ແຂວງໄຊຍະບູລີ

ລາຍລະອຽດ

ສ້າງຂື້ນເມື່ອ ວັນພະຫັດ, 19 ພຶດສະພາ 2016 08:00

ຂຽນໂດຍ admin

ແຂວງໄຊຍະບູລີ ເປັນແຂວງທີ່ມີຊ້າງຫລາຍທີ່ສຸດໃນປະເທດລາວ. ຫລັງຈາກແມ່ນ້ຳຂອງໄຫລຜ່ານແຂວງບໍ່ແກ້ວ, ແຂວງອຸດົມໄຊ ມາຍັງແຂວງຫລວງພະບາງ ຈາກຫລວງພະບາງ ແມ່ນ້ຳຂອງໄຫລ ຕໍ່ໄປຍັງແຂວງໄຊຍະບູລີ ແຂວງທີ່ອາດຈະບໍ່ໂດດເດັ່ນໃນເລື່ອງການທ່ອງທ່ຽວຫລາຍເທົ່າໃດ ຖ້າທຽບກັບເມືອງຫລວງພະບາງ ແລະ

ອ່ານເພີ່ມເຕີມ...

ຄະນະໂຄສະນາອົບຮົມແຂວງ ໄຊຍະບູລີ

ລາຍລະອຽດ

ສ້າງຂື້ນເມື່ອ ວັນອັງຄານ, 13 ກັນຍາ 2022 04:14

#### ໃນ 6 ຕົ້ນປີ ຄະນະໂຄສະນາອົບຮົມແຂວງໄຊຍະບູລີ ພົ້ນເດັ່ນຫຼາຍດ້ານ.####

 ໄລຍະ 6 ເດືອນ ຜ່ານມາ ຄະນະໂຄສະນາອົບຮົມແຂວງ ໄດ້ເອົາໃຈໃສ່ປະຕິບັດພາລະບົດບາດ, ໜ້າທີ່ຂອງຕົນໃຫ້ແກ່ຄະນະປະຈໍາພັກແຂວງ, ອົງການປົກຄອງແຂວງ ດໍາເນີນການໂຄສະນາເຜີຍແຜ່ແນວທາງ, ມູນເຊື້ອຂອງຊາດ, ຂອງພັກ-ລັດ, ສຶກສາອົບຮົມການເມືອງ-ແນວຄິດໃຫ້ສະມາຊິກພັກ, ພະນັກງານ ແລະ ປະຊາຊົນບັນດາເຜົ່າ ໂດຍສະເພາະແມ່ນສຸມໃສ່ການເຜີຍແຜ່ຜົນສໍາເລັດກອງປະຊຸມໃຫຍ່ ຜູ້ແທນອົງຄະນະພັກແຂວງໄຊຍະບູລີ ຄັ້ງທີ VII, ກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XI ຂອງພັກ. ຕິດພັນຜັນຂະຫຍາຍໄດ້ຈັດຕັ້ງປະຕິບັດ   2 ວະລະແຫ່ງຊາດ. ພ້ອມທັງເກັບກໍາສະພາບການພົ້ນເດັ່ນ ແລະ ການຕອບແກ້ບັນຫາຫາງສຽງສັງຄົມໃນແຕ່ລະໄລຍະ.

ໂດຍລວມແລ້ວເຫັນວ່າສະພາບແນວຄິດຂອງສະມາຊິກພັກ, ພະນັກງານ-ລັດຖະກອນ, ທະຫານ, ຕໍາຫຼວດ ຕະຫຼອດຮອດ ປະຊາຊົນບັນດາເຜົ່າໃນທົ່ວແຂວງ ສ່ວນຫຼາຍແມ່ນມີຄວາມອຸ່ນອ່ຽນທຸ່ນທ່ຽງ ໜັກແໜ້ນທາງດ້ານການເມືອງ, ເຊື່ອໝັ້ນຕໍ່ການນໍາພາຂອງພັກ, ມີຄວາມສາມັກຄີເປັນປຶກແຜ່ນ, ຍົກສູງນໍ້າໃຈຮັກຊາດ, ຮັກລະບອບໃໝ່, ປະຕິບັດຂໍ້ກໍານົດ, ກົດລະບຽບຂອງພັກ, ກົດໝາຍຂອງລັດ, ມີສະຕິລະວັງຕົວສູງຕໍ່ກົນອຸບາຍຫັນປ່ຽນໂດຍສັນຕິຂອງສັດຕູ ຕັ້ງໜ້າປະກອບສ່ວນເຂົ້າໃນການປົກປັກຮັກສາສ້າງສາພັດທະນາປະເທດຊາດ, ບ້ານ, ເມືອງຂອງຕົນ, ເຂົ້າຮ່ວມວຽກງານປ້ອງກັນຊາດ-ປ້ອງກັນຄວາມສະຫງົບ, ຄວາມເປັນລະບຽບຮຽບຮ້ອຍໃນສັງຄົມ.      

ສະຫາຍ ອາເມ ຊົງເຍ້ຽເລັ່ງ ກໍາມະການປະຈໍາພັກແຂວງ, ຫົວໜ້າຄະນະໂຄສະນາອົບຮົມແຂວງ ໄດ້ລາຍງານໃຫ້ຮູ້ວ່າໃນໄລຍະ 6 ເດືອນຜ່ານມາຄະນະພັກ, ອົງການປົກຄອງແຂວງ ຍາມໃດກໍຍຶດຖືວຽກງານການເມືອງ-ແນວຄິດເປັນກົກສອດຫ້ອຍໄປທຸກຂົງເຂດວຽກງານ, ໄດ້ຕັ້ງໜ້າເປັນເຈົ້າການຈັດຕັ້ງເຊື່ອມຊຶມ ແລະ ຜັນຂະຫຍາຍແນວທາງຂອງພັກ, ມະຕິ, ຄໍາສັ່ງ, ລະບຽບກົດໝາຍຂອງລັດເປັນຕົ້ນແມ່ນມະຕິກອງປະຊຸມໃຫຍ່ຜູ່ແທນທົ່ວປະເທດຄັ້ງທີ XI ຂອງພັກ, ມະຕິກອງປະຊຸມໃຫຍ່ ຜູ້ແທນອົງຄະນະພັກແຂວງຄັ້ງທີ່ VII ແລະ ນິຕິກໍາຕ່າງໆ ກໍຄື ວັນສຳຄັນ ຂອງຊາດ, ຂອງພັກ ຢ່າງກ້ວາງຂວາງ ທັງເປັນຄວາມຮັບຜິຊອບ ຂອງຄະນະພັກທຸກຂັ້ນ ເຊິ່ງມີຜູ້ເຂົ້າຮ່ວມ 57.584 ເທື່ອຄົນ, ຍິງ 22.956 ເທື່ອຄົນ.

ສິ່ງສຳຄັນ ພາຍຫຼັງຄົ້ນຄ້ວາເຊື່ອຊືມແລ້ວຮິບຮ້ອນ, ວ່ອງໄວ, ຫັນເປັນມະຕິ, ຄຳແນະນຳ ແລະ ແຜນການຈັດຕັ້ງປະຕິບັດລະອຽດ ເປັນຕົ້ນແມ່ນ ບັນດາເນື້ອໃນມະຕິ ເລກທີ 206 /ກມສພ, ລົງວັນທີ 7 ທັນວາ 2020 ວ່າດ້ວຍການຍົກສູງຄຸນນະພາບ ຂອງວຽກງານການເມືອງ-ແນວຄິດ ໃນໄລຍະໃໝ່ ມາເປັນແຈ້ງການແນແນະນຳ ເລກທີ 608 /ຄອຂ.ຊຍ, ລົງວັນທີ 21 ມິຖຸນາ 2021.

ຜ່ານການຈັດຕັ້ງເຊື່ອມຊຶມ ໄດ້ເຮັດໃຫ້ສະມາຊິກພັກ-ພະນັກງານ, ທະຫານ, ຕໍາຫຼວດ ແລະ ປະຊາຊົນບັນດາເຜົ່າມີຄວາມເປັນເອກະພາບສູງຕໍ່ແນວທາງທາງ, ແຜນນະໂຍບາຍຂອງພັກ, ສ້າງໄດ້ສະຕິກົດໝາຍ ແລະ ໃຫ້ການສະໜັບສະໜູນຕໍ່ການນໍາພາຂອງພັກ, ການຄຸ້ມຄອງຂອງລັດ, ມີຄວາມຕື່ນຕົວເຂົ້າຮ່ວມໃນການປົກປັກຮັກສາ ແລະ ສ້າງສາແຂວງໄຊຍະບູລີນັບມື້ສູງຂຶ້ນ.

ໃນສະພາບຫຍຸ້ງຍາກທາງດ້ານເສດຖະກິດ ປັດຈຸບັນ ສະພາບການຂອງໂລກກໍຄືພາກພຶ້ນພວມມີການຫັນປ່ຽນຢ່າງສະຫຼັບຊັບຊ້ອນ ຊຶ່ງຄາດຄະເນໄດ້ຍາກ ແລະ ຈະຍັງສືບຕໍ່ຄຸກຄາມປະຊາຊົນໃນທົ່ວໂລກ ໂດຍສະເພາະແມ່ນຂໍ້ຂັດແຍ່ງກັນລະຫວ່າງບັນດາປະເທດ ເປັນຕົ້ນແມ່ນສະຫະລັດອາເມລິກກາ, ສປຈີນ, ລັດເຊຍ ແລະ ຢູ່ເຄນ ທີ່ພວມມີການຄັດແຍ່ງກັນ ແລະ ກໍ່ໃຫ້ເກີດສົງຄາມຢ່າງດຸເດືອດລະຫວ່າງປະເທດ, ອີກດ້ານໜຶ່ງບັນດາປະເທດໃນໂລກກໍພວມປະເຊີນກັບບັນຫາການແຜ່ລະບາດຂອງເຊື້ອພະຍາດໂຄວິດ 19 ຊຶ່ງປັດຈຸບັນເຫັນວ່າຫຼຸດນ້ອຍຖອຍລົງກໍຕາມ ສິ່ງທີ່ກ່າວມາຂ້າງເທິງນັ້ນມັນໄດ້ສົ່ງຜົນກະທົບ ໃສ່ດ້ານແນວຄິດ, ຈິດໃຈ ແລະ ເສດຖະກິດ-ສັງຄົມຢ່າງໜັກໜ່ວງຢູ່ປະເທດຂອງພວກເຮົາ,ເວົ້າລວມ, ເວົ້າສະເພາະແມ່ນຕໍ່ກັບແຂວງໄຊຍະບູລີ ພົບຄວາມຫຍຸ້ງຍາກ, ເສດຖະກິດຕົກຕໍ່າ ເປັນຕົ້ນແມ່ນບັນຫານໍ້າມັນຂຶ້ນລາຄາ, ອັດຕາເງິນເຟີ້ ແລະ ຄ່າຄອງຊີບຖີບຕົວຂຶ້ນສູງ ທັງໝົດນີ້ແມ່ນສົ່ງຜົນກະທົບຕໍ່ການຜະລິດ, ທຸລະກິດ, ຊີວິດການເປັນຢູ່ຂອງ ພະນັກງານ ທະຫານ,ຕຳຫຼວດ ແລະ ປະຊາຊົນບັນດາເຜົ່າຢູ່ພາຍໃນແຂວງໄຊຍະບູລີ ໃນນັ້ນ ອັນພົ້ນເດັ່ນແມ່ນ ຄະນະໂຄສະນາອົບຮົມແຂວງ ໄດ້ຄັດຫຍໍ້ເນື້ອໃນ ເອກະສານສຶກສາອົບຮົມການເມືອງ-ນໍາພາແນວຄິດສະມາຊິກພັກ-ພະນັກງານຫຼັກແຫຼ່ງ ແລະ ສໍາລັບປະຊາຊົນບັນດາເຜົ່າ ເພື່ອໃຫ້ການຈັດຕັ້ງເຊື່ອມຊືມຢູ່ຂັ້ນແຂວງ, ຂັ້ນເມືອງ ລົງສູ່ຮາກຖານບ້ານງ່າຍຂຶ້ນ ແນໃສ່ໃຫ້ປະຊາຊົນຮັບຮູ້ເຂົ້າໃຈ ແລະ ສາມາດນໍາໄປປະຕິບັດຕົວຈິງໄດ້.

ອ່ານເພີ່ມເຕີມ...

ໂຄສະນາອົບຮົມແຂວງ ໄຊຍະບູລີ

ລາຍລະອຽດ

ສ້າງຂື້ນເມື່ອ ວັນສຸກ, 02 ກໍລະກົດ 2021 02:59

ຄະນະໂຄສະນາອົບຮົມແຂວງໄຊຍະບູລີ

ວັນທີ  1 ກໍລະກົດ 2021 ຄະນະໂຄສະນາອົບຮົມແຂວງໄຊຍະບູລີ  ເຊືອມຊືມເອກະສານສຳຄັນຂອງພັກ ແລະ  ​ຈັດກອງປະຊຸມສ້າງແຜ່ນກໍານົດພະນັກງານນຳພາ-ຄຸ້ມຄອງ 2021–2025 ໂດຍເປັນທານ ສະຫາຍ ອາເມ ຊົງເຍ້ຽເລັ່ງ  ກໍາມະການປະຈຳພັກແຂວງ,  ຫົວໜ້າຄະນະໂຄສະນາອົບຮົມແຂວງ, ເຂົ້າຮ່ວມມີທິມງານຂອງແຂວງ  ສະຫາຍ  ຈັນເພັງ ແສນຄຳ ຮອງ ຫົວໜ້າຄະນະຈັດຕັ້ງແຂວງ, ສະຫາຍ ບຸນພຽງ  ຕັດສະຫວັດ  ຫົວໜ້າຂະແໜງກວດກາລັດ  ມີສະມາຊິກສົມບູນພາຍໃນຄະນະໂຄສະນາອົບຮົມແຂວງ ຈຳນວນ 15 ສະຫາຍ, ຍິງ 4 ສະຫາຍ ເຂົ້າຮ່ວມຢ່າງພ້ອມພຽງ.

     ໃນກອງປະຊຸມ ສະຫາຍ ອາເມ ຊົງເຍ້ຽເລັ່ງ  ກໍາມະການປະຈຳພັກແຂວງ,  ຫົວໜ້າຄະນະໂຄສະນາອົບຮົມແຂວງ ໄດ້ມີຄຳເຫັນກ່ຽວ ເອກະສານເຜີຍແຜ່ມະຕິຂອງກົມການເມືອງສູນກາງພັກ ວ່າດ້ວຍວຽກງານການສ້າງແຜນກຳນົດພະນັກງານນຳພາ-ຄຸ້ມຄອງ  ແລະ ຈຸດປະສົງຄາດໝາຍ, ການກະກຽມບຸກຄະລາກອນ ເພື່ອເລືອກເຟັ້ນພະນັກງານນຳພາ - ຄຸ້ມຄອງ ໂຄງປະກອບບຸກຄະລາກອນໃຫ້ຄົບຊຸດຕາມຄວາມຮຽກຮ້ອງຕ້ອງການຂອງບັນດາຕຳແໜ່ງນຳພາຄຸ້ມຄອງຂອງຄະນະໂຄສະນາອົບຮົມແຂວງໄຊຍະບູລີ ຮັບປະກັນການຫັນວຽກງານພະນັກງານດຳເນີນຕາມລະບຽບແບບແຜນ ໜ້າທີ່ການເມືອງຂອງພັກ-ລັດໃນສະເພາະໜ້າ ແລະ ຍາວນານ  ຊຶ່ງໄດ້ກຳນົດມາດຖານລວມ ມາດຖານສະເພາະ ກ່ຽວກັບຕຳແໜ່ງບໍລິຫານລັດຖະກອນ ເພື່ອເປັນບ່ອນອີງໃຫ້ແກ່ການຈັດຕັ້ງຂອງພັກ, ລັດ  ທີ່ດຳລົງຕໍາແໜ່ງບໍລິຫານຕ່າງໆ ໃຫ້ພະນັກງານ,ສະທາຊິກພັກ ຄະນະໂຄສະນາອົບຮົມແຂວງ ໃຫ້ມີຄວາມເໝາະສົມ ແລະ ສອດຄ່ອງກັບຕົວຈິງ ພ້ອມດຳເນີນການທາບທາມເອົາບຸກຄະລາກອນຮອບ 3 ຕາມລະບຽບການ.

(ພາບ-ຂ່າວ: ໄພວັນ ສີດານຸວົງ)