ຕອນເຊົ້າວັນທີ 24 ຕຸລາ 2025 ຜ່ານມານີ້ ກອງບັນຊາການ ປກສ ເມືອງໄຊຍະບຸລີ ຈັດພິທີປະກາດຍຸບເລີກໜ່ວຍພັກ ປກສ ກຸ່ມບ້ານ ຂື້ນທີ່ຫ້ອງປະຊຸມກອງບັນຊາການ ປກສ ເມືອງ ໂດຍການເປັນກຽດເຂົ້່າຮ່ວມ ຂອງ ສະຫາຍ ຈັນເພັງ ແສນຄໍາ ຮອງເລຂະຄະບໍລິຫານງານເມືອງ ຜູ້ຊີ້ນໍາວຽກງານການເມືອງ-ແນວຄິດ, ວຽກພັກ, ພະນັກງານ ແລະ ອົງການຈັດຕັ້ງມະຫາຊົນຂັ້ນເມືອງ, ສະຫາຍ ພັທ ຄໍາໄມ່ ພັນກ້າ ຄະນະປະຈໍາພັກເມືອງ ຫົວໜ້າກອງບັນຊາການ ປສກ ເມືອງ, ມີຄະນະພັກ, ຄະນະກອງບັນຊາການ ພ້ອມດ້ວຍສະມາຊີກພັກເຂົ້າຮ່ວມຢ່າງພ້ອມພຽງ.
ພິທີ ສະຫາຍ ພັທ ຄໍາໄມ່ ພັນກ້າ ຄະນະປະຈໍາພັກເມືອງ ຫົວໜ້າກອງບັນຊາການ ປສກ ເມືອງ ໄດ້ຂື້ນຜ່ານຮ່າງບົດສະຫຼຸບວຽກງານພັກ-ວຽກງານການເມືອງ ປະຈໍາປີ 2025 ແລະ ທິດທາງແຜນການວຽກງານຈຸດສຸມ ປະຈໍາປີ 2026 ສະຫາຍໃຫ້ຮູ້ວ່າ: ຄະນະພັກຮາກຖານກອງບັນຊາການ ປກສ ເມືອງໄຊຍະບູລີມີຂອບເຂດການນໍາພາ ກວມເອົາ 13 ໜ່ວຍພັກ, 07 ພະແນກ, 12 ຫ້ອງການ ປກສ ກຸ່ມບ້ານ ແລະ 70 ໜ່ວຍງານຂື້ນກັບ ປະກອບມີ 01 ຄະນະພັກຮາກຖານ, ມີຄະນະພັກ 05 ສະຫາຍ, ຍິງ 01 ສະຫາຍ, ມີເລຂາ 01 ສະຫາຍ,ຍິງ 0 ສະຫາຍ, ມີຮອງເລຂາ ເປັນປະທານກວດກາ 01 ສະຫາຍ, ມີຄະນະພັກຮາກຖານ 03 ສະຫາຍ, ຍິງ 01 ສະຫາຍ, ທົ່ວກອງບັນຊາການ ປກສ ເມືອງໄຊຍະບູລີ ປະກອບມີນາຍ ແລະ ພົນຕຳຫຼວດທັງໝົດ 202 ສະຫາຍ, ຍິງ 43 ສະຫາຍ, ມີສະມາຊິກພັກທັງໝົດ 194 ສະຫາຍ, ຍິງ 42 ສະຫາຍ, ສະມາຊີກພັກສົມບູນ 187 ສະຫາຍ, ຍິງ 39 ສະຫາຍ, ສະມາຊີກພັກສໍາຮອງ 07 ສະຫາຍ, ຍິງ 03 ສະຫາຍ. ຄະນະພັກຮາກຖານກອງບັນຊາການ ປກສ ເມືອງໄດ້ຖືເອົາວຽກງານແນວຄິດເປັນກົກ, ເປັນວຽກງານທີ່ມີຄວາມໝາຍ, ຄວາມສຳຄັນ ແລະ ຕ້ອງໄດ້ເຮັດເປັນປົກກະຕິ, ຕໍ່ເນື່ອງ ເພື່ອສຶກສາອົບຮົມສະມາຊິກພັກ, ນາຍ ແລະ ພົນຕໍາຫຼວດ ໃຫ້ມີຄວາມເປັນເອກະພາບສູງ ຕໍ່ແນວທາງປ່ຽນແປງໃໝ່ ຂອງພັກ ຢ່າງຮອບດ້ານ ແລະ ມີຫຼັກການຂອງພັກ, ຍຶດໝັ້ນຈຸດໝາຍສັງຄົມນິຍົມ, ຍຶດໝັ້ນລັດທິມາກ-ເລນິນ, ແນວຄິດ ໄກສອນ ພົມວິຫານ ເປັນພື້ນຖານ, ເປັນເຈົ້າການປົກປ້ອງແນວທາງ, ອຸດົມການຂອງພັກ, ຕອບຕ້ານປະກົດການຫຍໍ້ທໍ້ຕ່າງໆ ທີ່ເກີດຂຶ້ນພາຍໃນພັກ, ມີຄວາມສາມັກຄີເປັນເອກະພາບພາຍໃນພັກ, ຕ້ານແນວຄິດຫຼາຍພັກ, ຫຼາຍເຄົ້າ, ຈຸ້ມເຈຶ້ອພັກພວກ,ກຸ່ມກ້ອນ, ຕ້ານພະຍາດອາດຍາສິດ, ເອກະຊົນ, ແນວຄິດສວຍໂອກາດ-ສໍ້ລາດບັງຫຼວງ ສວຍໃຊ້ໜ້າທີ່ຕຳແໜ່ງເພື່ອຫາຜົນປະໂຫຍດສ່ວນຕົວ. ໄດ້ເອົາໃຈໃສ່ສືກສາອົບຮົມໃຫ້ສະມາຊິກພັກກໍາໄດ້ທັດສະນະຊີ້ນໍາ ແລະ ຫຼັກການນໍາພາຂອງພັກ, ປັບປຸງແບບແຜນຊີ້ນໍາ-ນໍາພາຂອງ ຄະນະພັກ, ສະມາຊິກພັກ ແຕ່ລະສະຫາຍ ເພື່ອຍົກສູງຄວາມຮັບຜິດຊອບການນໍາພາ ໃນການປະຕິບັດລະບຽບຫຼັກການ, ມາດຕະການ ແລະ ແບບແຜນວິທີເຮັດວຽກໃຫ້ຖືກຕ້ອງຕາມຫຼັກການ: ພັກນໍາພາໂດຍກົງ-ເດັດຂາດ ແລະ ຮອບດ້ານ ນໍາພາເປັນໝູ່ຄະນະ, ເວົ້າ ແລະ ປະຕິບັດຕາມມະຕິ ສຽງສ່ວນໜ້ອຍຂື້ນກັບສຽງສ່ວນຫຼາຍ, ບຸກຄົນຂື້ນກັບການຈັດຕັ້ງ, ບົນພື້ນຖານເຄົາລົບ ແລະ ປະຕິບັດຫຼັກການລວມສູນປະຊາທິປະໄຕຢ່າງຖືກຕ້ອງ ແລະ ເຂັ້ມງວດ ເຮັດວຽກມີແຜນການ, ແຜນງານ, ມີການນໍາພາ, ມີການຈັດຕັ້ງມອບໝາຍຄວາມຮັບຜິດຊອບໃຫ້ແທດເໝາະກັບຄວາມຮູ້, ຄວາມສາມາດ ຂອງແຕ່ລະສະຫາຍ, ມີການຊຸກຍູ້, ຕິດຕາມ, ກວດກາ, ສະຫຼຸບຖອດຖອນບົດຮຽນ ເພື່ອຊອກໃຫ້ເຫັນດ້ານດີທີ່ຕັ້ງໜ້າເພື່ອສົ່ງເສີມ ແລະ ດ້ານອ່ອນ, ຂໍ້ຄົງຄ້າງ ເພື່ອປັບປຸງ-ແກ້ໄຂ ໃຫ້ຖືກທິດ . ຈາກນັ້ນກໍ່ໄດ້ຜ່ານມະຕິຕົກລົງຂອງຄະນະປະຈຳພັກເມືອງ ສະບັບເລກທີ 387/ຄພມ.ຊຍ, ລົງວັນທີ 10 ກັນຍາ 2025 ວ່າດ້ວຍການຍຸບເລີກ ໜ່ວຍພັກ ປກສ ກຸ່ມບ້ານຈໍານວນ 8 ໜ່ວຍພັກ ເຊິ່ງມີໜ່ວຍພັກ ຫ້ອງການ ປກສ ກຸ້ມບ້ານນາຕາກ, ກຸ້ມບ້ານນາຫຼາ, ກຸ້ມບ້ານນາມອນ, ກຸ້ມບ້ານນາລວມ-ນໍ້າຕວນ, ກຸ້ມບ້ານຫ້ວຍສະແງມ, ກຸ່ມບ້ານນາຊໍ່າ-ຜາຊ້າງ, ກຸ້ມບ້ານຫ້ວຍຂົວຫຼວງ ແລະ ກຸ້ມບ້ານປາກເຮົ້າ ໄປຂື້ນກັບໜ່ວຍພັກພະແນກຄຸ້ມຄອງສໍາມະໂນຄົວ ແລະ ກໍ່ສ້າງຮາກຖານ. ຕອນທ້າຍຂອງພິທີ ສະຫາຍ ຈັນເພັງ ແສນຄໍາ ຮອງເລຂະຄະບໍລິຫານງານເມືອງ ຜູ້ຊີ້ນໍາວຽກງານການເມືອງ-ແນວຄິດ, ວຽກພັກ, ພະນັກງານ ແລະ ອົງການຈັດຕັ້ງມະຫາຊົນຂັ້ນເມືອງ ກໍ່ໄດ້ມີຄໍາເຫັນຊີ້ນໍາ ແລະ ໂອ້ລົມຕໍ່ພິທີດັ່ງກ່າວຕື່ມອີກ.
ຂ່າວ-ພາບ: ລັດດາວອນ ແກ້ວໄພທູນ