ຄະນະໂຄສະນາອົບຮົມແຂວງ ໄຊຍະບູລີ

ລາຍລະອຽດ

ສ້າງຂື້ນເມື່ອ ວັນສຸກ, 30 ກັນຍາ 2022 03:17

ເມືອງໄຊສະຖານ ແຂວງໄຊຍະບູລີ

ດໍາເນີນກອງປະຊຸມຜູ້ບໍລິຫານການສຶກສາ ແລະ ກິລາທົ່ວເມືອງໄຊສະຖານ ສົກຮຽນ 2021-2022

      ກອງປະຊຸມຜູ້ບໍລິຫານການສຶກສາ ແລະ ກິລາທົ່ວເມືອງໄຊສະຖານ ແຂວງໄຊຍະບູລີ ສົກຮຽນ 2021-2022 ໄດ້ໄຂຂື້ນຢ່າງເປັນທາງການໃນວັນທີ 29 ເດືອນກັນຍາ ປີ 2022 ນີ້ ຢູ່ທີ່ຫ້ອງປະຊຸມໃຫຍ່ຂອງເມືອງ ໂດຍການເປັນກຽດເຂົ້າຮ່ວມຂອງທ່ານ ອ່ອນຕາ ພົມມະຈິດ ກໍາມະການພັກແຂວງ ຫົວໜ້າພະແນກສຶກສາທິການ ແລະ ກິລາແຂວງ ມີທ່ານ ສີສະໝອນ ນາມວົງ ວ່າການເລຂາພັກເມືອງ ເຈົ້າເມືອງ ພາຍໃຕ້ການເປັນປະທານຂອງທ່ານ ບຸນຍ້າຍ ດວງດີ ຫົວໜ້າຫ້ອງການສຶກສາທິການ ແລະ ກິລາເມືອງ ມີກໍາມະການປະຈໍາພັກເມືອງ, ກໍາມະການພັກເມືອງ, ຫົວໜ້າຫ້ອງການ, ອົງການ, ກົມກອງ, ກອງກໍ່ສ້າງຮາກຖານ, ຫົວໜ້າກຸ່ມ ປກສ ບໍລິການປະຊາຊົນ, ນາຍບ້ານ, ຜູ້ອໍານວຍການໂຮງຮຽນມັດທະຍົມ, ປະຖົມ ພ້ອມດ້ວຍວິຊາການຈາກຫ້ອງສຶກສາທິການ ແລະ ກິລາເມືອງເຂົ້າຮ່ວມ.

    ກອງປະຊຸມໃນຄັ້ງນີ້ຜູ້ເຂົ້າຮ່ວມແມ່ນໄດ້ຮັບຟັງຂໍ້ຕົກລົງຂອງທ່ານເຈົ້າເມືອງ ສະບັບເລກທີ 250/ຈມ.ຊຖ, ລົງວັນທີ 28 ກັນຍາ 2022 ວ່າດ້ວຍການອະນຸມັດເປີດກອງປະຊຸມຜູ້ບໍລິຫານກາາສຶກສາທົ່ວເມືອງໄຊສະຖານ ສົກຮຽນ 2021-2022, ຮັບຟັງການເຜີຍແຜ່ມະຕິກອງປະຊຸມສະໄໝສາມັນຄົບຄະນະຄັ້ງທີ 10 ຂອງກໍາມາທິການແຫ່ງຊາດເພື່ອການພັດທະນາຊັບພະຍາກອນມະນຸດ ແລະ ມະຕິກອງປະຊຸມຜູ້ບໍລິຫານການສຶກສາ ແລະ ກິລາທົ່ວປະເທດ ປະຈໍາສົກຮຽນ 2021-2022, ມະຕິກອງປະຊຸມສະພາປະຊາຊົນແຂວງວ່າດ້ວຍການຮັບຮອງການຈັດຕັ້ງປະຕິບັດປັບປຸງຄຸນນະພາບລະບົບການຮຽນ-ການສອນ, ຮັບຟັງບົກບັນທຶກກອງປະຊຸມຜູ້ບໍລິຫານການສືກສາ ແລະ ກິລາທົ່ວແຂວງ ປະຈໍາສົກຮຽນ 2021-2022 ແລະ ຂໍ້ຕົກລົງວ່າດ້ວຍກອງທຶນກິລາກາຍຍະກໍາ, ຮັບຟັງຮ່າງບົດສະຫຼຸບການຈັດຕັ້ງປະຕິບັດແຜນພັດທະນາການສຶກສາ ແລະ ກິລາປະຈໍາສົກຮຽນ 2021-2022 ແລະ ແຜນການປະຈໍາສົກຮຽນ 2022-2023 ແລະ ຜົນການຈັກຕັ້ງປະຕິບັດ 15 ຄາດໝາຍ 19 ຕົວຊີ້ບອກ ທີ່ສະພາປະຊາຊົນແຂວງໄດ້ຮັບຮອງ ຜ່ານການຈັດຕັ້ງປະຕິບັດບັນດາຄາດໝາຍດັ່ງກ່າວສາມາດບັນລຸ 1 ຄາດໝາຍ ແລະ ໄກ້ຈະບັນລຸ 3 ຄາດໝາຍ ເປັນຕົ້ນແມ່ນອັດຕາເຂົ້າຮຽນຂອງເດັກ 5 ປີ ປະຕິບັດໄດ້96%ທຽບໃສ່ຄາດໝາຍຖືວ່າບັນລຸ, ອັດຕາເຂົ້າຮຽນໃໝ່ລວມ ປ.1 ປະຕິບັດໄດ້ 98,8%ທຽບໃສ່ຄາດໝາຍ (101%) ຍັງບໍ່ທັນບັນລຸ 2,2%, ອັດຕາເຂົ້າຮຽນໃໝ່ສຸດທິ ປ.1 ປະຕິບັດໄດ້ 98,1%,ທຽບໃສ່ຄາດໝາຍຂອງແຂວງ 99%ຍັງບໍ່ບັນລຸຄາດໝາຍ 0,8%, ອັດຕາເຂົ້າຮຽນສຸດທິຊັ້ນປະຖົມປະຕິບັດໄດ້ 97,5% ທຽບໃສ່ຄາດໝາຍ 99% ຍັງບໍ່ບັນລຸ 1,5%, ອັດຕາປະລະຊັ້ນປະຖົມປະຕິບັດໄດ້ 3% ທຽບໃສ່ຄາດໝາຍ 1%ຍັງບໍ່ບັນລຸ 2 %, ຮັບຟັງການລາຍງານການຈັດຕັ້ງປະຕິບັດການສ້າງກຸ່ມໂຮງຮຽນຕົວແບບຊັ້ນປະຖົມຕິດພັນກັບວຽກງານສາມສ້າງ, ລາຍງານກ່ຽວກັບຈໍານວນນັກຮຽນສາມັນສຶກສາທີ່ຍັງຄ້າງບ້ານບໍ່ທັນມາເຂົ້າໂຮງຮຽນ, ດອງປະຊຸມໃນຄັ້ງຍີ້ ທ່ານ ສີສະໝອນ ນາມວົງ ວ່າດານເຈົ້າເມືອງຍັງໄດ້ມີຄໍາເຫັນເຈາະຈີ້ມເພື່ອໃຫ້ບັນດາແຂກຜູ້ແທນກອງປະຊຸມໄດ້ມີການປະກອບຄໍາຄິດຄໍາເຫັນເປັນຕົ້ນແມ່ນການຈັດຕັ້ງປະຕິບັດແຜນພັດທະນາການສຶກສາ ແລະ ກິລາ ສົກຮຽນ 2021-2022 ແລະ ທິດທາງແຜນການ ສົກຮຽນ 2022-2023, ການຈັດຕັ້ງປະຕິບັດ 15 ຄາດໝາຍ 19 ຕົວຊີ້ບອກ ທີ່ສະພາແຫ່ງຊາດ ແລະ ສະພາປະຊາຊົນແຂວງຮັບຮອງ, ບັນຫານັກຮຽນປະລະການຮຽນ ຫຼື ອອກໂຮງຮຽນ, ນັກຮຽນສ້າງຄອບຄົວ ແລະ ຕໍ່ກັບນັກຮຽນຜູ້ດື້ດ້ານປຽບທຽບສັ່ງຊາຜູ້ອື່ນຄ້າງຢູ່ບ້ານບໍ່ມາເຂົ້າໂຮງຮຽນ ແລະ ການຈັດຕັ້ງປະຕິບັດລະບຽບຂອງທ່ານເຈົ້່ເມືອງ ສະບັບເລກທີ 10/ຈມ.ຊຖ, ລົງວັນທີ 6 ຕຸລາ 2021 ພ້ອມນີ້ບັນດາແຂກຜູ້ແທນກອງປະຊຸມຍັງໄດ້ຂື້ນປະກອບຄໍາຄິດຄໍາເຫັນຢ່າງກົງໄປກົງມາເພື່ອຊອກໃຫ້ເຫັນໄດ້ບັນຫາດ້ານດີ, ດ້ານອ່ອນຂໍ້ຄົງຄ້າງທີ່ຈະໄດ້ພ້ອມກັນສືບຕໍ່ແກ້ໄຂໃນຕໍ່ໜ້າຕື່ມອີກ.

ຂຽນ ໄພວັນ ສີດານຸວົງ ຄອຂ.ຊຍ

ຄະນະໂຄສະນາອົບຮົມແຂວງ ໄຊຍະບູລີ

ລາຍລະອຽດ

ສ້າງຂື້ນເມື່ອ ວັນສຸກ, 02 ກັນຍາ 2022 04:01

ໂຮງຮຽນການເມືອງ-ການປົກຄອງ #ແຂວງອຸດົມໄຊ ພົບປະແລກປ່ຽນບົດຮຽນກັບ #ແຂວງໄຊຍະບູລີ.

…………………………….

ພິທີພົບປະແລກປ່ຽນບົດຮຽນ ແລະ ຜູກແໜ້ນຄວາມສາມັກຄີມັກຄີອັນເປັນປຶກແຜ່ນ ລະຫວ່າງ ໂຮງຮຽນການເມືອງ-ການປົກຄອງ ແຂວງໄຊຍະບູລີ ແລະ ແຂວງອຸດົມໄຊ ໄດ້ຈັດຂຶ້ນໃນວັນທີ 1 ກັນຍາ 2022 ນີ້ຢູ່ທີ່ຫໍປະຊຸມໃຫຍ່ຂອງແຂວງ, ເປັນກຽດເຂົ້າຮ່ວມມີ ທ່ານ ອາເມ ຊົງເຢ້ຽເລັ່ງ ຄະນະປະຈໍາພັກແຂວງ ຫົວໜ້າຄະນະໂຄສະນາອົບຮົມແຂວງ, ທ່ານ ປອ ສີສອນພັນ ບຸນສີ ກໍາມະການພັກແຂວງ ຫົວໜ້າໂຮງຮຽນການເມືອງ-ການປົກຄອງແຂວງໄຊຍະບູລີ ພ້ອມດ້ວຍຄະນະໂຮງຮຽນ, ພະນັກງານຄູ-ອາຈານ ແລະ ນັກສຶກສາລະບົບຊັ້ນກາງ ຮຸ່ນທີ XVIII, ທ່ານ ຄໍາຟອງ ພັດທະມາວົງ ຫົວໜ້າໂຮງຮຽນການເມືອງ ແລະ ການປົກຄອງ ພ້ອມຄະນະນໍາໂຮງຮຽນ, ພະນັກງານຄູ-ອາຈານ, ນັກສຶກສາອະນຸປະລິນຍາແຂວງອຸດົມໄຊເຂົ້າຮ່ວມ.

ໃນພິທີອັນມີຄວາມໝາຍ ທ່ານ ອາເມ ຊົງເຢ້ຽເລັ່ງ ຄະນະປະຈໍາພັກແຂວງ ຫົວໜ້າຄະນະໂຄສະນາອົບຮົມແຂວງ ໄດ້ກ່າວຕ້ອນຮັບ ພ້ອມທັງລາຍງານການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມຂອງແຂວງ ຈາກນັ້ນ ທ່ານ ປອ ສີສອນພັນ ບຸນສີ ຫົວໜ້າໂຮງຮຽນການເມືອງ-ການປົກຄອງແຂວງໄຊຍະບູລີ ໄດ້ລາຍງານການຈັດຕັ້ງປະຕິບັດວຽກງານການຮຽນ-ການສອນ ເຊິ່ງໄດ້ໃຫ້ຮູ້ວ່າ: ໂຮງຮຽນການເມືອງ ແລະ ການປົກຄອງແຂວງໄຊຍະບູລີ ມີກົງຈັກຊ່ວຍວຽກບໍລິຫານ ແລະ ວິຊາການ ປະກອບມີ 4 ຂະແໜງການຄື: ຂະແໜງຄຸ້ມຄອງການຮຽນ-ການສອນ, ຂະແໜງບໍລິຫານ, ຂະແໜງວິຊາການ ແລະ ຂະແໜງຂໍ້ມູນຂ່າວສານ, ມີຄະນະໂຮງຮຽນ ແລະ ພະນັກງານຄູ-ອາຈານ ທັງໝົດ 23 ທ່ານ, ຍິງ 10 ທ່ານ, ມີຄະນະ 3 ທ່ານ, ຫົວໜ້າໂຮງຮຽນ 1 ທ່ານ, ຮອງ 3 ທ່ານ, ອາຈານສອນທັງໝົດ 15 ທ່ານ, ຍິງ 4 ທ່ານ. ການຈັດຕັ້ງປະຕິບັດການຮຽນ-ການສອນ ເລີ່ມແຕ່ປີ 2004 ມາເຖິງປະຈຸບັນ ໄດ້ດໍາເນີນຊຸດຮຽນ 4 ລະບົບໄປພ້ອມໆກັນເຊັ່ນ: ລະບົບຊັ້ນກາງ ເລີ່ມແຕ່ຈັດຕັ້ງປະຕິບັດມາແຕ່ປີ 2004 ມາເຖິງປະຈຸບັນ ໄດ້ຄຸ້ມຄອງຊຸດຮຽນ 18 ຊຸດ, ມີຜູ້ຮຽນທັງໝົດ 905 ຄົນ, ຍິງ 159 ຄົນ; ໃນນັ້ນຮຽນຈົບແລ້ວ 17 ຊຸດ ຈໍານວນ 857 ຄົນ, ຍິງ 149 ຄົນ, ປະຈຸບັນພວມສືບຕໍ່ການຮຽນ-ການສອນ 1 ຊຸດ ມີຜູ້ເຂົ້າຮຽນ 48 ຄົນ, ຍິງ 10 ຄົນ. ລະບົບຊັ້ນຕົ້ນ ເລີ່ມປະຕິບັດມາແຕ່ປີ 2016 ມາເຖິງປະຈຸບັນ ໄດ້ຄຸ້ມຄອງຊຸດຮຽນ 29 ຊຸດ, ມີຜູ້ເຂົ້າຮຽນທັງໝົດ 1.376 ຄົນ, ຍິງ 300 ຄົນ; ໃນນັ້ນຮຽນຈົບໄປແລ້ວ 27 ຊຸດ, ມີຜູ້ເຂົ້າຮຽນ 1.277 ຄົນ, ຍິງ 285 ຄົນ, ປະຈຸບັນພວມສືບຕໍ່ການຮຽນ-ການສອນ 2 ຊຸດ ມີຜູ້ເຂົ້າຮຽນ 99 ຄົນ, ຍິງ 15 ຄົນ (ຢູ່ໃນ 2 ເມືອງຄື ເມືອງຄອບ ແລະ ເມືອງຊຽງຮ່ອນ). ລະບົບ 45 ວັນ ເລີ່ມຈັດຕັ້ງປະຕິບັດມາແຕ່ປີ 2012 ມາເຖິງປະຈຸບັນ ໄດ້ຄຸ້ມຄອງຊຸດຮຽນ 10 ຊຸດ ມີຜູ້ເຂົ້າຮຽນທັງໝົດ 464 ຄົນ, ຍິງ 167 ຄົນ. ຫຼັກສູດບໍາລຸງ 10 ວັນ ນາຍບ້ານ ເລີ່ມຈັດຕັ້ງປະຕິບັດມາແຕ່ປີ 2019 ມາເຖິງປະຈຸບັນ ໄດ້ຄຸ້ມຄອງຊຸດຮຽນ 13 ຊຸດ ມີຜູ້ເຂົ້າຮຽນທັງໝົດ 468 ຄົນ, ຍິງ 60 ຄົນ. ພ້ອມດຽວກັນນີ້ ບັນດາຜູ້ເຂົ້າຮ່ວມກໍ່ໄດ້ຮັບຟັງການລາຍງານການຈັດຕັ້ງປະຕິບັດວຽກງານການຮຽນ-ການສອນຂອງແຂວງອຸດົມໄຊ ພ້ອມທັງໄດ້ພ້ອມກັນປະກອບຄໍາຄິດຄໍາເຫັນ ມີຄໍາຖານແລກປ່ຽນເຊິ່ງກັນ ແລະ ກັນ ເພື່ອເຮັດໃຫ້ການຈັດຕັ້ງປະຕິບັດໂຄງການຫຼັກສູດທິດສະດີການເມືອງ-ການປົກຄອງແຫ່ງຊາດກໍານົດອອກບັນລຸຕາມຄາດໝາຍ ແລະ ມີຄວາມເປັນເອກະພາບກັນ.

……………….

ຂ່າວ:ມະໄລວັນ

ຄະນະໂຄສະນາອົບຮົມແຂວງ ໄຊຍະບູລີ

ລາຍລະອຽດ

ສ້າງຂື້ນເມື່ອ ວັນພະຫັດ, 01 ກັນຍາ 2022 07:40

ເມືອງແກ່ນທ້າວ ເຊື່ອມຊຶມມະຕິກອງປະຊຸມຄົບຄະນະບໍລິຫານງານສູນກາງພັກ ຄັ້ງທີ 4 ສະໄໝທີ XI.

ເມືອງແກ່ນທ້າວ #ແຂວງໄຊຍະບູລີ ໄດ້ຈັດກອງປະຊຸມເຊື່ອມຊືມມະຕິກອງປະຊຸມຄົບຄະນະບໍລິຫານງານສູນກາງພັກ ຄັ້ງທີ 4 ສະໄໝທີ XI ຂຶ້ນ. ໃນຕອນເຊົ້າວັນທີ 31 ສິງຫາ 2022 ນີ້, ຢູ່ທີ່ສະໂມສອນຫ້ອງວ່າການເມືອງ. ໂດຍການເປັນກຽດເຂົ້າຮ່ວມຂອງສະຫາຍ ອໍາຄາ ລັດສະໝີ ກໍາມະການພັກແຂວງ, ເລຂາພັກເມືອງ, ເຈົ້າເມືອງແກ່ນທ້າວ, ມີຮອງເລຂາພັກເມືອງ, ກໍາມະການປະຈໍາພັກເມືອງ, ກໍາມະການພັກເມືອງ, ເລຂາ-ຮອງເລຂາໜ່ວຍພັກສໍານັກງານ-ອົງການ, ກົມກອງ, ດ່ານສາກົນ, ພະນັກງານ-ລັດຖະກອນ, ທະຫານ-ຕໍາຫຼວດ ຢູ່ພາຍໃນເມືອງເຂົ້າຮ່ວມ 170 ກວ່າສະຫາຍ.

ອ່ານເພີ່ມເຕີມ...

ຄະນະໂຄສະນາອົບຮົມແຂວງ ໄຊຍະບູລີ

ລາຍລະອຽດ

ສ້າງຂື້ນເມື່ອ ວັນພະຫັດ, 01 ກັນຍາ 2022 03:06

ໂຮງຮຽນການເມືອງ-ການປົກຄອງແຂວງ ພິທີປາຖະກະຖາວັນສ້າງຕັ້ງແນວລາວສ້າງຊາດຄົບຮອບ 72 ປີ.

########

ໃນຕອນເຊົ້າຂອງວັນ 31 ສິງຫາ 2022 ນີ້ ທີ່ຫ້ອງປະຊຸມ #ໂຮງຮຽນການເມືອງ ແລະ ການປົກຄອງ #ແຂວງໄຊຍະບູລີ ອົງການແນວລາວສ້າງຊາດແຂວງໄຊຍະບູລີ ໄດ້ສົມທົບກັບໂຮງຮຽນການເມືອງ ແລະ ການປົກຄອງແຂວງ ຈັດພິທີປາຖະກະຖາວັນສ້າງຕັ້ງແນວລາວສ້າງຊາດຄົບຮອບ 72 ປີ ຄື: 13 ສິງຫາ 1950 – 13 ສິງຫາ 2022 ໃຫ້ກຽດປາຖະກະຖາຂອງທ່ານ ຄໍາສີ ແພງສະຫວັນ ກໍາມະການປະຈໍາພັກແຂວງ ປະທານແນວລາວສ້າງຊາດແຂວງ ເຂົ້າຮ່ວມຮັບຟັງມີ ທ່ານ ປອ ສີສອນພັນ ບຸນສີ ກໍາມະການພັກແຂວງ ຫົວໜ້າໂຮງຮຽນການເມືອງການປົກຄອງແຂວງ, ມີຄະນະອໍານວຍການໂຮງຮຽນ, ຄູອາຈານ ພ້ອມດ້ວຍນັກສຶກສາທິດສະດີການເມືອງ ແລະ ການປົກຄອງລຸ້ນທີ XVIII ເຂົ້າຮ່ວມ.

ອ່ານເພີ່ມເຕີມ...

ຄະນະໂຄສະນາອົບຮົມແຂວງ ໄຊຍະບູລີ

ລາຍລະອຽດ

ສ້າງຂື້ນເມື່ອ ວັນພຸດ, 31 ສິງຫາ 2022 08:31

ເມືອງຫົງສາ#ປິດຊຸດຮຽນ ທິດສະດີການເມືອງ-ການປົກຄອງຊັ້ນຕົ້ນ ຮຸ່ນທີ II.

……………………………

ເມືອງຫົງສາ #ແຂວງໄຊຍະບູລີ ໄດ້ຈັດພິທີ ມອບ-ຮັບໃບປະກາສະນິຍະບັດ ໃຫ້ແກ່ນັກຮຽນສຶກສາ ທິດສະດີການເມືອງ-ການປົກຄອງຊັ້ນຕົ້ນ ຮຸ່ນທີ II ຢ່າງເປັນທາງການ ຢູ່ທີ່ສະໂມສອນເມືອງ ໃນຕອນບ່າຍຂອງວັນທີ 30 ເດືອນສິງຫາ ຜ່ານມານີ້, ໂດຍໃຫ້ກຽດເຂົ້າຮ່ວມເປັນປະທານຂອງທ່ານ ຄຳຫຼ້າ ຜິວວັນນາ ກຳມະການພັກແຂວງ ເລຂາພັກເມືອງ ເຈົ້າເມືອງຫົງສາ, ມີຮອງອຳນວຍການ ໂຮງຮຽນການເມືອງ-ການປົກຄອງແຂວງ ໄຊຍະບູລີ, ມີບັນດາພະນັກງານ-ຄູອາຈານ, ແຂກຖືກເຊີນ ແລະ ນັກສຶກສາ ເຂົ້າຮ່ວມ.

ທ່ານ ນາງ ຈັນທີ ຄຳພູວົງ ຄະນະປະຈຳພັກເມືອງ ຫົວໜ້າຄະນະໂຄສະນາອົບຮົມເມືອງຫົງສາ ໄດ້ຂຶ້ນຜ່ານບົດສະຫຼຸບ ການຈັດຕັ້ງປະຕິບັດການຮຽນ-ການສອນທິດສະດີການເມືອງ-ການປົກຄອງຊັ້ນຕົ້ນ ຮຸ່ນທີ II ຂອງເມືອງຫົງສາ ໃຫ້ຮູ້ວ່າ: ຊຸດຮຽນທິດສະດີການເມືອງ-ການປົກຄອງຊັ້ນຕົ້ນ (ລະບົບ 3 ເດືອນ) ຮຸ່ນທີ II ຂອງເມືອງ ມີຜູ້ເຂົ້າຮຽນ ທັງໝົດ 47 ທ່ານ, ຍິງ 11 ທ່ານ. ໃນນັ້ນ, ມາຈາກກຳລັງປ້ອງກັນຄວາມສະຫງົບ 6 ທ່ານ ຍິງ 1 ທ່ານ, ຈາກກຸ່ມການເມືອງ, ກຸ່ມເສດຖະກິດ, ກຸ່ມວັດທະນະທຳສັງຄົມ ແລະ ລັດວິສາຫະກິດ 41 ທ່ານ ຍິງ 10 ທ່ານ. ໃນຫຼັກສູດ ການຮຽນ-ການສອນທິດສະດີການເມືອງ ແລະ ການປົກຄອງຊັ້ນຕົ້ນ ປະກອບມີ 9 ວິຊາ, ໃຊ້ເວລາຂຶ້ນຫ້ອງຕົວຈິງ 224 ຊົ່ວໂມງ ເທົ່າກັບ 15,31 ໜ່ວຍກິດລວມທັງການສອບເສັງຈົບຊັ້ນ ແລະ ວິຊາລາຍງານເພີ່ມ ມີ 9 ວິຊາ, ໃນເວລາ 131 ຊົ່ວໂມງ. ຜ່ານການຮໍ່າຮຽນ ນັກສຶກສາ ແມ່ນໄດ້ພ້ອມກັນສຸມສະຕິປັນຍາເຂົ້າໃນການຈັດຕັ້ງປະຕິບັດໃນການປັບປຸງແນວຄິດການເມືອງ, ຄຸນທາດການເມືອງ, ຄຸນສົມບັດສິນທຳປະຕິວັດ, ທັດສະນະຫຼັກໜັ້ນ ໃນການຮ່ຳຮຽນເພື່ອກໍ່ສ້າງ ແລະ ບຳລຸງພະນັກງານ-ລັດຖະກອນ ທີ່ພວມດຳລົງຕຳແໜ່ງ ແລະ ກຽມດຳລົງຕຳແໜ່ງ ຢູ່ຂັ້ນເມືອງ, ຮາກຖານກຸ່ມບ້ານ ເພື່ອປະກອບເຂົ້າໃນການຄົ້ນຄວ້າເຮັດໃຫ້ແນວທາງນະໂຍບາຍຂອງພັກ ແລະ ລະບຽບກົດໝາຍຂອງລັດ ໃຫ້ໄດ້ຮັບຄວາມລະອຽດ ແລະ ສົມບູນ.

ຊຸດອົບຮົມຄັ້ງນີ້ ໄດ້ມີການສັງເກດຕີລາຄາ, ບັນຫາທາງສັດຈະວິພາກ, ສາມາດຕີຖອຍແນວຄິດຫຍໍ້ທໍ້ຕ່າງໆ ເຊັ່ນ: ແນວຄິດເອື່ອຍອີງ, ລັ່ງເລໃຈ, ງໍ້ງ່ຽງໂດຍເຫັນແຈ້ງໃນຈຸດອ່ອນ ແລະ ການປະຕິບັດໜ້າທີ່ໃນຄວາມຮັບຜິດຊອບຂອງຕົນເອງ, ສາມາດວິເຄາະທິດທາງ ແລະ ວິທີແກ້ໄຂບັນຫາຕ່າງໆ ຢ່າງສັດຈະວິພາກໃນຕໍ່ໜ້າ, ນັກສຶກສາ ຊຸດນີ້ ແມ່ນໄດ້ມີຄວາມຫ້າວຫັນຕໍ່ການຮ່ຳຮຽນ ເຊິ່ງສະແດງອອກ ໃນການຮຽນຈົບຫຼັກສູດ 3 ເດືອນ, ມີຜູ້ທີ່ໄດ້ຮັບໃບປະກາສະນິຍາບັດ ຄົບຕາມຈຳນວນພົນ. ພ້ອມນີ້, ກໍ່ໄດ້ມອບໃບຍ້ອງຍໍ, ໃບຊົມເຊີຍ ໃຫ້ນັກສຶກສາດີເດັ່ນ ແລະ ບໍລິສັດປະກອບສ່ວນຊຸກຍູ້ສົ່ງເສີມການຮຽນ-ການສອນ ລວມທັງໝົດ ຈຳນວນ 21 ໃບ. ຫຼັງຈາກນັ້ນ, ກໍ່ໄດ້ຈັດພິທີມອບໃບປະກາສະນິຍະບັດ ຢ່າງເປັນທາງການ. ໂດຍໃຫ້ກຽດມອບຂອງທ່ານ ຄຳຫຼ້າ ຜິວວັນນາ ກຳມະການພັກແຂວງ ເລຂາພັກເມືອງ ເຈົ້າເມືອງຫົງສາ.

ອ່ານເພີ່ມເຕີມ...