ໃນຕອນເຊົ້າ ວັນທີ 2 ມີນາ 2025; ຄະນະໂຄສະນາອົບຮົມແຂວງໄຊຍະບູລີເຂົ້າຮ່ວມກອງປະຊຸມປະຈໍາໄຕມາດ ມີທ່ານ ໄຊຊານົນ ທີແກ້ວ ຮອງຫົວໜ້າຄະນະໂຄສະນາອົບຮົມແຂວງ ມີຫົວໜ້າຂະແໜງຂໍ້ມູນຂ່າວສານ ພ້ອມຄະນະຮັບຜິດຊອບວຽກງານເວັບໄຊສ, ເຂົ້າຮ່ວມກອງປະຊຸມສ່ອງແສງລາຍງານການຈັດຕັ້ງເຄື່ອນໄຫວວຽກງານໂຄສະນາຜ່ານສື່ເອເລັກໂຕຼນິກ ” ເວັບໄຊ ” ປະຈຳໄຕມາດ l .(ຜ່ານກອງປະຊຸມທາງໄກ). ຢູ່ທີ່ຫ້ອງປະຊຸມຊັ້ນlll ຂອງຄະນະໂຄສະນາອົບຮົມແຂວງ ພາຍໃຕ້ການເປັນປະທານ ຂອງທ່ານ ວັນຕຸລາ ຣັກນຸດ ຄະນະພັກ, ຫົວໜ້າກົມຂໍ້ມູນຂ່າວສານ ແລະ ຝຶກອົບຮົມ, ມີຮອງຫົວໜ້າຄະນະໂຄສະນາອົບຮົມແຂວງ, ຄະນະຮັບຜິດຊອບວຽກງານເວັບໄຊ໌ ຂອງຄະນະໂຄສະນາອົບຮົມສູນກາງພັກ ,ພ້ອມດ້ວຍແອັດມິນຄະນະໂຄສະນາອົບຮົມແຂວງໃນທົ່ວປະເທດ ເຂົ້າຮ່ວມ.
ກອງປະຊຸມດັ່ງກ່າວ ທ່ານ ວັນຕຸລາ ຣັກນຸດ ກໍໄດ້ກ່າວເປີດພິທີ ພ້ອມທັງກ່າວຈຸດປະສົງ, ຫຼັງຈາກນັ້ນບັນດາຄະນະຮັບຜິດຊອບວຽກງານເວັບໄຊ ແຕ່ລະແຂວງ ກໍ່ໄດ້ພັດປ່ຽນກັນລາຍງານໂດຍຫຍໍ້ຕໍ່ການຈັດຕັ້ງເຄື່ອນໄຫວວຽກງານໂຄສະນາຜ່ານສື່ເອເລັກໂຕຼນິກ (ເວັບໄຊ) ປະຈຳໄຕມາດ l. ເຊິ່ງມີທັງຂໍ້ສະດວກ ຂໍ້ຫຍຸ້ງຍາກ ແລະ ວິທີແກ້ໄຂໃນຕໍ່ໜ້າ ພ້ອມທັງວາງທິດທາງແຜນການ ປະຈຳໄຕມາດ ll (4,5,6 ) ປີ 2025. ເພື່ອໃຫ້ການນໍາໃຊ້ເຄື່ອງມືເຕັກໂນໂລຊີທີ່ທັນສະໄຫມເຂົ້າໃນການໂຄສະນາເຜີຍແຜ່ບັນດາແນວທາງ, ມະຕິ, ຄຳສັ່ງ ແລະ ອື່ນໆ ຂອງພັກ-ລັດແຕ່ລະຂັ້ນໃຫ້ສັງຄົມໄດ້ເຂົ້າເບີ່ງ ແລະ ບໍລິໂພກຂ່າວໄດ້ຫລາຍຂື້ນ.
ໃນຕອນທ້າຍກອງປະຊຸມທ່ານປະທານຍັງໄດ້ມີຄໍາເຫັນ ແລະ ເນັ້ນໜັກບາງບັນຫາ ຕໍ່ຄະນະຊີ້ນຳວຽກງານເວັບໄຊຂອງບັນດາຄະນະໂຄສະນາອົບຮົມແຂວງ ຕ້ອງເປັນເຈົ້າການໃນການຊີ້ນໍາ-ນຳພາ, ຕິດຕາມ, ກວດກາ ແລະ ມີການຊຸກຍູ້ ແອັດມິນຂອງຕົນ ແຕ່ລະແຂວງແຂ່ງຂັນກັນ,ໃນການເຄື່ອນໄຫວເກັບກຳຂໍ້ມູນ, ເກັບກຳຂ່າວ, ຂຽນຂ່າວ ລົງເວັບໄຊສ ໃຫ້ຫລາຍຂື້ນໄດ້ທັງປະລິມານ ແລະ ຄຸນນະພາບເພີ້ມຜູ້ເຂົ້າຮ່ວມຮັບຊົມໄດ້ຫລາຍຂື້ນເພື່ອເຮັດໃຫ້ວຽກງານມີຜົນສຳເລັດ ແລະ ໄດ້ຮັບໝາກຜົນທີ່ດີ.
ຂ່າວ: ຄະນະໂຄສະນາອົບຮົມແຂວງໄຊຍະບູລີ.