ພະນັກງານສະມາຊິກພັກພາຍໃນເມືອງປາກລາຍ ເຊື່ອມຊືມເອກະສານວ່າດ້ວຍການສ້າງເສດຖະກິດ ເອກະລາດເປັນເຈົ້າຕົນເອງໃນໄລຍະໃໝ່.

ພະນັກງານສະມາຊິກພັກພາຍໃນເມືອງປາກລາຍ ເຊື່ອມຊືມເອກະສານວ່າດ້ວຍການສ້າງເສດຖະກິດ ເອກະລາດເປັນເຈົ້າຕົນເອງໃນໄລຍະໃໝ່.
………………………….
ຕອນເຊົ້າວັນທີ 2 ກໍລະກົດ 2024 ຢູ່ທີ່ຫ້ອງປະຊຸມໃຫຍ່ຂອງເມືອງປາກລາຍ ແຂວງໄຊຍະບູລິ ໄດ້ຈັດກອງປະຊຸມເຜີຍແຜ່ເຊື່ອມຊືມເອກະສານວ່າດ້ວຍການສ້າງເສດຖະກິດ ເອກະລາດເປັນເຈົ້າຕົນເອງໃນໄລຍະໃໝ່ ໂດຍການເປັນກຽດເຂົ້າຮ່ວມ ແລະ ເຜີຍແຜ່ເອກະສານຂອງທ່ານ ບຸນຫຼາຍ ວົງດາລາ ເລຂາພັກເມືອງ ວ່າການເຈົ້າເມືອງໆປາກລາຍ, ມີບັນດາຄະນະປະຈຳພັກເມືອງ, ກຳມະການພັກເມືອງ, ຫົວໜ້າຮອງຫົວໜ້າຫ້ອງການ, ພະນັກງານພ້ອມດ້ວຍນັກທຸລະກິດຜູ້ປະກອບການພາຍໃນເມືອງເຂົ້າຮ່ວມ.
ໃນກອງປະຊຸມຜູ້ເຂົ້າຮວ່ມໄດ້ຮັບຟັງການເຜີຍແຜ່ມະຕິຂອງກົມການເມືອງສູນກາງພັກວ່າດ້ວຍການສ້າງເສດຖະກິດ ເອກະລາດເປັນເຈົ້າຕົນເອງໃນໄລຍະໃໝ່, ມະຕິຂອງລັດຖະບານວ່າດ້ວຍຄວາມຮັບຜິດຊອບໃນການຈັດຕັ້ງປະຕິບັດວ່າດ້ວຍການສ້າງເສດຖະກິດ ເອກະລາດເປັນເຈົ້າຕົນເອງໃນໄລຍະໃໝ່, ຄຳສັ່ງຂອງຄະນະປະຈຳພັກແຂວງໄຊຍະບູລີວ່າດ້ວຍການສ້າງເສດຖະກິດ ເອກະລາດເປັນເຈົ້າຕົນເອງໃນໄລຍະໃໝ່ຢູ່ແຂວງໄຊຍະບູລີໂດຍໄດ້ຍົກໃຫ້ເຫັນຄວາມໝາຍຄວາມສຳຄັນ ແລະ ຄວາມຈຳເປັນໃນການການສ້າງເສດຖະກິດ ເອກະລາດເປັນເຈົ້າຕົນເອງໃນໄລຍະໃໝ່ ຈຸດປະສົງກໍເພື່ອເປັນການຍົກສູງສະຕິຊາດ ເສີມຂະຫຍາຍສະຕິປັນຍາ, ກຳລັງແຮງ ແລະ ຄວາມສາມາດແຂ່ງຂັນຂອງຄົນພາຍໃນຊາດ ກໍຄືຄະນະນຳທຸກຂັ້ນສະມາຊິກພັກທຸກສະຫາຍກໍ່ປະຊາຊົນບັນດາເຜົ່າທຸກຊັ້ນຄົນພາຍໃນເມືອງມີການຫັນປ່ຽນຢ່າງແຂງແຮງເລີກເຊິ່ງເປັນເຈົ້າການປະຕິບັດໜ້າທີ່ຂອງແຕ່ລະພາກສ່ວນຢ່າງຈິງຈັງ ແລະ ທົ່ວເຖີງເປັນການສ້າງບາດກ້າວບຸກທະລຸໃນການພັດທະນາຮັບປະກັນການເຕີບໂຕທາງດ້ານເສດຖະກິດດ້ວຍຈັງວະທີ່ໝັ້ນທ່ຽງ ແລະ ຕໍ່ເນື່ອງ ຮັບປະກັນການພັດທະນາແບບຍືນຍົງຕາມທິດສ້າງເສດຖະກິດເອກະລາດເປັນເຈົ້າຕົນເອງໃນໄລຍະໃໝ່ ຮັບປະກັນການແກ້ໄຂຄວາມຫຍຸ້ງຍາກທາງດ້ານເສດຖະກິດການເງີນໃຫ້ນັບມື້ເປັນຮູບປະທຳດ້ວຍຈິດໃຈບຸກທະລຸເພຶ່ອສ້າງຄວາມຢູ່ດີກິນດີໃຫ້ປະຊາຊົນບັນດາເຜົ່າເຮັດໃຫ້ສັງຄົມມີຄວາມສະຫງົບຄວາມເປັນລະບຽບຮຽບຮ້ອຍໂດຍພື້ນຖານ.
…………………….
ຂ່າວ: ສິດທິພອນ ທີແກ້ວ