ທ່ານ ດວງຕາ ໄຊວຸດ ຮອງເລຂາພັກແຂວງ ພ້ອມດ້ວຍຄອບຄົວໄດ້ນໍາເຄື່ອງອາຫານແຫ້ງມອບໃຫ້ໂຮງຮຽນມັດທະຍົມສົມບູນຊົນເຜົ່າແຂວງໄຊຍະບູລີ.
…………………………..
ເຫັນໄດ້ຄວາມຈໍາເປັນ ແລະ ຄວາມເປັນຫວ່ງເປັນໄຍຕໍ່ຊີວິດການເປັນຢູ່ຂອງນ້ອງນັກຮຽນ ມສ ຊົນເຜົ່າ ແຂວງໄຊຍະບູລີ ໃນວັນທີ 15 ພຶດສະພາ 2024 ນີ້ ທ່ານ ດວງຕາ ໄຊວຸດ ຮອງເລຂາພັກແຂວງ ພ້ອມດ້ວຍຄອບຄົວ ໄດ້ນໍາເອົາເຄື່ອງບໍລິໂພກເປັນອາຫານແຫ້ງ ມອບໃຫ້ໂຮງຮຽນ ມສ ຊົນເຜົ່າ ພ້ອມເງິນຈ່າຍຄ່າໄຟຟ້າປະຈໍາເດືອນພຶດສະພາປີ 2024 ເຊິ່ງລວມມູນຄ່າທັງໝົດ 4 ລ້ານກວ່າກີບ ໂດຍໃຫ້ກຽດມອບຂອງທ່ານ ດວງຕາ ໄຊວຸດ ຮອງເລຂາພັກແຂວງ ແລະ ກ່າວຮັບຂອງທ່ານ ສີສະຫວາດ ຄໍາທະວົງ ຜູ້ອໍານວຍການໂຮງຮຽນ ມສ ຊົນເຜົ່າ ໂດຍຊ່ອງໜ້າຄູ-ອາຈານ ແລະ ນ້ອງນັກຮຽນ. ໃນໂອກາດທີ່ມີຄວາມໝາຍຄວາມສໍາຄັນທ່ານຮອງເລຂາພັກແຂວງຍັງໄດ້ພົບປະໂອ້ລົມຕໍ່ຄູ-ອາຈານ ແລະ ນ້ອງນັກຮຽນເຊິ່ງຍາມໃດຄອບຄົວເພິ່ນກໍ່ເຫັນໄດ້ຄວາມຈໍາເປັນຕໍ່ການດໍາລົງຊີວິດຂອງຄູ-ອາຈານ ແລະ ນ້ອງນັກຮຽນຈຶ່ງໄດ້ສະຫຼະວັດຖຸ ແລະ ເງິນ ຈໍານວນໜຶ່ງເພື່ອມາຊ່ວຍເຫຼືອໃນຄັ້ງນີ້ເຖິງວ່າຈະບໍ່ມີມູນຄ່າຫຼວງຫຼາຍນີ້ ກໍ່ສະແດງເຖິ່ງຄວາມຮັກແພງ ແລະ ເຫັນໄດ້ຄວາມຈໍາເປັນຊີວິດການເປັນຢູ່ຂອງນ້ອງນັກຮຽນໃນຄ່າຄອງຊີບໃນປະຈຸບັນເພາະວ່າເດັກໃນວັນນີ້ກໍ່ຄືຜູ້ໃຫຍ່ໃນວັນໜ້າ ແລະ ຈະກາຍເປັນຜູ້ສຶບທອດໃນອານາຄົດ. ຈາກນັ້ນ ທ່ານອໍານວຍການໂຮງຮຽນ ມສ ຊົນເຜົ່າໄດ້ສະແດງຄວາມຂອບໃຈຕໍ່ຄອບຄົວຂອງ ທ່ານດວງຕາ ໄຊວຸດ ຮອງເລຂາພັກແຂວງ ທີ່ເຫັນໄດ້ຄວາມຫຍຸ້ງຍາກຂາດເຂີນດ້ານຕ່າງໆ ຂອງໂຮງຮຽນພວກເຮົາ ແລະ ເຄື່ອງທີ່ມາມອບໃນຄັ້ງນີ້ຈະໄດ້ແຈກໃຫ້ທົ່ວເຖິງ. ອີກເທື່ອໜຶ່ງຫວັງຢ່າງຍິ່ງວ່າໃນໂອກາດໜ້າທາງຄອບຄົວຂອງທ່ານຄົງຈະໄດ້ປຸກລະດົມຊອກແຫຼ່ງທຶນມາຊ່ວຍເຫຼືອໂຮງຮຽນຂອງພວກເຮົາຕື່ມອີກ ນະໂອກາດນີ້ ພວກເຮົາຂໍອວຍພອນໃຫ້ຄອບຄົວຂອງທ່ານຈົ່ງປະສົບແຕ່ຄວາມສຸກກາຍສະບາຍໃຈຄວາມຈະເລີນຕໍ່ໜ້າທີ່ການງານຕະຫຼອດໄປ.
………………………..
ຂ່າວ: ບຸນທີ
#News.XBL