ໃນຕອນເຊົ້າວັນທີ 23 ທັນວາ 2025 ນີ້ເມືອງ ໄຊຍະບູລີໄດ້ຈັດກອງປະຊຸມ ເຊື່ອມຊືມເອກະສານເພື່ອກະກຽມ ແລະ ດຳເນີນກອງປະຊຸມການກໍ່ສ້າງໜ່ວຍພັກ ປອດໃສ, ເຂັ້ມແຂງ, ໜັກແໜ້ນ ຕິດພັນກັບການຂື້ນແຜນກຳນົດພະນັກງານນຳພາຄຸ້ມຄອງປະຈຳປີ 2025ຂື້ນ ທີ່ຫ້ອງປະຊຸມຫ້ອງວ່າການເມືອງ ໄຊຍະບູລີ ໂດຍການປະທານຂອງສະຫາຍ ຄຳຫຼ້າ ຜີວວັນນາ ຄະນະປະຈຳພັກແຂວງ ເລຂາຄະນະບໍລິຫານງານພັກເມືອງ ໄຊຍະບູລີ; ມີຮອງເລຂາພັກເມືອງ, ຄະນະປະຈຳພັກເມືອງ, ກຳມະການພັກເມືອງ, ຫົວໜ້າ, ຮອງຫົວໜ້າຫ້ອງການ, ອົງການ, ກົມກອງ ແລະ ພະນັກງານຫຼັກແຫຼ່ງຂອງເມືອງເຂົ້າຮ່ວມ.
ໃນກອງປະຊຸມຜູ້ເຂົ້າຮ່ວມໄດ້ຮັບຟັງ ການຜ່ານແຜນດຳເນີນງານລົງກວດກາປະເມີນຜົນການກໍ່ສ້າງໜ່ວຍພັກປອດໃສເຂັ້ມແຂງ, ໜັກແໜ້ນຕິດພັນຕິດພັນກັບການຂື້ນແຜນກຳນົດຕຳແໜ່ງພະນັກງານນຳພາ-ຄຸ້ມຄອງ ເມືອງໄຊຍະບູລີ ປະຈຳປີ 2025; ຜ່ານມະຕິຕົກລົງ ວ່າດ້ວຍການແຕ່ງຕັ້ງຄະນະຮັບຜິດຊອບລົງກວດກາປະເມີນຜົນການກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ ຕິດພັນຕິດພັນກັບການຂື້ນແຜນກຳນົດຕຳແໜ່ງພະນັກງານນຳພາ-ຄຸ້ມຄອງຢູ່ສຳນັກງານ, ອົງການ ແລະ ກົມກອງ ເມືອງໄຊຍະບູລີ ປະຈຳປີ 2025; ຜ່ານມະຕິຕົກລົງ ວ່າດ້ວຍການແຕ່ງຕັ້ງຄະນະຮັບຜິດຊອບລົງກວດກາປະເມີນຜົນການກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ ຕິດພັນຕິດພັນກັບການຂື້ນແຜນກຳນົດຕຳແໜ່ງພະນັກງານນຳພາ-ຄຸ້ມຄອງຢູ່ຮາກຖານບ້ານ ເມືອງໄຊຍະບູລີ ປະຈຳປີ 2025; ຜ່ານມະຕິຕົກລົງ ວ່າດ້ວຍການແຕ່ງຕັ້ງຄະນະຮັບຜິດຊອບລົງເຮັດທົດລອງກວດກາປະເມີນຜົນການກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ ຕິດພັນຕິດພັນກັບການຂື້ນແຜນກຳນົດຕຳແໜ່ງພະນັກງານນຳພາ-ຄຸ້ມຄອງຢູ່ບ້ານ ນາຍາວ ເມືອງໄຊຍະບູລີ ປະຈຳປີ 2025; ເຊື່ອມຊຶມເອກະສານ ຄຳແນະນຳຂອງຄະນະຈັດຕັ້ງສູນກາງພັກ ສະບັບເລກທີ 28/ຄຈສພ, ລົງວັນທີ 14 ກຸມພາ 2025 ກ່ຽວກັບການກໍ່ສ້າງໜ່ວຍ ພັກປອດໃສ, ເຂັ້ມແຂງ, ໜັກແໜ້ນ; ເຊື່ອມຊຶມ ບົດແນະນຳຂອງທ່ານເຈົ້າເມືອງ ສະບັບເລກທີ 1136/ຈມ.ຊຍ ລົງວັນທີ 12 ຕຸລາ 2025 ກ່ຽວກັບການຂື້ນແຜນກຳນົດພະນັກງານນຳພາ-ຄຸ້ມຄອງພາຍໃນທົ່ວເມືອງໄຊຍະບູລີ; ແນະນໍາການຕີລາຄາໃຫ້ຄະແນນແບ່ງປະເພດຄະນະພັກ, ສະມາຊິກພັກ ແລະ ໜ່ວຍພັກ; ແນະນຳຖານຂໍ້ມູນສະຖິທິ F1; ແນະນໍາວຽກງານແນວລາວສ້າງຊາດເມືອງ, ວຽກງານອົງການຈັດຕັ້ງມະຫາຊົນ; ແນະນຳຂໍ້ແຂ່ງຂັນຮັກຊາດ ແລະ ພັດທະນາ; ແນະນຳການທາບທາມການຂື້ນແຜນກຳນົດພະນັກງານນຳພາ-ຄຸ້ມຄອງ; ຜ່ານຄຳແນະນຳຂອງຄະນະປະຈຳພັກແຂວງ ເລກທີ 443/ຄພຂ.ຊຍວ່າດ້ວຍການຜັນຂະຫຍາຍຄຳສັ່ງ ເລກທີ 02/ກມສພ ກ່ຽວກັບການເພີ່ມທະວີການນຳພາ-ຊີ້ນຳຂອງຄະນະພັກແຕ່ລະຂັ້ນຕໍ່ການສະກັດກັ້ນ ແລະ ແກ້ໄຂບັນຫາຢາແສບຕິດຢູ່ແຂວງໄຊຍະບູລີ; ໜັງສືແຈ້ງການ ສະບັບເລກທີ 46/ຄ.ປກຊ-ປກສ, ລົງວັນທີ 1 ທັນວາ 2025 ກ່ຽວກັບໂຄງປະກອບຂອງຄະນະກຳມະການ ປກຊ-ປກສ ນະຄອນຫຼວງ, ແຂວງ, ເມືອງ, ນະຄອນໃນຂອບເຂດທົ່ວປະເທດ; ຈາກນັ້ນປະທານ ກອງປະຊຸມກໍ່ໄດ້ມີຄຳເຫັນເຈາະເຈີ້ມ ແລະ ຜູ້ເຂົ້າຮ່ວມກໍ່ໄດ້ພ້ອມກັນປະກອບຄຳຄິດເຫັນ ຢ່າງກົງໄປກົງມາ; ຕອນທ້າຍກອງປະຊຸມ ສະຫາຍຄຳຫຼ້າ ຜີວວັນນາ ຄະນະປະຈຳພັກແຂວງ ເລຂາຄະນະບໍລິຫານງານພັກເມືອງ ໄຊຍະບູລີ ກໍ່ໄດ້ມີ ຄຳເຫັນສັງລວມ ແລະ ໂອ້ລົມຕໍ່ກອງປະຊຸມຕື່ມອີກ.
ຂ່າວ-ພາບ: ສົມພົງ ສີສະຫວັດ