ໃນຕອນບ່າຍຂອງວັນທີ 25 ພະຈິກ 2024 ຄະນະໂຄສະນາອົບຮົມແຂວງໄຊຍະບູລີ ໄດ້ເປີດກອງປະຊຸມປະເມີນຜົນການປະຕິບັດວຽກງານ ຂອງພະນັກງານ-ລັດຖະກອນ ຄະນະໂຄສະນາອົບຮົມແຂວງ ປະຈຳປີ 2024 ຂຶ້ນ, ໂດຍເປັນປະທານຂອງ ທ່ານ ອາເມ ຊົງເຢັຽເລັ່ງ ຄະນະປະຈຳພັກແຂວງ ຫົວໜ້າຄະນະໂຄສະນາອົບຮົມແຂວງໄຊຍະບູລີ.ໃຫ້ກຽດເຂົ້າຮ່ວມກອງປະຊຸມຄັ້ງນີ້ມີ ທ່ານ ດວງຕາ ໄຊວຸດ ຮອງເລຂາພັກແຂວງ ຜູ້ຊີ້ນຳວຽກງານການເມືອງ-ແນວຄິດ , ວຽກງານພັກ-ພະນັກງານ ຂັ້ນແຂວງ ມີແຂກຖຶກເຊີນ ພ້ອມດ້ວຍ ພະນັກງານ-ລັດຖະກອນຂອງ ຄະນະໂຄສະນາອົບຮົມແຂວງເຂົ້າຮ່ວມ ໃນກອງປະຊຸມ ທ່ານ ອາເມ ຊົງເຢັຽເລັ່ງ ກຳມະການປະຈຳພັກແຂວງ ຫົວໜ້າຄະນະໂຄະນາອົບຮົມແຂວງ ໄດ້ກ່າວເປີດກອງປະຊຸມພ້ອມທັງຜ່ານຜົນສຳເລັດການຈັດຕັ້ງປະຕິບັດໜ້າທີ່ໃນໄລະຍະ ໜື່ງປີຜ່ານມາ ເຊິ່ງໄດ້ຍົກໃຫ້ເຫັນດ້ານດີ-ດ້ານອອ່ນ ແລະຂໍ້ຄົງຄ້າງ ໃນແຕ່ລະດ້ານເພື່ອຈະໄດ້ພ້ອມກັນແກ້ໄຂຈຸດທີ່ຍັງຄົງຄ້າງ ແລະ ເສີມຂະຫຍາຍດ້ານດີ ທີ່ເປັນພື້ນຖານ. ການປະເມີນຜົນການປະຕິບັດວຽກງານ ຂອງພະນັກງານ-ລັດຖະກອນ ຢູ່ໃນຄະນະໂຄສະນາອົບຮົມແຂວງ ປະຈໍາປີ 2024 ນີ້; ພວກເຮົາໄດ້ຈັດຕັ້ງປະຕິບັດຕາມບາດກ້າວ, ຂັ້ນຕອນ ຂອງການປະເມີນ ທີ່ດໍາລັດເລກທີ 300 ລບ ເຊິ່ງມີພະນັກງານ-ລັດຖະກອນເຂົ້າຮ່ວມການປະເມີນທັງໝົດຈໍານວນ 18 ຄົນ, ຍິງ 7 ຄົນ, ຜ່ານການປະເມີນໄດ້ປະເພດດີຫຼາຍຈໍານວນ 16 ຄົນ, ປະເພດດີ 1 ທ່ານ, ຍິງ 0 ທ່ານ, ບໍ່ໄດ້ປະເມີນ 1 ທ່ານ ເນື່ອງຈາກວ່າເປັນລັດຖະ ກອນໃໝ່ບໍ່ຮອດ 6 ເດືອນ.
ໃນຕອນທ້າຍກໍຍັງໄດ້ຮັບຟັງການໂອ້ລົມຂອງທ່ານ ດວງຕາ ໄຊວຸດ ຮອງເລຂາ ພັກແຂວງ ຜູ້ຊີ້ນໍາວຽກງານການເມືອງ-ແນວຄິດ, ວຽກພັກ-ພະນັກງານ ຂັ້ນແຂວງ ເຊິ່ງທ່ານກໍໄດ້ສະແດງຄວາມຍ້ອງຍໍຊົມເຊີຍຕໍ່ຜົນສຳເລັດ ແລະ ຍາດມາໄດ້ໃນຫຼາຍດ້ານ ນອກນັ້ນ, ທ່ານຍັງໄດ້ ເນັ້ນໜັກຫຼາຍບັນຫາໃຫ້ແກ່ພະນັກງານ-ລັດຖະກອນພວກເຮົາໃຫ້ມີການປັບປຸງແບບແຜນວິທີເຮັດວຽກ ແລະພ້ອມກັນຈັດຕັ້ງປະຕິບັດວຽກງານໃນຕໍ່ໜ້າໃຫ້ເຂັ້ມແຂງຂື້ນເທື່ອລະກ້າວ.
ຂ່າວ: ສີນົນ ອ່ອນສາ
