ເຊົ້າວັນທີ11ພະຈິກ2025ຢູ່ທີຫໍປະຊຸມສຶກສາທິການ ແລະ ກິລາເມືອງປາກລາຍແຂວງໄຊຍະບູລີຫ້ອງການແຮງງານແລະສະຫວັດດີການສັງຄົມເມືອງໄດ້ຮ່ວມກັບບໍລິສັດສຸດໃຈຈັດຫາງານໄດ້ຈັດພິທີສຳພາດຮັບເອົາແຮງງານໄປເຮັດວຽກງານປະເທດ ສ ເກົາຫລີ ພາຍໃຕ້ການເປັນປະທານຂອງ ທ່ານ ສົມບູນລັດ ລີນທອນສີ ຫົວໜ້າຫ້ອງການ ແຮງງານ ແລະ ສະຫວັດດີການສັງຄົມເມືອງ,ມີຄະນະຫ້ອງການແລະບໍລິສັດເຂົ້າຮ່ວມ.
ໃນພິທີທ່ານ ສົມບູນລັດ ລີນທອນສີ ຫົວໜ້າຫ້ອງການ ແຮງງານ ແລະ ສະຫວັດດີການສັງຄົມເມືອງໄດ້ສະເໜີຈຸດປະສົງ ແລະ ມີຄໍາເຫັນເປີດພິທີການສຳພາດຮັບເອົາແຮງງານຢູ່ເມືອງປາກລາຍ ຈາກນັ້ນ ຕາງໜ້າບໍລິສັດ ມີຄໍາເຫັນແນະນໍາກ່ຽວກັບເງື່ອນໄຂຕ່າງໆຂອງແຮງງານຈະເຂົ້າສໍາພາດ ຈົນຮອດການກະກຽມເອກະສານ ແລະ ສະເໜີກ່ຽວກັບການປ່ອຍສິນເຊື່ອເງິນກູ້ຢືມຂອງການເງິນຈຸນລະພາກຈາກນັ້ນ ທິມງານຂອງບໍລິສັດໄດ້ດໍາເນີນການສໍາພາດຕົວຈິງ ເຊິ່ງມີແຮງງານເຂົ້າຮວ່ມສໍາພາດທັງໝົດ114ຄົນ,ຍິງ45ຄົນ.
ຂ່າວ-ພາບ: ໂຄສະນາອົບຮົມເມືອງ