ໃນ ວັນທີ 13 ພະຈິກ 2024 ທ່ານ ພອນສະຫວັນ ວໍລະສັກ ວ່າການເລຂາຄະນະບໍລິຫານງານພັກເມືອງ, ວ່າ ການເຈົ້າເມືອງໄຊສະຖານໄດ້ລົງເຄື່ອນໄຫວເຮັດວຽກ ແລະ ພົບປະໂອ້ລົມກັບອົງການປົກຄອງບ້ານກິ່ວກອກ, ການໄປເຄື່ອນໄຫວເຮັດວຽກຂອງທ່ານໃນຄັ້ງນີ້ກໍ່ແມ່ນການໄປຊຸກຍູ້ຕິດຕາມວຽກງານຮອບດ້ານຂອງບ້ານກິ່ວກອກ ແລະ ການກວດກາຄວາມສະຫງົບປອດໄພຕາມເສັ້ນສາຍແດນທີ່ຕິດກັບປະເທດເພື່ອນບ້ານ ເພື່ອເຮັດໃຫ້ວຽກງານດັ່ງກ່າວມີຄວາມສະຫົງບປອດໄພໂດຍພື້ນຖານ ນີ້ກໍ່ແມ່ນການຈັດຕັ້ງປະຕິບັດຜັນຂະຫຍາຍມະຕິກອງປະຊຸມໃຫ່ຍຄັ້ງທີ XI ຂອງພັກ, ມະຕິກອງປະຊຸມໃຫ່ຍຄັ້ງທີ VII ຂອອົງຄະນະພັກແຂວງ, ມະຕິກອງປະຊຸມໃຫ່ຍຄັ້ງທີ II ຂອງອົງຄະນະພັກເມືອງ ກໍ່ຄືແຜນພັດທະນາເສດຖະກິດສັງຄົມຂອງເມືອງວາງອອກ ໃຫ້ບັນລຸຕາມລະດັບຄາດໝາຍນັ້ນ ໂດຍການນຳພາຂອງ ທ່ານ ພອນສະຫວັນ ວໍລະສັກ ວ່າການເລຂາຄະນະບໍລິຫານງານພັກເມືອງ, ວ່າການເຈົ້າເມືອງໄຊສະຖານ, ມີບັນດາທ່ານ ຫົວໜ້າຫ້ອງການກະສິກຳ ແລະ ປ່າໄມ້ເມືອງ, ຫົວໜ້າຫ້ອງການ ໂຍທາທິການ ແລະ ຂົນສົ່ງເມືອງ, ຫົວໜ້າກອງບັນຊາການທະຫານເມືອງ ແລະ ຫົວໜ້າກອງບັນຊາການ ປກສ ເມືອງ ມີບັນດາທ່ານຫົວໜ້າ ປກສ ບໍລິການກຸ່ມບ້ານ, ຫົວໜ້າກອງຮ້ອຍ 154 ແລະ ອົງການປົກຄອງບ້ານດັ່ງກ່າວເຂົ້າຮ່ວມ, ການລົງໄປລົງເຄື່ອນໄຫວເຮັດວຽກ ແລະ ພົບປະໂອ້ລົມກັບອົງການປົກຄອງບ້ານກິ່ວກອກ ທ່ານ ພອນສະຫວັນ ວໍລະສັກ ວ່າການເລຂາຄະນະບໍລິຫານງານພັກເມືອງ, ວ່າການເຈົ້າເມືອງໄຊສະຖານໄດ້ຮັບຟັງການລາຍງານໂດຍຫຍໍ້ຂອງບ້ານກິ່ວກອກ ເຊິ່ງລາຍງານຈາກທ່ານ ຊາຍເນີນ ເລຂາພັກບ້ານ ນາຍບ້ານກິ່ວກອກ ຫຼັງຈາກນັ້ນທ່ານ ເຈົ້າເມືອງໄຊສະຖານກໍ່ໄດ້ລົງພົບປະກັບຜູ້ອຳນວຍການໂຮງຮຽນ ແລະ ນ້ອງນ້ອຍນັກຮຽນປະຖົມບ້ານກິ່ວກອກ ແລະ ຜູ້ອຳນວຍການໂຮງຮຽນປະຖົມບ້ານກິ່ວກອກກໍ່ໄດ້ຕ່າງໜ້າຄູສອນຂຶ້ນລາຍງານສະພາບການຮຽນການສອນໃນສົກຮຽນ 2024-2025 ຕໍ່ທ່ານເຈົ້າເມືອງ ເຊິ່ງການລົງເຄື່ອນໄຫວເຮັດວຽກ ແລະ ພົບປະໂອ້ລົມກັບອົງການປົກຄອງບ້ານ, ຂະແໜງການຂອງບ້ານກິ່ວກອກ ແລະ ຄູ, ນ້ອງນ້ອຍນັກຮຽນ ເພື່ອເຮັດໃຫ້ບ້ານໄດ້ຮັບຮູ້ ແລະ ເຂົ້າໃຈຕໍ່ການພັດທະນາເສດຖະກິດຂອງບ້ານມີຫຼາຍດ້ານ ແລະ ການສຶກສາຮໍ່າຮຽນເປັນໃຫ້ຖືເປັນບັນຫາສຳຄັນ ເປັນແຖວໜ້າໃນການສຶກສາຮໍ່າຮຽນໃຫ້ເປັນພົນລະເມືອງດີຂອງຊາດ, ເປັນຜູ້ທີດີຂອງສັງຄົມ ແລະ ເປັນຜູ້ສືບທອດໃນອານາຄົດຂອງຊາດ ແລະ ການລົງຊຸກຍູ້ຊີ້ນຳຂອງທ່ານເຈົ້າເມືອງ, ພາກສ່ວນທີ່ກ່ຽວຂ້ອງໃນຄັ້ງນີ້ ກໍ່ໄດ້ລົງໄປຜົນທຳການຜະລິດຂອງການປູກກາເຟຂອງປະຊາຊົນບ້ານກິ່ວກອກຕືມອີກ.
ຂຽນໂດຍ: ຄະນະໂຄສະນາອົບຮົມ ເມືອງໄຊສະຖານ