ເນື່ອງໃນໂອກາດວັນສ້າງຕັ້ງພັກ ປະຊາທິປະໄຕ ປະຊາຊົນລາວລາວ ຄົບຮອບ 70 ປີ ທີ່ຈະມາເຖິງນີ້ (22/3/1955-22/3/2025 ທ່ານ ອາເມ ຊົ່ງເຢຍເລັ່ງ ກຳມະການພັກແຂວງ ຫົວໜ້າຄະນະໂຄສະນະອົບຮົມ ແຂວງ ໃຫ້ຮູ້ວ່າ ຄໍາສັ່ງແນະນໍາ ຂອງຄະນະເລຂາທິການສູນກາງພັກ ສະບັບເລກທີ 182/ຄລສພ, ລົງວັນທີ 12 ກໍລະກົດ 2024 ວ່າດ້ວຍການຜັນຂະຫຍາຍ ມະຕິ ຂອງກົມການເມືອງສູນກາງພັກ ກ່ຽວ ກັບ ການກະກຽມສະເຫຼີມສະຫຼອງ 3 ວັນປະຫວັດສາດ ດັ່ງນັ້ນ ຄະນະປະຈຳພັກແຂວງ ຈຶ່ງໄດ້ອອກມະຕິ ສະບັບເລກທີ 373/ຄພຂ, ຊຍ, ລົງວັນທີ 23 ກັນຍາ 2024 ວ່າດ້ວຍການແຕ່ງຕັ້ງ ເພື່ອເຮັດໜ້າທີ່ກະກຽມດ້ານຕ່າງໆ ເຊິ່ງປະກອບມີ 6 ຄະນະ ຫຼື 6 ອານຸກຳມະການຄື: ຄະນະຊີ້ ນໍາລວມ, ຄະນະ ຮັບຜິດຊອບເນື້ອໃນ, ຄະນະຮັກສາຄວາມສະຫງົບ ແລະ ຮັກສາສຸຂະ ພາບ, ຄະນະ ຮັບຜິດຊອບຂະບວນ ການ, ແຂ່ງຂັນ ແລະ ຍ້ອງຍໍ, ຄະນະຮັບຜິດຊອບເສດຖະກິດ-ການເງິນ ແລະ ຄະນະຮັບຜິດຊອບ ເລຂານຸການ ແລະ ພິທີການ ຈາກນັ້ນແຕ່ລະຄະນະທີ່ຖືກແຕ່ງຕັ້ງ ກໍ່ໄດ້ປະຕິບັດຕາມ ສິດ, ໜ້າທີ່ ພາລະ ບົດບາດຂອງຕົນ. ເປັນຕົ້ນ ແມ່ນໄດ້ສ້າງແຜນເຄື່ອນໄຫວດ້ານຕ່າງໆ ເຊັ່ນ: ສ້າງ ຂະບວນການອອກແຮງງານລວມຕາມສະຖານທີ່ຄວາມຮັບຜິດຊອບ ໃຫ້ມີຄວາມສວຍງາມ, ປະດັບ ປະດາ ຕິດທຸງຊາດ, ທຸງພັກ, ທຸງຫິວ ຄໍາຂວັນໂຄສະນາ-ປຸກລະດົມ, ໂປດສະເຕີຮູບພາບຂ້າງທາງ, ຊົມ ຮູບເງົາສາລະຄະດີມູນເຊື້ອຂອງ ພັກ ຕິດພັນກັບການໂຄສະນາປາຖະກະຖາ ແລະ ຖາມ-ຕອບ ຢູ່ 4 ຂົງເຂດວຽກງານ ແລະ ສະຖາບັນການ ສຶກສາ, ມີການແຂ່ງຂັນກິລາກາຍຍະກຳ ປະເພດຕ່າງໆ, ສະແດງ ສິລະປະ-ວັນນະຄະດີ, ປະກວດບົດຂຽນ ເລື່ອງສັ້ນ ແລະ ບົດກາບກອນ ຊຶ່ງມີເນື້ອໃນຍ້ອງຍໍສັນລະເສີນພັກ,ນອກຈາກນັ້ນ, ຍັງໄດ້ໂຄສະນາເຜີຍແຜ່ມູນເຊື້ອຂອງພັກປະຊາຊົນປະຕິວັດລາວ ຄົບຮອບ 70 ປີ ຜ່ານສື່ຕ່າງໆ. ພິເສດໄດ້ຈັດຕັ້ງການນໍາຂອງແຂວງເຂົ້າຮ່ວມກອງປະຊຸມສໍາມະນາວິທະຍາສາດສະເຫຼີມສະຫຼອງວັນສ້າງຕັ້ງພັກປະຊາຊົນປະຕິວັດລາວຄົບຮອບ 70 ປີ. ຫົວຂໍ້: 70 ປີ ພາຍໃຕ້ການນໍາພາ ສໍາລັບແຂວງໄຊຍະບູລີ ປະຈຸບັນ ພວກເຮົາ ແມ່ນໄດ້ກະກຽມການສະເຫຼີມສະຫຼອງວັນສ້າງຕັ້ງພັກປະຊາຊົນປະຕິວັດລາວ ຄົບຮອບ 70 ປີ ພະແນກການອ້ອມຂ້າງ ແຂວງ ແລະ ບັນດາເມືອງ ເພື່ອພ້ອມກັນຈັດຕັ້ງການ ໂຄສະນາປາຖະກະຖາວັນດັ່ງກ່າວ ໃຫ້ເປັນຂະບວນ ຟົດຟື້ນ ໃນວັນທີ 22 ມີນາ 2025 ຈະໄດ້ຈັດພິທີໂຮມຊຸມນຸມໃຫຍ່ ຢູ່ທີ່ຫໍປະຊຸມໃຫຍ່ຂອງແຂວງ ເພື່ອຮັບຟັງການຖ່າຍຖອດສົດສູນທອນພົດຂອງສະຫາຍເລຂາທິການໃຫຍ່ ປະທານປະເທດ, ເນື່ອງໃນໂອກາດການສະເຫຼີມສະຫຼອງວັນສ້າງຕັ້ງພັກປະຊາຊົນປະຕິວັດລາວຄົບຮອບ 70 ປີ ໃນນາມ ຕາງໜ້າຄະນະນໍາຂອງແຂວງ ຂ້າພະເຈົ້າໃນນາມສະມາຊີກພັກຜູ້ໜື່ງ ຂໍອວຍພອນໄຊໃຫ້ພອນແດ່ບັນດາສະຫາຍ ການນຳພັກ-ລັດຈົ່ງມີສຸຂະພາບເຂັ້ມແຂງມີຄວາມສຸກໃນຊີວິດຄອບຄົວ ມີຜົນສຳເລັດອັນໃຫ່ຍຫຼວງໃນໜ້າທີ່ວຽກງານ ສືບຕໍ່ເປັນຄັນທຸງເຕົ້າໂຮມຄວາມສາມະຄີປອງດອງ ປະຊາຊົນບັນດາເຜົ່າ ນຳພາປະເທດຊາດ ກໍ່ຄືແຂວງໄຊຍະບູລີ ໃຫ້ມີການພັດທະນາຈະເລີນຮຸ່ງເຮືອງກ້າວຂື້ນຢ່າງບໍ່ຢຸດຢັ້ງ.
ພາບ-ຂ່າວ ຄະນະໂຄສະນາອົບຮົມແຂວງ