ແຂວງ ໄຊຍະບູລີ ເອົາໃຈໃສ່ໃນການກໍ່ສ້າງພັກ-ພະນັກງານໃຫ້ມີຄວາມເຂັ້ມແຂງ ແລະ ໜັກແໜ້ນ.

ລາຍລະອຽດ

ສ້າງຂື້ນເມື່ອ ວັນພະຫັດ, 03 ສິງຫາ 2023 03:49

ຂຽນໂດຍ ສີນົນ ອ່ອນສາ

ແຂວງ ໄຊຍະບູລີ ເອົາໃຈໃສ່ໃນການກໍ່ສ້າງພັກ-ພະນັກງານໃຫ້ມີຄວາມເຂັ້ມແຂງ ແລະ ໜັກແໜ້ນ.

ທ່ານ ດວງຕາ ໄຊວຸດ ຮອງເລຂາພັກແຂວງ, ຜູ້ຊີ້ນໍາວຽກງານພັກ-ພະນັກງານ ແລະ ອົງການຈັດຕັ້ງມະຫາຊົນ ແຂວງ ໄຊຍະບູລີ ໄດ້ລາຍງານຕໍ່ກອງປະຊຸມຄົບຄະນະບໍລິຫານງານພັກແຂວງ ໄຊຍະບູລີ ຄັ້ງທີ 9 ສະໄໝທີ VII. ກ່ຽວກັບການນຳພາ-ຊີ້ນຳວຽກງານກໍ່ສ້າງພັກ-ພະນັກງານ ວ່າ: ຄະນະພັກແຕ່ລະຂັ້ນໄດ້ເອົາໃຈໃສ່ກໍ່ສ້າງ ແລະ ປັບປຸງການຈັດຕັ້ງຮາກຖານພັກຢ່າງຕໍ່ເນື່ອງ, ຮັບປະກັນໃຫ້ການຈັດຕັ້ງຮາກຖານພັກ, ສະມາຊິກພັກ ມີການເຕີບໃຫຍ່ຂະຫຍາຍຕົວ ແລະ ເປັນແກນນໍາໃນລະບົບການເມືອງ, ໄດ້ນໍາພາ-ຊີ້ນໍາ ດໍາເນີນຊີວິດການເມືອງປັບປຸງປົວແປງພາຍໃນການຈັດຕັ້ງຮາກຖານພັກ, ວຽກງານຂະຫຍາຍພັກໄດ້ເລືອກເຟັ້ນເອົາມະຫາຊົນຜູ້ກ້າວໜ້າເຂົ້າເປັນສະມາຊິກພັກ ປະຊາຊົນປະຕິວັດລາວ ຖືກຕ້ອງຕາມ 5 ຫຼັກການ 3 ທິດນໍາ 2 ທິດເລັ່ງ, ໃນໄລຍະໃໝ່ບົນພື້ນຖານຖືກຕ້ອງຕາມມາດຕະຖານ, ເງື່ອນໄຂ, ລະບຽບການ, ບາດກ້າວ, ຂັ້ນຕອນ ແລະ ສິດ ຂອງການຂະຫຍາຍພັກ ທີ່ໄດ້ກໍານົດໄວ້ໃນກົດລະບຽບພັກ, ເຮັດໃຫ້ສະມາຊິກພັກ ເພີ່ມຂຶ້ນທາງດ້ານຈໍານວນ ແລະ ຄຸນນະພາບໃນແຕ່ລະປີ, ຮອດປະຈຸບັນ ທົ່ວແຂວງໄຊຍະບູລີ ມີຮາກຖານພັກທັງໝົດ 1.394 ຮາກຖານ ( ຫຼຸດລົງ 6 ໜ່ວຍພັກ ສາເຫດຍ້ອນການຍຸບ ແລະ ໂຮມໜ່ວຍພັກເຂົ້າກັນ ), ໃນນີ້: ຮາກຖານພັກອ້ອມຂ້າງແຂວງ ມີ 213 ຮາກຖານ, ມີ 28 ຄະນະພັກຮາກຖານ ມີ 49 ໜ່ວຍພັກຮາກຖານ, ມີ 136 ໜ່ວຍພັກຮາກຖານທີ່ຂຶ້ນກັບ ແລະ ຮາກຖານພັກຢູ່ບັນດາເມືອງ ມີ 1.181 ຮາກຖານ, ມີ 59 ຄະນະພັກຮາກຖານ, ມີ 848 ໜ່ວຍພັກຮາກຖານ, ມີ 274 ໜ່ວຍພັກທີ່ຂື້ນກັບຄະນະພັກຮາກຖານ; ມີສະມາຊິກພັກທັງໝົດ 20.928 ສະຫາຍ, ຍິງ 6.092 ສະຫາຍ, ໃນນີ້ສະມາຊິກພັກຮາກຖານບ້ານມີ 7.548 ສະຫາຍ, ຍິງ 1.594 ສະຫາຍ, ສະມາຊິກພັກສຳຮອງ 2.091 ສະຫາຍ, ຍິງ 330 ສະຫາຍ.

ອ່ານເພີ່ມເຕີມ...

ພິທີມອບ-ຮັບ ທຶນສະໜັບສະໜູນສວນຄົວ ໃຫ້ກັບຄອບຄົວຊາວກະສິກອນ ເມືອງທົ່ງມີໄຊ

ລາຍລະອຽດ

ສ້າງຂື້ນເມື່ອ ວັນພຸດ, 02 ສິງຫາ 2023 07:47

ຂຽນໂດຍ ທ່ານ ສີນົນ ອ່ອນສາ

ພິທີມອບ-ຮັບ ທຶນສະໜັບສະໜູນສວນຄົວ ໃຫ້ກັບຄອບຄົວຊາວກະສິກອນ ໃນກຸ່ມເປົ້າໝາຍໂພສະນາການ ຂອງໂຄງການຊົນລະກະເສດ ແລະ ຜະລິດເປັນສິນຄ້າຂະໜາດນ້ອຍຢູ່ເມືອງທົ່ງມີໄຊ.
ໃນຕອນບ່າຍວັນທີ 1 ສິງຫາ 2023 ຢູ່ທີ່ຫໍປະຊຸມບ້ານ ນາມ່ວງ ເມືອງທົ່ງມີໄຊ ແຂວງໄຊຍະບູລີ ໄດ້ຈັດພິທີມອບ-ຮັບທຶນສະໜັບສະໜູນສວນຄົວໃຫ້ກັບຄອບຄົວຊາວກະສິກອນໃນກຸ່ມເປົ້າໝາຍໂພສະນາການຂອງໂຄງການຊົນລະກະເສດ ແລະ ຜະລິດເປັນສິນຄ້າຂະໜາດນ້ອຍຂຶ້ນໂດຍການເປັນກຽດເຂົ້າຮ່ວມຂອງທ່ານ ສົມຫວັງ ສີສົມພອນ ຄະນະປະຈໍາພັກເມືອງ ຮອງເຈົ້າເມືອງໆທົ່ງມີໄຊ,ມີທີມງານຈັດຕັ້ງປະຕິບັດໂຄງການຂອງເມືອງ,ຄະນະຜູ້ອຳນວຍຄວາມສະດວກຂັ້ນບ້ານ ແລະ ຄອບຄົວເປົ້າໝາຍເຂົ້າຮ່ວມ ເຊິ່ງຈໍານວນບ້ານທີ່ໄດ້ຮັບທຶນຊ່ວຍເຫຼືອໃນຄັ້ງນີມີທັງໝົດ 3 ບ້ານຄື: ບ້ານດອນພູນ,ບ້ານແດດ ແລະ ບ້ານນາມ່ວງ ມີຈໍານວນ 72 ຄອບຄົວ ລວມມູນຄ່າທັງໝົດ 72ລ້ານກີບ ເຊິ່ງເປັນກິດຈະກຳໜຶ່ງຂອງວຽກໂພສະນາການທີ່ນອນໃນອົງປະກອບທັງ 3 ຂອງໜ້າວຽກໂຄງການຊົນລະກະເສດ ແລະ ການຜະລິດເປັນສິນຄ້າຂະໜາດນ້ອຍ ແນໃສ່ການແກ້ໄຂບັນຫາການຂາດສານອາຫານ, ບັນຫາອາຫານບໍ່ພຽງພໍສຳລັບການບໍລິໂພກ, ອາຫານບໍ່ມີຄຸນນະພາບດີ ແລະ ບັນຫາດ້ານສຸຂະອານາໄມ ທີ່ຈະຕ້ອງໄດ້ຮັບການປັບປຸງແກ້ໄຂໃຫ້ດີຂຶ້ນໃນອານາຄົດ ເປັນການປະກອບສ່ວນ ໃນການຂັບເຄື່ອນຍຸດທະສາດຂອງວຽກງານໂພສະນາການແຫ່ງຊາດ ຢູ່ພາຍໃນບ້ານກໍ່ຄື

ອ່ານເພີ່ມເຕີມ...

ແຂວງໄຊຍະບູລີ-ທາຍບິງ ສຶບຕໍ່ຮ່ວມມືກັນດ້ານການຕ່າງປະເທດສຶກສາ ສາທາ.

ລາຍລະອຽດ

ສ້າງຂື້ນເມື່ອ ວັນອັງຄານ, 01 ສິງຫາ 2023 07:42

ຂຽນໂດຍ ທ່ານ ສີນົນ ອ່ອນສາ

1/8/2023: #ແຂວງໄຊຍະບູລີ-ທາຍບິງ ສຶບຕໍ່ຮ່ວມມືກັນດ້ານການຕ່າງປະເທດສຶກສາ ສາທາ.
……………………………………
 ແຂວງໄຊຍະບູລີ ສປປ ລາວ -ແຂວງທາຍບິງ ສສ ຫວຽດນາມ ສຶບຕໍ່ຮ່ວມມືກັນດ້ານການຕ່າງປະເທດ ສຶກສາ ແລະ  ກິລາ  ແລະ ສາທາລະນະສຸກ ພິທີພົບປະລະຫວ່າງສອງແຂວງໄດ້ຈັດຂຶ້ນໃນຕອນເຊົ້າຂອງວັນທີ 1 ສິງຫາ 2023 ນີ້ ທີ່ຫ້ອງປະຊຸມຫ້ອງວ່າການແຂວງໄຊຍະບູລີ, ຝ່າຍແຂວງໄຊຍະບູລີ ນໍາພາໂດຍທ່ານ ເພັດພິໄຊ ສູນວິໄລ ຮອງເຈົ້າແຂວງໄຊຍະບູລີ ພ້ອມດ້ວຍ ຫົວໜ້າພະແນກການທີ່ກ່ຽວຂ້ອງ, ແຂວງ ທາຍບິງ ສສ ຫວຽດນາມ ນໍາພາໂດຍ ທ່ານ ນາງ ເຈິນ ທິ ບິກ ຮັງ ຮອງປະທານຄະນະກໍາມະການປະຊາຊົນແຂວງພ້ອມດ້ວຍຄະນະ. ໃນວາລະກອງປະຊຸມການພົບປະໃນຄັ້ງນີ້ ທ່ານ ເພັດພິໄຊ ສູນວິໄລ ຮອງເຈົ້າແຂວງໄຊຍະບູລີ ໄດ້ຂຶ້ນລາຍງານຜົນຂອງການຮ່ວມມືໃນໄລຍະຜ່ານມາ ເຊິ່ງທ່ານໄດ້ກ້າວບາງຕອນວ່າ: ພວກຂ້າພະເຈົ້າເຊື່ອໝັ້ນວ່າ: ການພົບປະໃນຄັ້ງນີ້ ເພື່ອເປັນການເພີ່ມທະວີ ແລະ ເສີມຂະຫຍາຍສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານ ລະ ຫວ່າງສອງປະເທດ ລາວ ແລະ ຫວຽດນາມ ກໍ່ຄື ສອງແຂວງໄຊຍະບູລີ ແລະ ທາຍບິງພວກເຮົາ ໃຫ້ນັບມື້ມີການຂະຫຍາຍຕົວເຂົ້າສູ່ລວງເລິກ ແລະ ເພີ່ມພູນຄູນສ້າງໃຫ້ຈະເລີນງອກງາມຍິ່ງໆຂຶ້ນ. ໃນໂອກາດທີ່ຄະນະຜູ້ແທນແຂວງທາຍບິງ ໄດ້ມາຢ້ຽມຢາມ ແລະ ເຮັດວຽກ ຢູ່ແຂວງໄຊຍະບູລີໃນຄັ້ງນີ້, ຂ້າພະເຈົ້າ ຂໍຖືໂອກາດນີ້ ນໍາສະເໜີໝາກຜົນແຫ່ງການຈັດຕັ້ງປະຕິບັດກິດຈະກໍາການຮ່ວມມື ລະຫວ່າງສອງແຂວງພວກເຮົາ ໄລຍະຜ່ານມາ 

ອ່ານເພີ່ມເຕີມ...

​ເມືອງ​ໄຊ​ຍະ​ບູລີ ປາຖະກະຖາ 3 ວັນ​ປະຫວັດສາດ.

ລາຍລະອຽດ

ສ້າງຂື້ນເມື່ອ ວັນຈັນ, 24 ກໍລະກົດ 2023 03:03

ຂຽນໂດຍ ສີນົນ ອ່ອນສາ

​ເມືອງ​ໄຊ​ຍະ​ບູລີ ປາຖະກະຖາ 3 ວັນ​ປະຫວັດສາດ.

ຕອນ​ເຊົ້າວັນ​ທີ 19 ກໍ​ລະກົດ 2023 ນີ້   ເມືອງ​ໄຊ​ຍະ​ບູລີ ປາຖະກະຖາ 3 ວັນ​ປະຫວັດສາດ ​ໃຫ້ກຽດ ປາຖະກະຖາ ຂອງ ທ່ານ ບຸນ​ແທນ ທີ​ແກ້ວ ກຳມະການ​ພັກ​ແຂວງ ​ເລຂາ​ຄະນະ​ບໍລິຫານ​ງານ​ພັກ​ເມືອງ ​ເຈົ້າ​ເມືອງ​ໄຊ​ຍະ​ບູລີ , ມີ ຮອງ​ເລຂາ​ຄະນະ​ບໍລິຫານ​ງານ​ພັກ​ເມືອງ, ຄະນະ​ປະ​ຈໍາ​ພັກ​ເມືອງ, ກຳມະການ​ພັກ​ເມືອງ , ຫົວໜ້າ, ຮອງ​ຫົວໜ້າຫ້ອງການ, ພະນັກງານຫຼັກ​ແຫຼ່ງຂອງ​ເມືອງ,  ອົງການ​ປົກຄອງ​ບ້ານ​ເຂົ້າ​ຮ່ວມ.

ອ່ານເພີ່ມເຕີມ...

​ເມືອງ​ແກ່ນທ້າວ ແຂວງໄຊຍະບູລີ ໄດ້ປາຖະກະຖາ 4 ວັນ​ປະຫວັດສາດ.

ລາຍລະອຽດ

ສ້າງຂື້ນເມື່ອ ວັນຈັນ, 24 ກໍລະກົດ 2023 02:49

ຂຽນໂດຍ ສີນົນ ອ່ອນສາ