ວັນທີ 27 ມັງກອນ 2026 ນີ້ ຢູ່ທີ່ ເມືອງເງິນ ແຂວງໄຊຍະບູລີ ໄດ້ຈັດກອງປະຊຸມ ເຊື່ອມຊຶມນິຕິກໍາທີ່ສໍາຄັນເພື່ອກະກຽມໃຫ້ແກ່ການປະເມີນ ການກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ ຕິດພັນກັບການປະເມີນຂໍ້ແຂ່ງຂັນຮັກຊາດ ແລະ ພັດທະນາ. ເຂົ້າຮ່ວມເປັນກຽດ ມີ ສະຫາຍ ທອງພັນ ສຸກສະຫວັດ, ກໍາມະການພັກແຂວງ, ເລຂາຄະນະບໍລິຫານງານພັກເມືອງ, ມີຄະນະປະຈໍາພັກເມືອງ, ກໍາມະການພັກເມືອງ, ເລຂາຄະນະພັກຮາກຖານ, ເລຂາໜ່ວຍພັກສໍານັກງານ-ອົງການ, ກົມກອງ, ພະນັກງານຫຼັກແຫຼ່ງຂອງເມືອງ ແລະ ເລຂາພັກບ້ານ 9 ບ້ານເທດສະບານ ເຂົ້າຮ່ວມ.
ສະຫາຍ ທອງພັນ ສຸກສະຫວັດ, ກໍາມະການພັກແຂວງ, ເລຂາຄະນະບໍລິຫານງານພັກເມືອງ ໄດ້ເປັນກຽດຂື້ນຜ່ານຄໍາສັ່ງຂອງກົມການເມືອງສູນກາງພັກ ສະບັບເລກທີ 01/ກມສພ, ລົງວັນທີ 03 ມັງກອນ 2018 ວ່າດ້ວຍການເພີ່ມທະວີການກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ. ຜ່ານ ເນື້ອໃນຄຳແນະນຳຂອງຄະນະຈັດຕັ້ງສູນກາງພັກ ສະບັບເລກທີ 28/ຄຈສພ, ລົງວັນທີ 14 ກຸມພາ 2025 ແລະ ແຈ້ງການແນະນໍາຂອງຄະນະປະຈໍາພັກແຂວງ ສະບັບເລກທີ 651/ຄພຂ, ວ່າດ້ວຍການກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ, ຜ່ານແຜນການດຳເນີນງານຂອງຄະນະປະຈໍາພັກເມືອງ ສະບັບເລກທີ 019/ຄພມ, ລົງວັນທີ 22 ມັງກອນ 2026 ກ່ຽວກັບການກະກຽມລົງກວດກາປະເມີນຜົນການສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ, ຜ່ານມະຕິ ຂອງຄະນະະຈໍາພັກເມືອງ ວ່າດ້ວຍການແຕ່ງຕັ້ງຄະນະຮັບຜິດຊອບຂັ້ນເມືອງສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ ພ້ອມທັງ ແນະນໍາກ່ຽວກັບກັບການເກັບກໍາຂໍ້ມູນທາງດ້ານສະຖິຕິຄົວເຮືອນ.
ທັງໝົດນນີ້ ກໍເພື່ອເປັນການກະກຽມຄວາມພ້ອມຮອບດ້ານກ່ອນລົງປະເມີນກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ ຕິດພັນກັບການປະເມີນຂໍ້ແຂ່ງຂັນຮັກຊາດ ແລະ ພັດທະນາ ຢູ່ ເມືອງເງິນ ມີຜົນສຳເລັດຕາມລະດັບຄາດໝາຍທີວາງໄວ້.
ໂດຍ: ອິນແປງ ແຫວນຄຳ