້ຊາດ ແລະ ການສ້າງສາພັດທະນາປະເທດຊາດ, ກວ່າເຄິ່ງສະຕະວັດ ລ້ວນແຕ່ໄດ້ຮັບຄວາມເຄົາລົບຮັກຈາກທົ່ວພັກ, ທົ່ວກຳລັງປະກອບອາວຸດ ແລະ ທົ່ວປວງຊົນລາວທັງຊາດ ໃນສະໄໝຕໍ່ສູ້ກູ້ຊາດໄດ້ຮ່ວມທຸກ, ຮ່ວມສຸກ, ຮ່ວມເປັນ, ຮ່ວມຕາຍກັບພະນັກງານ, ນັກຮົບ ແລະ ປະຊາຊົນຊັ້ນຄົນຕ່າງໆ, ເພີ່ນໄດ້ເຄື່ອນໄຫວຢ່າງບໍ່ຮູ້ອິດຮູ້ເມື່ອຍ ແລະ ດ້ວຍນໍ້າໃຈເສຍສະຫຼະອັນສູງສົ່ງ ເພື່ອໄຊຊະນະຂອງພາລະກິດປະຕິວັດ, ມາໃນໄລຍະປົກປັກຮັກສາ ແລະ ພັດທະນາປະເທດຊາດ, ເພີ່ນກໍໄດ້ສືບຕໍ່ອຸທິດຕົນສຸມທຸກກຳລັງ, ເຫື່ອແຮງ, ສະຕິປັນຍາ ເຂົ້າໃນການກໍ່ສ້າງບູລະນະລະບອບໃໝ່, ເຮັດໃຫ້ການປະຕິບັດ 2 ໜ້າທີ່ຍຸດທະສາດ ດໍາເນີນໄປຢ່າງໜັກແໜ້ນ, ປະເທດຊາດ ໄດ້ຮັບການພັດທະນາ ແລະ ຂະຫຍາຍຕົວຢ່າງຕໍ່ເນື່ອງ, ການວາງກະຕ່າດອກໄມ້ ກໍ່ເພື່ອເປັນການສະແດງເຖິງຄວາມເຄົາລົບຮັກ, ຄວາມກະຕັນຍູຮູ້ບຸນຄຸນ, ຄຸນງາມຄວາມດີ ຂອງທ່ານ ປະທານ ໄກສອນ ພົມວິຫານ ທີ່ມີນໍ້າໃຈຕໍ່ສູ້ຢ່າງພິລະອາດຫານ ແລະ ບໍ່ຍອມຈຳນົນ, ຍອມເສຍສະລະຊີວິດເລືອດເນື້ອເພື່ອພາລະກິດປະຕິວັດຢ່າງພິລະອາດຫານພາຍໃຕ້ການນຳພາຂອງພັກປະຊາຊົນປະຕິວັດລາວຈົນສາມາດຍາດໄດ້ໄຊຊະນະ ແລະ ສະຖາປະນາສາທາລະນະລັດ ປະຊາທິປະໄຕ ປະຊາຊົນລາວ, ເຊິ່ງຄຸນງາມຄວາມດີອັນໃຫຍ່ຫຼວງນັ້ນ ໄດ້ຖືກຈາລຶກໄວ້ໃນຄວາມຊົງຈໍາຂອງປະຊາຊົນລາວບັນດາເຜົ່າໃນທົ່ວປະເທດ, ເວົ້າລວມ, ເວົ້າສະເພາະກໍ່ຄືຊາວແຂວງ ໄຊຍະບູລີ ຕະຫຼອດຊົ່ວກາລະນານ.

ຈາກນັ້ນ; ການນໍາຂອງແຂວງ, ຂອງເມືອງໄຊຍະບູລີ ພ້ອມດ້ວຍອໍານາດການປົກຄອງບ້ານເທດສະບານເທດສະບານເມືອງໄຊຍະບູລີ ກໍ່ໄດ້ເຂົ້າຮ່ວມພິທີທໍາບຸນຕັກບາດ ຖວາຍພັດຕາອາຫານໃຫ້ແກ່ພະສົງ 13 ອົງ ເພື່່ອອຸທິດບຸນກູສົນໄປເຖິງດວງວິນຍານ ຂອງປະທານ ໄກສອນ ພົມວິຫານ ຜູ້ນໍາທີ່ແສນເຄົາລົບຮັກທີ່ລ່ວງລັບໄປແລ້ວນັ້ນ.

ຂຽນໂດຍ: ພອນປະດິດ ກັນທະວົງ.

ຄະນະໂຄສະນາອົບຮົມແຂວງໄຊຍະບູລີ

ໂຄສະນາອົບຮົມແຂວງ ໄຊຍະບູລີ

ລາຍລະອຽດ

ສ້າງຂື້ນເມື່ອ ວັນອັງຄານ, 15 ທັນວາ 2020 04:05

ໂຄສະນາອົບຮົມແຂວງ ໄຊຍະບູລີ ປະເມີນຜົນພະນັກງານ-ລັດຖະກອນ ປະຈໍາປີ 2020

ໃນຕອນບ່າຍຂອງວັນທີ 14 ທັນວາ ປີນີ້ ຫ້ອງການ ໂຄສະນາອົບຮົມແຂວງ ໄຊຍະບູລີ ໄດ້ຈັດກອງປະຊຸມປະເມີນຜົນການຈັດຕັ້ງປະຕິບັດວຽກງານ ຂອງພະນັກງານ-ລັດຖະກອນ ປະຈໍາປີ 2020 ຂຶ້ນ, ທີ່ຫ້ອງປະຊຸມຫ້ອງການ ແນວລາວສ້າງຊາດແຂວງ,  ເປັນກຽດເຂົ້າຮ່ວມໂດຍ ທ່ານ ດວງຕາ ໄຊວຸດ ຮອງເລຂາພັກແຂວງ ໄຊຍະບູລີ, ມີ ທ່ານ ອາເມ ຊົງເຢ່ຍເລັ່ງ ກໍາມະການປະຈໍາພັກແຂວງ, ຫົວໜ້າ ຄະນະໂຄສະນາອົບຮົມແຂວງ, ມີໜ່ວຍປະຕິບັດງານຈາກພະແນກ ພາຍໃນແຂວງ ແລະ ພະນັກງານລັດຖະກອນພາຍໃນ ຫ້ອງການໂຄສະນາອົບຮົມເຂົ້າຮ່ວມ.

ໃນພິທີພາຍຫຼັງຄະນະໂຄສະນາອົບຮົມແຂວງ 4 ທ່ານຜ່ານໃບປະເມີນຜົນ ແລະ ໃຫ້ຄະແນນຕົນເອງແລ້ວ ທ່ານ ອາເມ ຊົງເຢ່ຍເລັ່ງ ກໍ່ໄດ້ຂຶ້ນຜ່ານຜົນການປະເມີນຜົນຂອງພະນັກງານລັດຖະກອນ ປະຈໍາປີ 2020 ເຊິ່ງທ່ານໄດ້ໃຫ້ຮູ້ວ່າ: ຫ້ອງການ ຄະນະໂຄສະນາອົບຮົມແຂວງ ມີພະນັກງານທັງໝົດ 19 ຄົນ ຍິງ 8 ຄົນ,  ຜ່ານມາແມ່ນໄດ້ນໍາພາພະນັກງານລັດຖະກອນ ເຊື່ອມຊືມເອກະສານກ່ຽວກັບການປະເມີນຜົນການປະຕິບັດວຽກງານ, ຈາກການເຊື່ອມຊຶມເອກະສານດັ່ງກ່າວ ກໍ່ໄດ້ແຕ່ງຕັ້ງຄະນະຮັບຜິດຊອບການປະເມີນປະຕິບັດວຽກງານຂອງພະນັກງານ-ລັດຖະກອນ ແລະ ກະກຽມເອກະສານຕ່າງໆຢ່າງເປັນລະບົບຄົບຊຸດ ເຊິ່ງໄດ້ແບ່ງກຸ່ມປະເມີນເປັນ 3 ກຸ່ມຄື: ຄະນະໂຄສະນາອົບຮົມແຂວງ, ຂະແໜງຫ້ອງການບໍລິຫານ, ຂະແໜງໂຄສະນາ, ຂະແໜງອົບຮົມ ແລະ ຂະແໜງສັງລວມ, ໂດຍໄດ້ພ້ອມກັນປະເມີນ, ໃຫ້ຄະແນນຕົນເອງ ແລະ  ໃຫ້ຄະແນນໝູ່ຄະນະ, ຜ່ານການປະເມີນຜົນການປະຕິບັດວຽກງານພະນັກງານ-ລັດຖະກອນ ສາມາດສະຫຼຸບຜົນໄດ້ຄື: ໄດ້ປະເພດ ດີຫຼາຍ 4 ຄົນ, ຍິງ 1 ຄົນ, ໄດ້ປະເພດດີ 15 ຄົນ, ຍິງ 7 ຄົນ, ໂອກາດດັ່ງກ່າວ ທ່ານ ດວງຕາ ໄຊວຸດ ກໍ່ໄດ້ໃຫ້ກຽດໂອ້ລົມ ກ່ອນອື່ນທ່ານໄດ້ຍ້ອງຍໍຊົມເຊີຍຕໍ່ການປະເມີນຜົນພະນັນງານຄັ້ງນີ້, ພ້ອມທັງໄດ້ເນັ້ນໜັກໃຫ້ຄະນະໂຄສະນາອົບຮົມແຂວງຈົ່ງເອົາໃຈໃສ່ ໃນການສືກສາອົບຮົມການເມືອງ-ແນວຄິດ ແລະ ຕັ້ງໜ້າເຊື່ອມຊຶມນິຕິກໍາຕ່າງໆໃຫ້ຫຼາຍ, ປັບປຸງແບບແຜນວິທີເຮັດວຽກ, ແບບແຜນການນໍາພາ, ເພີ່ມທະວີຄວາມສາມັກຄີໃຫ້ເປັນປືກແຜ່ນ,  ພ້ອມທັງສືບຕໍ່ຮັກສາມູນເຊື້ອໃນບັ້ນປະເມີນຜົນຄັ້ງນີ້ໄວ້ ແລະ ສູ້ຊົນປະເມີນຜົນໃນປີ 2021 ໃຫ້ໄດ້ດີຂຶ້ນຕື່ມ.

ຂ່າວ-ພາບ: ໄພວັນ ສີດານຸວົງ

ຄະນະໂຄສະນາອົບຮົມແຂວງໄຊຍະບູລີ