ເມືອງບໍ່ແຕນ ເຊື່ອມຊຶມຜົນສຳເລັດການຢ້ຽມຢາມພົບປະການນຳສູງສຸດ
ຂອງສປປລາວ-ສສຫວຽດນາມ, ສປປລາວ-ສະຫະພັນຣັດເຊຍ ແລະ ສປປລາວ-ກຳປູເຈຍ
ຄະນະບໍລິຫານງານພັກເມືອງບໍ່ແຕນ ແຂວງໄຊຍະບູລີ ໄດ້ຈັດກອງປະຊຸມເຊື່ອມຊຶມເນື້ອໃນກອງປະຊຸມເຜີຍແຜ່ຜົນສຳເລັດກອງປະຊຸມຄັ້ງທີ 46 ປະຈຳປີ 2024 ຂອງຄະນະກຳມະການຮ່ວມມືທະວີພາຄີ ລະຫວ່າງ ສປປລາວ-ສສຫວຽດນາມ
ຜົນສຳເລັດການພົບປະການນຳຂັ້ນສູງລະຫວ່າງພັກປະຊາຊົນປະຕິວັດລາວ-ພັກກອມມູນິດຫວຽດນາມ ຜົນສຳເລັດການພົບປະສຸດຍອດຄັ້ງທີ 14 ລະຫວ່າງພັກປະຊາຊົນປະຕິວັດລາວ-ພັກປະຊາຊົນກຳປູເຈຍ ຜົນສຳເລັດການຢ້ຽມຢາມເຮັດວຽກຢູ່ສະຫະພັນຣັດເຊຍຂອງ ສະຫາຍ ທອງລຸນ ສິສຸລິດ ເລຂາທິການໃຫຍ່ ປະທານປະເທດແຫ່ງ ສປປລາວ ໃຫ້ສະມາຊິກພັກ, ພະນັກງານ, ທະຫານ, ຕ່ຳຫຼວດ ຂຶ້ນຢູ່ທີ່ສະໂມສອນຂອງເມືອງໃນວັນທີ 7 ມິຖຸນາ 2024 ນີ້ ໂດຍການໃຫ້ກຽດເຜີຍແຜ່ຂອງ ທ່ານ ສົມສະໜຸກ ໄຊອຸດົມ ເລຂາພັກເມືອງ ເຈົ້າເມືອງບໍ່ແຕນ ເຂົ້າຮ່ວມເຊື່ອມຊຶມໃນຄັ້ງນີ້, ມີຄະນະປະຈໍາພັກເມືອງ, ກໍາມະການພັກເມືອງ ເລຂາໜວ່ຍພັກ ສໍານັກງານຫ້ອງການ ພະນັກງານຫຼັກແຫຼ່ງຂອງເມືອງ ເຂົ້າຮ່ວມເຊື່ອມຊຶມ ທ່ານສົມສະໜຸກ ໄຊອຸດົມ ເລຂາພັກເມືອງເຈົ້າເມືອງບໍ່ແຕນ ທ່ານໄດ້ຍົກໃຫ້ເຫັນຄວາມໝາຍຄວາມສຳຄັນ ຂອງເນື້ອໃນກອງປະຊຸມ ແລະ ການພົບປະດັ່ງກ່າວເພື່ອເຮັດໃຫ້ສະມາຊິກພັກ ພະນັກງານເຫັນໄດ້ຄວາມໝາຍຄວາມສຳຄັນໃນການພົວພັນຮ່ວມມືກັບບັນດາປະເທດເພື່ອນມິດໃນດ້ານຕ່າງໆ ເປັນຕົ້ນແມ່ນການພັດທະນາທາງດ້ານເສດຖະກິດ-ສັງຄົມ ແລະ ພ້ອມກັນຫັນເອົາເນື້ອໃນຂອງກອງປະຊຸມດັ່ງກ່າວ ໄປສືບຕໍ່ຈັດຕັ້ງຜັນຂະຫຍາຍຢ່າງກ້ວງຂວາງໃຫ້ທົ່ວເຖິງທ້ອງຖິ່ນ ແລະ ຮາກຖານ ເພື່ອເຮັດໃຫ້ປະຊາຊົນບັນດາເຜົ່າພາຍໃນເມືອງ ໄດ້ຮັບຮູ້ ແລະ ເຂົ້າໃຈໄດ້ຢ່າງທົ່ວເຖິງການເຊື່ອມຊຶມຜົນສຳເລັດດັ່ງກ່າວເມືອງບໍ່ແຕນໄດ້ຈັດເປັນ 2 ຊຸດ:
ຊຸດທີ 1 ແມ່ນຫົວໜ້າ,ຮອງຫົວໜ້າຫ້ອງກາ,ທະຫານ,ຕ່ຳຫຼວດຊັ້ນ ພັຕ ເຂົ້າຮ່ວມ
ຊຸດທີ 2 ມີຫົວໜ້າໜ່ວຍງານ ພະນັກງານລັດຖະກອນ, ທາຫານ, ຕ່ຳຫຼວດຊັ້ນ ຮອລົງມາເຂົ້າຮ່ວມ
ພາບ-ຂ່າວ: ສາຍຄຳ ບຸນຍາວົງ