ໃນຕອນເຊົ້າຂອງວັນທີ 08 ເມສາ 2025 ເມືອງໄຊສະຖານໄດ້ຈັດພິທີປາຖະກະຖາ 02 ວັນປະຫັວດສາດຂອງພັກ, ຂອງຊາດ ຂຶ້ນຢ່າງເປັນທາງການ ໂດຍການເປັນປະທານ ຂອງ ທ່ານ ສົມສະນິດ ວົງສີ ຮອງເລຂາຄະນະບໍລິຫານງານພັກເມືອງ, ປະທານແນວລາວສ້າງຊາດເມືອງ ມີບັນດາສະຫາຍກຳມະການປະຈຳພັກເມືອງ, ກຳມະການພັກເມືອງ, ພະນັກງານອາວຸໂສບຳນານ, ຫົວໜ້າ, ຮອງຫົວໜ້າຫ້ອງການ, ອົງການ, ນາຍ ແລະ ພົນທະຫານ,ນາຍ ແລະ ພົນຕໍາຫຼວດ,ນາຍບ້ານ, ຂະແໜງການຂອງບ້ານຕະຫຼອດຮອດສະມາຊິກຊາວໝຸ່ມອ້ອມຂ້າງເມືອງເຂົ້າຮ່ວມ ເຊິ່ງການປາຖະກະຖາ 02 ວັນປະຫັວດສາດຂອງພັກ,ຂອງຊາດມີຄື: ວັນສ້າງຕັ້ງກຳລັງປ້ອງກັນຄວາມສະຫງົບ ປະຊາຊົນ ຄົບຮອບ 64 ປີ ແລະ ວັນສ້າງຕັ້ງຄະນະຊາວໝຸ່ມ ປະຊາຊົນປະຕິວັດລາວ ຄົບຮອບ 70 ປີ ເຊິ່ງມີຜູ້ເຂົ້າຮ່ວມທັງໜົດ 123 ສະຫາຍ, ຍິງ 23 ສະຫາຍ ແລະ ພິທີປາຖະກະຖາ 02 ວັນປະຫັວດສາດ ສະຫາຍ ສົມສະນິດ ວົງສີ ຮອງເລຂາຄະນະບໍລິຫານງານພັກເມືອງ, ປະທານແນວລາວສ້າງຊາດເມືອງ ໄດ້ເຫຼົ່າຫວນຄືນມູນເຊື້ອວັນສ້າງຕັ້ງກຳລັງປ້ອງກັນຄວາມສະຫງົບ ປະຊາຊົນ, ວັນສ້າງຕັ້ງຄະນະຊາວໝຸ່ມ ປະຊາຊົນ ປະຕິວັດລາວ ເຊິ່ງສະຫາຍໄດ້ຍົກໃຫ້ເຫັນມູນເຊື້ອ ແລະ ໄຊຊະນະອັນຍິ່ງໃຫ່ຍຂອງການປະຕິວັດ ໂດຍພາຍໃຕ້ການນຳພາ-ຊີ້ນຳຂອງກຳລັງປ້ອງກັນຄວາມສະຫງົບ ປະຊາຊົນ ຄົບຮອບ 64 ປີ ແລະ ການຕໍ່ສູ້ກູ້ຊາດ, ການນຳພາ, ຜົນານອັນພົ້ນເດັ່ນໃນຂະບວນການປົກປັກຮັກສາ ແລະ ສ້າງສາພັດທະນາປະເທດຊາດຕະຫຼອດໄລຍະ 70 ປີ ເປັນການໂຄສະນາສຶກສາອົບຮົມໃຫ້ພະນັກງານ, ສະມາຊິກພັກ, ທະຫານ, ຕຳຫຼວດ, ສະມາຊິກຊາວໝຸ່ມ ແລະ ປະຊາຊົນຊັ້ນຄົນຕ່າງໆໃນສັງຄົມໄດ້ຮັບຮູ້, ເຂົ້າໃຈກ່ຽວກັບປະຫວັດສາດ ແລະ ມູນເຊື້ອຂອງກຳລັງ, ຂອງຊາວໝຸ່ມເຂົ້າໃນການຈັດຕັ້ງປະຕິບັດບັນດາຄາດໝາຍສູ້ຊົນຂອງຕົນໃຫ້ສຳເລັດຕາມຄາດໝາຍ ແລະ ເປັນການເສີມຂະຫຍາຍມູນເຊື້ອ ແລະ ທາດແທ້ຂອງກຳລັງ ແລະ ຂອງຊາວໝຸ່ມເຮົາເຂົ້າໃນການນຳພາ-ຊີ້ນຳຈັດຕັ້ງປະຕິບັດພາລະກິດປ່ຽນແປງໃໝ່ໂດຍສະເພາະແມ່ນການຈັດຕັ້ງປະຕິບັດມະຕິກອງປະຊຸມໃຫ່ຍຂອງພັກ, ເພື່ອເປັນການຜົນຂະຫຍາຍມູນເຊື້ອ, ເຊິ່ງພິທີປາຖະກະຖາ 02 ວັນປະຫວັດສາດໃນຄັ້ງນີ້ລ້ວນແລ້ວແຕ່ມີບັນຍາກາດຟົດຟື້ນທີ່ເຕັມໄປດ້ວຍຄວາມໝາຍຄວາມສຳຄັນໃນການຈັດຕັ້ງປະຕິບັດບັນດາມະຕິກອງປະຊຸມໃຫ່ຍແຕ່ລະຂັ້ນ ກໍ່ຄືຄຳແນະນຳຂອງກອງບັນຊາການ ປກສ ແຂວງ ສະບັບເລກທີ 1906/ ປກສ,ຊຍ, ລົງວັນທີ 21 ມີນາ 2025 ແລະ ແຈ້ງການຂອງຄະນະຊາວໝຸ່ມປະຊາຊົນ ປະຕິວັດລາວ ແຂວງ ສະບັບເລກທີ 190/ ຄຊປປລ, ລົງວັນທີ 24 ມີນາ 2025 ເພື່ອເປັນການຫວນຄືນ 02 ວັນທາງປະຫວັດສາດ ແຫ່ງການເຕີບໃຫ່ຍຂະຫຍາຍຕົວໃນຕະຫຼອດໄລຍະ 64ປີ ແລະ 70 ປີ ແລະ ເພື່ອເປັນການແນ່ໃສ່ ສຶກສາອົບຮົມການເມືອງ-ແນວຄິດ ໃຫ້ສະມາຊິກພັກ-ພະນັກງານ, ທະຫານ, ຕຳຫຼວດ ແລະ ປະຊາຊົນບັນດາເຜົ່າໃນທົ່ວເມືອງ ເປັນການເພີ່ມທະວີຍົກສູງມີສະຕິເຄົາລົບ ແລະ ປະຕິບັດລະບຽບກົດໝາຍ, ຮັບຮູ້ເຂົ້າໃຈຜົນງານທີ່ພົ້່ນເດັ່ນຂອງແຕ່ລະຂະແໜງການ,ຂອງເມືອງ, ຂອງບ້ານ ຕືມອີກ.
ຂຽນ ແລະ ຂ່າວພາບໂດຍ: ສະຫາຍ ສະຫວ່າງ ແສງທອງຄຳ