ໃນວັນທີ 5 ມັງກອນ 2025 ນີ້, ອົງການຈັດຕັ້ັ້ງມະຫາຊົນ ຊາວໜຸ່ມ, ແມ່ຍິງ, ຂະແໜງບໍລິຫານ ພະແນກການເມືອງ ກອງພັນໃຫຍ່ 202 ກອງພົນທີ 2 ໄດ້ນຳເອົາກະຕ່າຂອງຂວັນເຂົ້າອວຍພອນ ຄະນະພັກ-ຄະນະບັນຊາ ກອງພັນໃຫຍ່ ເນື່ອງໃນໂອກາດ ປີໃໝ່ສາກົນ ຄສ 2026.
ສະຫາຍ ຮ້ອຍເອກ ກົງໃຈ ຄຳສາບານ ຫົວໜ້າຂະແໜງຊາວໜຸ່ມ ພະແນກການເມືອງ ໄດ້ຕາງໜ້າໃຫ້ອົງການຈັດຕັ້ງມະຫາຊົນ ຊາວໜຸ່ມ, ແມ່ຍິງ ທົ່ວກອງພັນໃຫຍ່ ອວຍພອນໄຊອັນປະເສີດຕໍ່ຄະນະພັກ-ຄະນະບັນຊາ ກອງພັນໃຫຍ່ 202 ຈົ່ງມີສຸຂະພາບເຂັ້ມແຂງ, ມີພາລະນາໄມສົມບູນ, ປະສົບຜົນສຳເລັດໃນໜ້າທີ່ວຽກງານອັນມີກຽດ, ມີຄວາມຜາສຸກທັງຊີວິດສ່ວນຕົວ, ຄອບຄົວ, ສືບຕໍ່ນຳພາ-ຊີ້ນຳອົງການຈັດຕັ້ງ ຊາວໜຸ່ມ, ແມ່ຍິງ ກໍຄືກອງພັນໃຫຍ່ ໃຫ້ມີຄວາມເຕີບໃຫຍ່ເຂັ້ງແຂງ ທັນສະໄໝຂຶ້ນເທື່ອລະກ້າວ.
ໃນໂອກາດດັ່ງກ່າວ, ສະຫາຍ ພັນເອກ ສົມໝາຍ ດອນພະຈັນ ເລຂາຄະນະພັກ ຫົວໜ້າການເມືອງ ກອງພັນໃຫຍ່ 202 ກໍ່ໄດ້ຕ່າງໜ້າກ່າວສະແດງຄວາມຂອບໃຈ ມາຍັງອົງການຈັດຕັ້ງມະຫາຊົນ ຊາວໜຸ່ມ, ແມ່ຍິງ ພ້ອມທັງຝາກຄວາມຢື້ຢາມຖາມຂ່າວເຖິງພະນັກງານ-ນັກຮົບ, ທົ່ວກອງພັນໃຫຍ່ ເນື່ອງໃນໂອກາດປີໃໝ່ສາກົນ ຄສ 2026 ນີ້ ອວຍພອນໃຫ້ທຸກສະຫາຍຈົ່ງມີແຕ່ຄວາມຜາສຸກມີຄວາມຈະເລີນກ້າວໜ້າທາງດ້ານໜ້າທີ່ວຽກງານ, ປະສົບຜົນສຳເລັດໃນໜ້າທີ່ການເມືອງຂອງຕົນ, ພ້ອມກັນສືບຕໍ່ພັດທະນາກົມກອງໃຫ້ໃບໜ້າອັນໃໝ່, ມີຄວາມເຕີບໃຫຍ່ເຂັ້ງແຂງຂື້ນເລື້ອຍໆ. ພາບ-ຂ່າວ : ຮທ ຄຳຊຮຍ ກວ່າງຄຸນສີ