ເມືອງໄຊສະຖານ ແຂວງໄຊຍະບູລີ ຈັດພິທີປາຖະກາຖາ 2 ວັນປະຫວັດສາດວັນສ້າງຕັ້ງພັປະຊາຊົນປະຕິວັດລາວ ຄົວຮອບ 69 ປີ ແລະ ວັນນັກຮົບເສຍອົງຄະ ແລະ ເສຍສະຫຼະຊີວິດເພື່ອປະເທດຊາດ ຄົບຮອບ 78 ປີ

ເພື່ອເປັນການລະນຶກຫວນຄືນມູນເຊື້ອ ໄຊຊະນະອັນຍິ່ງໃຫຍ່ຂອງການປະຕິວັດ ພາຍໃຕ້ການນໍາພາຂອງພັກ ແລະ ພ້ອມກັນລະນຶກເຖິງຄຸນງາມຄວາມດີ ແລະ ນໍ້າໃຈເສຍສະຫຼະອັນສູງສົ່ງ ຂອງບັນດານັກຮົບທີ່ໄດ້ອຸທິດເພື່ອປະເທດຊາດ ໃນຂະບວນການຕໍ່ສູ້ປົດປ່ອຍຊາດ ທີ່ມີຫຼາຍເຫດການປະຫວັດສາດເຊິ່ງປວງຊົນລາວທັງຊາດບໍ່ມີວັນລືມ ໃນຕອນເຊົ້າຂອງວັນທີ 22 ມີນາ 2024 ນີ້ທາງອົງຄະນະພັກເມືອງໄຊສະຖານ ເຊິ່ງນໍາພາໂດນທ່ານ ສີສະໝອນ ນາມວົງ ເລຂາພັກເມືອງ ເຈົ້າເມືອງ ພ້ອມດ້ວຍບັນດາກໍາມະການປະຈໍາພັກເມືອງ, ກໍາມະການພັກເມືອງ, ຫົວໜ້າ, ຮອງຫົວໜ້າຫ້ອງການ, ອົງການ, ກົມກອງ, ພະນັກງານອາວຸໂສບໍານານ ພ້ອມດ້ວຍພະນັກງານຫຼັກແຫຼ່ງພາຍໃນເມືອງ ໄດ້ພ້ອມກັນເຂົ້າວາງພວງມາລາກະຕ່າດອກໄມ້ຢູ່ຕໍ່ໜ້າອານຸສອນສະຖານປະທານໄກສອນ ພົມວິຫານ. ...