ພິທີປິດຊຸດຝຶກອົບຮົມການສ້າງຄວາມເຂັ້ມແຂງໃຫ້ແກ່ ເລຂາໜ່ວຍພັກບ້ານ 4ເມືອງເໜືອຂອງແຂວງໄຊຍະບູລີ.
ໃນວັນທີ 14 ພຶດສະພາ2024ນີ້ ຢູ່ທີ່ສະໂມສອນຂອງເມືອງຊຽງຮ່ອນ ຄະນະຈັດຕັ້ງແຂວງໄຊຍະບູລີໄດ້ປິດຊຸດຝຶກອົບຮົມການສ້າງຄວາມເຂັ້ນແຂງໃຫ້ແກ່ ເລຂາ, ຮອງເລຂາ ສຳນັກງານ ຫ້ອງການກົມກອງ ແລະ ເລຂາໜ່ວຍພັກບ້ານ 4ເມືອງເໜືອຂອງແຂວງໄຊຍະບູລີ ເພື່ອເປັນການສ້າງຄວາມເຂັ້ມແຂງໃນການຊີ້ນຳນຳພາ, ປະຕິບັດໜ້າທີ່ຕາມພາລະບົດບາດ, ຮູ້ວິທີວາງແຜນການນຳພາ ແລະ ສ້າງໜ່ວຍພັກກາຍເປັນໜ່ວຍພັກປອດໃສ,ເຂັ້ມແຂງໜັກແໜ້ນໃຫ້ເລຂາ ຮອງເລຂາສຳນັກງານຫ້ອງການ ແລະ ເລຂາໜ່ວຍພັກບ້ານ4ເມືອງເໜືອຄື: ເມືອງຊຽງຮ່ອນ ເມືອງຫົງສາ,ເມືອງເງິນ ແລະ ເມືອງຄອບ ແຂວງໄຊຍະບູລີ ໂດຍການເປັນກຽດເຂົ້າຮ່ວມຂອງສະຫາຍ ສຳລານ ສຸວັນນະໂຊດ ກໍາມະການປະຈຳພັກແຂວງ ຫົວໜ້າຄະນະຈັດຕັ້ງແຂວງໄຊຍະບູລີ ມີສະຫາຍ ແສງອາທິດ ລາວເບຼຍຢາທໍ່ ເລຂາຄະນະບໍລິຫານງານພັກເມືອງ ວ່າການເຈົ້າເມືອງໆຊຽງຮ່ອນ, ມີເລຂາພັກເມືອງ,ຮອງເລຂາພັກເມືອງ,ຮອງເຈົ້າເມືອງ4ເມືອງເໜືອ,ມີຄະນະປະຈໍາພັກເມືອງ,ເລຂາໜວ່ຍພັກ ຮອງເລຂາໜ່ວຍພັກສໍານັກງານຫ້ອງການກົມກອງ, ວິທະຍາກອນຈາກຂັ້ນແຂວງ, ເມືອງ ພ້ອມດ້ວຍເລຂາໜ່ວຍພັກຮອງເລຂາໜ່ວຍພັກບ້ານ4ເມືອງເຂົ້າຮ່ວມ.
ຊຸດຝຶກອົບຮົມໃນຄັ້ງນີ້ ມີນັກສຳມະນາກອນເຂົ້າຮ່ວມອົບຮົມທັງໝົດ 261 ສະຫາຍຍິງ 16 ສະຫາຍ ເນື້ອໃນການອົບຮົບເປັນຕົ້ນແມ່ນເຊື່ອມຊືມເອກະສານຄື: ຄຳສັ່ງຂອງກົມການເມືອງສູນກາງພັກ ເລກທີ 01 ວ່າດ້ວຍການເພີ່ມທະວີການກໍ່ສ້າງໜ່ວຍພັກປອດໃສ, ເຂັ້ມແຂງ,ໜັກແໜ້ນ; ຂໍ້ກໍານົດ ຂອງຄະນະເລຂາທິການສູນກາງພັກ ເລກທີ01 ວ່າດ້ວຍພາລະບົດບາດ, ໜ້າທີ່, ສິດ ຂອງໜ່ວຍພັກບ້ານຢູ່ທົ່ງພຽງ, ພູດອຍຊົນນະບົດ; ຂໍ້ກໍານົດ ຂອງຄະນະເລຂາທິການສູນກາງພັກ ເລກທີ02ວ່າດ້ວຍການປ້ອງກັນພັກ-ພະນັກງານ ໃນໄລຍະໃໝ່; ຄໍາແນະນໍາ ຂອງຄະນະຈັດຕັ້ງສູນກາງພັກ ເລກທີ102 ກ່ຽວກັບການຈັດຕັ້ງປະຕິບັດກົດລະບຽບພັກປະຊາຊົນປະຕິວັດລາວ ສະໄໝທີ XI; ຄໍາແນະນໍາຂອງຄະນະປະຈໍາພັກແຂວງ ເລກທີ04 ກ່ຽວກັບການຈັດຕັ້ງປະຕິບັດຄໍາແນະນໍາຂອງຄະນະຈັດຕັ້ງສູນກາງພັກ ວ່າດ້ວຍການເພີ່ມທະວີການສ້າງໜ່ວຍພັກປອດໃສ,ເຂັ້ມແຂງ,ໜັກແໜ້ນ. ນອກຈາກນັ້ນ ຍັງຈະໄດ້ເຊື່ອມຊຶມຄຸນທາດການເມືອງ ແລະ ຄຸນສົມບັດສິນທໍາປະຕິວັດ; ແບບແຜນວິທີເຮັດວຽກ ແລະ ຍົກສູງຄວາມສາມາດນໍາພາຂອງຄະນະພັກຂັ້ນຕ່າງໆ ແລະ ພ້ອມກັນນັ້ນນັກສຳມະນາກອນ ຍັງໄດ້ແລກປ່ຽນບົດຮຽນ ແລະສົນທະນາກັນໄປຕາມແຕ່ລະຫົວຂໍ້ຄົ້ນຄວ້າເປັນກຸ່ມ ແລະ ລົງປະຕິບັດຕົວຈິງຢູ່ໜ່ວຍພັກບ້ານ ຜ່ານການຝຶກອົບຮົມສາມາດປະເມີນຜົນຂອງສຳມະນາກອນໄດ້ຄື: ເນື້ອໃນດີຫຼາຍກວມ 74,01%, ດີ 32,72%, ກາງ 2,26% .ການຈັດຝຶກອົບຮົມຄັ້ງນີ້ແມ່ນ ເພື່ອຍົກລະດັບຄວາມຮູ້ດ້ານທິດສະດີການເມືອງ, ຄຸນສົມບັດສິນທໍາປະຕິວັດ, ການກໍ່ສ້າງພັກ ແລະ ປັບປຸງພັກ, ການເປັນເຈົ້າການເຮັດໜ້າທີ່ການເມືອງຂອງຕົນດ້ວຍຄວາມຮັບຜິດຊອບສູງ ແນໃສ່ເພື່ອການບໍລິການ ແລະ ຮັບໃຊ້ປະຊາຊົນຢ່າງສຸດອົກສຸດໃຈ. ບັນຫາສໍາຄັນແມ່ນເຮັດໃຫ້ຄະນະພັກ, ສະມາຊິກພັກເຮົາມີແນວຄິດ, ທັດສະນະຊົນຊັ້ນ ເຊື່ອໝັ້ນຕໍ່ການນໍາພາຂອງພັກ, ປັບປຸງຄຸນສົມບັດສິນທໍາປະຕິວັດ, ເຫັນແຈ້ງມິດສັດຕູ, ຕ້ານແນວຄິດ ແລະ ປະກົດການຫຍໍ້ທໍ້ອື່ນໆ ມີຄວາມເປັນເອກະພາບຕໍ່ແນວທາງນະໂຍບາຍຂອງພັກ ເຊື່ອໝັ້ນຕໍ່ອຸດົມການ ແລະ ຫ້າວຫັນເຮັດວຽກງານຕາມການມອບໝາຍ ຢ່າງມີຜົນສໍາເລັດ. ຕອນທ້າຍສະຫາຍ ສຳລານ ສຸວັນນະໂຊດ ປະທານກອງປະຊຸມຍັງໄດ້ໂອລົມຕໍ່ຊຸດຝຶກອົບຮົມໃນຄັ້ງນີ້ ໂດຍສະຫາຍໄດ້ສະແດງຄວາມຊົມເຊີຍຕໍ່ກັບສຳມະນາກອນ ແລະ ຄະນະຮັບຜິດຊອບທີ່ໄດ້ກະກຽມດ້ານຕ່າງໆ ແລະ ຕັດສິນໃຈອົບຮົມຈົນໄດ້ຮັບຜົນສຳເລັດຕາມລະດັບຄາດໝາຍທີ່ວາງໄວ້ ແລະ ທ່ານຍັງໄດ້ຮຽກຮ້ອງໃຫ້ຄະນະພັກ ແລະ ສຳມະນາກອນຕ້ອງໄດ້ເອົາໃຈໃສ່ເປັນຕົ້ນແມ່ນ ສືບຕໍ່ເອົາໃຈໃສ່ສຶກສາອົບຮົມການເມືອງແນວຄິດເປັນບັນຫາກົກ ແລະ ຕົ້ນຕໍ, ສືບຕໍ່ເອົາໃຈໃສ່ເຮັດໃຫ້ການຈັດຕັ້ງພັກມີຄວາມສະຫງົບ ມີຄວາມສາມັກຄີ ແກ້ໄຂປະກົດການຫຍໍ້ທໍ່ຢູ່ຮາກຖານພັກບ້ານ, ຂຸດຄົ້ນຄວາມສາມາດບົ່ມຊ້ອນພາຍໃນເມືອງເພື່ອຊຸກຍູ້ສົ່ງເສີມການຜະລິດກະສິກຳໃຫ້ເປັນສິນຄ້າສົ່ງອອກຫຼາຍຂື້ນ ແລະ ເໜັ້ນໜັກໃຫ້ສຳມະນະກອນທີ່ໄດ້ອົບຮົມຈົ່ງນຳເອົາບົດຮຽນທີ່ໄດ້ອົບຮົມມານຳໄປຈັດຕັ້ງປະຕິບັດໃນທ້ອງຖິ່ນຮາກຖານຂອງຕົນໃຫ້ໄດ້ຮັບຜົນສຳເລັດ. ໃນໂອກາດດຽວກັນນີ້ຍັງໄດ້ມອບໃບຢັ້ງຢືນຂອງຄະນະປະຈຳພັກແຂວງໄຊຍະບູລີໃຫ້ຜູ້ທີ່ໄດ້ຜ່ານການຝຶກອົບຮົມເລຂາໜ່ວຍພັກຮາກຖານຈຳນວນ 261 ສະຫາຍ ຍິງ 16 ສະຫາຍ.
ໂດຍ: ຖວທ ຊຽງຮ່ອນ 55443362.