ໃນຕອນເຊົ້າ ວັນທີ 24 ມີນາ 2025 ຢູ່ທີ່ຫ້ອງປະຊຸມໃຫ່ຍຂອງເມືອງ ໄດ້ຈັດກອງປະຊຸມສະຫຼຸບຕີລາຄາວຽກງານແຂ່ງຂັນຮັກຊາດ ແລະ ພັດທະນາປີ 2020-2024 ແລະ ທິດທາງແຜນການແຕ່ປີ 2025-2029 ຂຶ້ນຢ່າງເປັນທາງການໂດຍການໃຫ້ກຽດເຂົ້າຮ່ວມຂອງ ທ່ານ ສຳລານ ສຸວັນນະໂຊດ ກຳມະການປະຈຳພັກແຂວງ, ຫົວໜ້າຄະນະຈັດຕັ້ງແຂວງ, ມີທ່ານ ດາວສິດ ທິແກ້ວ ຮອງຫົວໜ້າພະແນກພາຍໃນແຂວງ ໂດຍພາຍໃຕ້ການເປັນປະທານ ຂອງ ທ່ານ ພອນສະຫວັນ ວໍລະສັກ ວ່າການເຈົ້າເມືອງ, ມີບັນດາທ່ານ ຮອງເຈົ້າເມືອງ, ຫົວໜ້າ, ຮອງຫົວໜ້າຫ້ອງການ, ອົງການ, ກົມກອງ, ລັດວິສາຫະກິດອ້ອມຂ້າງເມືອງ, ບັນດາທ່ານຫົວໜ້າໜ່ວຍງານ, ຜູ້ປະກອບການ ແລະ ນາຍບ້ານໃນທົ່ວເມືອງເຂົ້າຮ່ວມ ທັງໜົດ 150 ທ່ານ, ຍິງ 35 ທ່ານ, ແລະ ປະຕິບັດຕາມຂໍ້ຕົກລົງຂອງທ່ານເຈົ້າເເຂວງ ສະບັບເລກທີ 510/ຈຂ,ລົງວັນທີ 20 ມີນາ 2025 ວ່າດ້ວຍການອານຸມັດເປີດກອງປະຊຸມສະຫຼຸບຕີລາຄາວຽກງານແຂ່ງຂັນ-ຍ້ອງຍໍ ແລະ ພັດທະນາຂອງເມືອງໄຊສະຖານ ພາຍຫຼັງຄະນະຈັດຕັ້ງພິທີໄດ້ສະເໜີຈຸດປະສົງແລ້ວ ທ່ານ ພອນສະຫວັນ ວໍລະສັກ ວ່າການເຈົ້າເມືອງ ໄດ້ກ່າວເປີດກອງປະຊຸມແລ້ວ, ທ່ານ ເອກ ເກດຕາໄຊ ຮອງເຈົ້າເມືອງ ກໍ່ໄດ້ຜ່ານບົດສະຫຼຸບຕີລາຄາວຽກງານການແຂ່ງຂັນຮັກຊາດ ແລະ ພັດທະນາ ປີ 2020-2024 ແລະ ທິດທາງແຜນການແຕ່ປີ 2025-2029, ປະທານກອງປະຊຸມກໍ່ໄດ້ມີຄຳເຫັນເຈາະຈີ້ມເພື່ອເຮັດໃຫ້ຜູ້ແທນກອງປະຊຸມ ຫຼັງຈາກນັ້ນໄດ້ຮັບຟັງການ ປະກອບຄຳເຫັນຄອບຄົວຕົວແບບໃນການປູກກາເຟເປັນສິນຄ້າຂອງ ທ່ານ ສາຍເນີນ ນາຍບ້ານກີ່ວກອກ, ຕົວແບບໃນການບໍລິການຄ້າຂາຍຕິດພັນກັບການປູກພຶດເປັນສິນຄ້າ ຂອງທ່ານ ຖື ຫານເຫງົາ ນາຍບ້ານ ກ້ອງທ່ຽງ ແລະ ການສ້າງບ້ານດີເດັ່ນຮອບດ້ານ ຂອງບ້ານເສົາດຽວ ແລະ ໃນພິທີກອງປະຊຸມຍັງໄດ້ຮັບຟັງການຜ່ານມະຕິຕົກລົງຂອງຄະນະປະຈຳພັກເມືອງ ສະບັບເລກທີ 248 /ຄພມ,ລົງວັນທີ 21 ພະຈິກ 2024 ວ່າດ້ວຍການຮັບຮອງໜ່ວຍພັກປອດໃສ່, ເຂັ້ມແຂງ, ໜັກແໜ້ນ ປະຈຳປີ 2024, ຂໍ້ຕົກລົງຂອງທ່ານເຈົ້າເມືອງສະບັບເລກທີ 56/ຈມ, ລົງວັນທີ 26 ກຸມພາ 2025 ວ່າດ້ວຍການຍ້ອງຍໍບຸກຄົນ, ກົມກອງ, ບ້ານທີ່ມີພົ້ນງານດີເດັ່ນໃນຂະບວນການແຂ່ງຮັກຊາດ ແລະ ພັດທະນາ 5 ປີ ຜ່ານມາ ແລະ ຂອງຂັວນ, ພ້ອມກັນນັ້ນກໍ່ໄດ້ຮັບຟັງການຜ່ານຂໍ້ແຂ່ງຂັນຮັກຊາດ ແລະ ພັດທະນາແຕ່ປີ 2025-2029 ແລະ ຂໍ້ແຂ່ງຂັນຂອງເມືອງພ້ອມທັງຕາງໜ້າຂອງບັນດາຫ້ອງການ,ອົງການ,ກົມກອງ, ບ້ານຈັບມືແຂ່ງຂັນກັນ ແລະ ໃນກອງປະຊຸມຍັງໄດ້ຮັບກຽດຟັງການໂອ້ລົມຂອງທ່ານ ສຳລານ ສຸວັນນະໂຊດ ກຳມະການປະຈຳພັກແຂວງ, ຫົວໜ້າຄະນະຈັດຕັ້ງແຂວງເຊິ່ງທ່ານຍັງໄດ້ສະແດງຄວາມຍ້ອງ ຍໍຕໍ່ຜົນ ງານຂອງບັນດາຂະແໜງການ,ຂອງບ້ານ, ຂອງເມືອງທີສາມາດຍາດມາໄດ້ໃນຫຼາຍດ້ານຕະຫຼອດໄລຍະຜ່ານມາ ແລະ ທ່ານຍັງໄດ້ມີຄຳເຫັນໂອ້ລົມຕໍ່ກອງປະຊຸມທີ່ຈະຕ້ອງໄດ້ເອົາໃຈໃສ່ເປັນຕົ້ນ ແມ່ນການເພີ່ມທະວີການສຶກສາອົບຮົມການເມືອງ-ແນວຄິດ, ການກໍ່ສ້າງພັກ-ພະນັກນັກງານ, ວຽກງານການພັດທະນາເສດຖະກິດ-ສັງຄົມ, ວຽກງານປ້ອງກັນຊາດ-ປ້ອງກັນຄວາມສະຫງົບ ແລະ ຍັງມີຫຼາຍບັນຫາອື່ນໆ ຕືມອີກ ແລະ ໃນຕອນທ້າຍ ກອງປະຊຸມ ທ່ານ ພອນສະຫວັນ ວໍລະສັກ ວ່າງການເຈົ້າເມືອງ ປະທານກອງປະຊຸມກໍ່ໄດ້ຕາງໜ້າອົງການປົກຄອງເມືອງຂຶ້ນກ່າວຮັບຄຳໂອງວາດຈາກຄະນະພັກຂັ້ນເທິ່ງພ້ອມທັງກ່າວປິດກອງປະຊຸມແຂ່ງຂັນຍ້ອງຍໍຮັກຊາດ ແລະ ພັດທະນາຢ່າງເປັນທາງການ.
ຂຽນ ແລະ ພາບໂດຍ: ສະຫວ່າງ ແສງທອງຄຳ