ກອງພັນໃຫຍ່ 202 ກອງພົນທີ 2 ໄດ້ເປີດຊຸດອົມຮົມຫັດແອບການທະຫານ, ການເມືອງ, ພະລາທິການ ແລະ ເຕັກນິກ ປະຈຳປີ 2026 ຂື້ນ ໃນຕອນເຊົ້າວັນທີ 4 ກຸມພາ 2026 ນີ້, ຢູ່ທີ່ເດີນບານເຕະຂອງກອງພັນດັ່ງກ່າວ, ໂດຍການເປັນປະທານຂອງ ສະຫາຍ ພັນໂທ ສິດ ບົວສອນ ຮອງຫົວໜ້າພະແນກເສນາທິການ ກອງພັນໃຫຍ່ 202 , ເປັນກຽດເຂົ້າຮ່ວມຂອງສະຫາຍ ພັນໂທ ສົມສະຄິດ ຄຳຊຸມພູ ຮອງເລຂາຄະນະພັກ ຫົວໜ້າການທະຫານ ກອງພັນໃຫຍ່ 202, ມີຄະນະພັກ-ຄະນະບັນຊາ 5 ພະແນກການ, 3 ກອງພັນນ້ອຍ, 5 ກອງຮ້ອຍເອກກະລາດ, ພ້ອມດ້ວຍນາຍ ແລະ ພົນທະຫານທົ່ວກອງພັນໃຫຍ່ເຂົ້າຮ່ວມ.
ສະຫາຍ ຮ້ອຍເອກ ສະຫງັດ ຄຳອ່ອນ ຫົວໜ້າຂະແໜງອົບຮົບ ພະແນກເສນາທິການ ກອງພັນໃຫຍ່ 202 ໄດ້ຂື້ນຜ່ານແຜນການອົບຮົມ-ຫັດແອບ ການທະຫານ, ການເມືອງ, ພະລາທິການ ແລະ ເຕັກນິກ ປະຈຳປີ 2026 ຂອງກອງພັນໃຫຍ່ທະຫານຮາບ 202. ການອົບຮົມຫັດແອບກໍ່ເພື່ອຍົກສູງຄວາມຮູ້ຄວາມສາມາດໃຫ້ພະນັກງານ-ນັກຮົບມີຄວາມຮູ້ທາງດ້ານສິນລະປະຍຸດ-ຍຸດທະວິທີ ແລະ ວີຊາສະເພາະໃຫ້ສໍນິສຳນານ, ທັງເປັນບ່ອນອີງໃຫ້ແກ່ການຊີ້ນຳ-ບັນຊາໃນການຈັດຕັ້ງປະຕິບັດບັນດາຂໍ້ກຳນົດຕ່າງໆໃຫ້ເຂັ້ມງວດ, ເພື່ອເປັນການກະຕຸກຊຸກຍູ້ເປັນຂະບວນການແຂ່ງຂັນຢ່າງຮອບດ້ານ ແລະ ມີການຊີ້ນຳກວດກາແຕ່ລະໄລຍະຂອງການອົບຮົມ-ຫັດແອບ, ເປັນການຍົກສູງດ້ານທິດສະດີຫຼັກການ, ເຮັດໃຫ້ພະນັກງານ-ນັກຮົບມີແນວຄິດການເມືອງໜັກແໜ້ນ ແລະ ເພື່ອເສີມສ້າງກຳລັງກາຍໃຫ້ມີສຸຂະພາບເຂັ້ມແຂງ, ເຮັດສຳເລັດໜ້າທີ່ໃນທຸກເງື່ອນໄຂໃຫ້ຖືກຕ້ອງສອດຄ່ອງກັບໜ້າທີ່ການເມືອງຂອງຕົນ. ເຊິງການອົບຮົມຫັດແອບໃນຄັ້ງນີ້ຈະໄດ້ອົບຮົມ ລະບຽບຂໍ້ກຳນົດ, ຮູບແຖວ, ພິທີການ 15 ວັນ, ອົບຮົມ-ຫັດແອບ ກິລາການທະຫານ 10 ວັນ, ອົບຮົມ-ຫັດແອບ ສີນລະປະຍຸດເຫຼົ່າຮົບ 10 ວັນ, ຍຸດທະວິທີເຫຼົ່າຮົບ 10 ວັນ, ຄວາມຮູ້ພື້ນຖານກ່ຽວກັບເຫຼົ່າຮົບ 1 ວັນ, ອົບຮົມວຽກງານເສນາທິການ 4 ວັນ, ອົບຮົມການເມືອງ 15 ວັນ, ອົບຮົມພະລາທິການ 8 ວັນ, ອົບຮົມເຕັກນິກ 7 ວັນ, ອົບຮົມວິຊາສະເພາະເຫຼົ່າຮົບ 100 ວັນ, ອົບຮົມສີນລະປະຍຸດທະຫານຮາບ 40 ວັນ, ອົບຮົບຍຸດທະວິທີທະຫານຮາບ 60 ວັນ. ການອົບຮົມ-ຫັດແອບຈະໄດ້ດຳເນີນເປັນເວລາ 180 ວັນ, ເຊິ່ງແບ່ງອອກເປັນ 2 ໄລຍະຄື : ໄລະຍທີ I ເລີ່ມແຕ່ເດືອນ ກຸມພາ ເຖີງ ເດືອນ ມິຖຸນາ 2026, ໄລຍະທີ II ເລີ່ມແຕ່ເດືອນ ກໍລະກົດ ເຖີງ ເດືອນ ພະຈິກ 2026
ໃນໂອກາດດັ່ງກ່າວ ສະຫາຍ ພັນຕີ ສົມມະລີ ການຸກສີ ຫົວໜ້າຂະແໜງໂຄສະນາ ພະແນກການເມືອງ ກອງພັນໃຫຍ່ ຍັງຂຶ້ນຜ່ານແຜນການເປີດຂະບວນການແຂ່ງຂັນ ແລະ ປາຖະກະຖາວັນປະຫວັດສາດ ສຳຄັນ ປະຈໍາປີ 2026. ຈາກນັ້ນບັນດາຄະນະພັກ-ຄະນະບັນຊາ ຕົວແທນຈາກພະແນກການ ກົມກອງ ຍັງໄດ້ຈັບມືທ້າທາຍເຊິ່ງກັນ ແລະ ກັນ ເພື່ອພ້ອມກັນຮັບເອົາຂໍ້ແຂ່ງຂັນດັ່ງກ່າວນຳໄປຈັດຕັ້ງຜັນຂະຫຍາຍ ແລະ ສ້າງຂະບວນການໃນກົມກອງຂອງຕົນໃຫ້ມີຂະບວນການຟົດຟື້ນຕໍ່ເນື່ອງ.
ເພື່ອຮັບປະກັນໃຫ້ແກ່ການອົບຮົມ-ຫັດແອບບັນລຸຕາມຈຸດປະສົງ ແລະ ຄາດໝາຍນັ້ນ ສະຫາຍ ພັນໂທ ສິດ ບົວສອນ ໄດ້ໃຫ້ກຽດໂອ້ລົມ, ພ້ອມທັງຮຽກຮ້ອງມາຍັງຄະນະພັກ-ຄະນະບັນຊາ ອົງການ, ກົມກອງ ແລະ ຜູ້ທີ່ເຮັດວຽກງານອົບຮົມ-ຫັດແອບ ຕ້ອງເຊື່ອມຊື່ມຄຳສັ່ງແຜນການໃຫ້ຖືກກັບເນື້ອໃນ ແລະ ກຳນົດເວລາ, ເອົາໃຈໃສ່ຊີ້ນຳຢ່າງໃກ້ສິດຕິດແທດຕໍ່ການອົບຮົມ-ຫັດແອບກັບຂະບວນການວຽກງານຕົວຈິງໃນແຕ່ລະໄລຍະ, ເປັນເຈົ້າການເຕົ້າໂຮມຄວາມສາມັກຄີສຸ່ມທຸກເຫື່ອແຮງ, ສະຕິປັນຍາ, ພ້ອມກັນນັ້ນກໍ່ຕ້ອງເອົາໃຈໃສ່ເຮັດວຽກງານສຶກສາອົບຮົມ ດ້ານການເມືອງແນວຄິດ ໃຫ້ພະນັກງານ-ນັກຮົບມີສະຕິຕື່ນຕົວເຂົ້າຮ່ວມອົບຮົມແຕ່ລະໄລຍະ, ເປັນເຈົ້າການໃນການຮົບຮົມ-ຫັດແອບໃຫ້ບັນລຸຄາດໝາຍສູງ, ໂດຍສົມທົບລະຫວ່າງທິດສະດີຫຼັກການ ແລະ ພາກປະຕິບັດຕົວຈິງເພື່ອສ້າງໃຫ້ກົມກອງມີຄວາມເຂັ້ມແຂງ ແລະ ຮັບປະກັນໄດ້ຄວາມປອດໄພ 100%, ພ້ອມນັ້ນຕ້ອງເອົາໃຈໃສ່ປັບປຸງລະບຽບແບບແຜນ ຂອງກອງທັບ ເປັນຕົ້ນແມ່ນຂໍ້ກຳນົດ 7 ລະບອບ 18 ວຽກ, ຄຳປະຕິຍານ 8 ຂໍ້, ວິໄນ 8 ຂໍ້ ແລະ ລະບຽບ 12 ຂໍ້ຕໍ່ປະຊາຊົນ ເພື່ອຮັບປະກັນເຮັດສຳເລັດໜ້າທີ່ສຳຄັນທີ່ປະເທດຊາດ ແລະ ປະຊາຊົນມອບໝາຍໃຫ້ດ້ວຍຜົນສຳເລັດຕາມແຜນການທີ່ວາງໄວ້. ພາບ-ຂ່າວ : ຄຳຊາຍ ກວ່າງຄຸນສີ, ເບີ 02097411822.