ໃນຕອນບ່າຍວັນທີ 10ມີນາ 2026 ນີ້, ໜ່ວຍພັກຫ້ອງການໂຍທາທິການ ແລະ ຂົນສົ່ງ ເມືອງປາກລາຍ ແຂວງໄຊຍະບູລີ ໄດ້ຈັດກອງປະຊຸມ ສະຫຼຸບການກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ ປະຈໍາປີ 2025 ເຊິ່ງຈັດຂຶ້ນ ຢູ່ທີ່ຫໍປະຊຸມຫ້ອງການດັ່ງກ່າວ ພາຍໃຕ້ການເປັນປະທານຂອງສະຫາຍ ໄຊວິຈິດ ພິມມະທັດ ກໍາມະການພັກເມືອງເລຂາໜ່ວຍພັກຫ້ອງການໂຍທາທິການ ແລະ ຂົນສົ່ງ ເມືອງ ໂດຍການເປັນກຽດເຂົ້າຮ່ວມຂອງສະຫາຍ ພຸດທະສອນ ສິດທິວົງ ກໍາມະການປະຈໍາພັກເມືອງ ປະທານກວກາພັກ-ລັດເມືອງ, ມີຄະນະໜ່ວຍພັກ ແລະ ສະມາຊິກພັກເຂົ້າຮ່ວມຢ່າງພ້ອມພຽງ.
ໃນກອງປະຊຸມ ສະຫາຍໄຊວິຈິດ ພິມມະທັດ ກໍາມະການພັກເມືອງເລຂາໜ່ວຍພັກຫ້ອງການໂຍທາທິການ ແລະ ຂົນສົ່ງ ໄດ້ຜ່ານບົດສະຫຼູບ ຕີລາຄາການກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ ປະຈໍາປີ 2025 ແລະ ທິດທາງແຜນການ ປີ 2026 ເຊິ່ງໄດ້ຍົກໃຫ້ເຫັນຜົນງານດ້ານດີ, ຂໍ້ຄົງຄ້າງ, ສາເຫດ ແລະ ບົດຮຽນທີ່ຖອດຖອນໄດ້ໃນການຊີ້ນໍາ-ນໍາພາໄລຍະ 1 ປີຜ່ານມາ ໜ່ວຍພັກຫ້ອງການ ໂຍທາທິການ ແລະ ຂົນສົ່ງ ເມືອງ,ມີຄະນະພັກ3ສະຫາຍ,ຍິງ0ສະຫາຍ,ມີສະມາຊິກພັກທັງໝົດ 15 ສະຫາຍ, ຍິງ 0ສະຫາຍ,ຂອບເຂດການນຳພາກວມເອົາ 6 ໜ່ວຍງານ ຫ້ອງການ ໂຍທາທິການ ແລະ ຂົນສົ່ງ 3 ໜ່ວຍງານ, ຫ້ອງການນໍ້າປະປາ 3 ໜ່ວຍງານ ແລະ 3ອົງການຈັດຕັ້ງມະຫາຊົນຂື້ນກັບ ຕະຫຼອດໄລຍະຜ່ານມາ ຄະນະພັກໄດ້ຫັນເອົາແນວທາງ, ແຜນນະໂຍບາຍຂອງພັກ, ມູນເຊື້ອຂອງພັກ, ຂອງຊາດ, ລະບຽບຂອງພັກ, ກົດໝາຍ ແລະ ລະບຽບການຕ່າງໆຂອງລັດ ເຊື່ອມຊຶມໃຫ້ສະມາຊິກພັກ ແລະ ພະນັກງານ-ລັດຖະກອນ ຜ່ານການເຊື່ອມຊຶມ ໄດ້ເຮັດໃຫ້ສະມາຊິກພັກ, ພະນັກງານ ພາຍໃນຫ້ອງການ ຮັບຮູ້, ເຂົ້າໃຈ ຕໍ່ແນວທາງນະໂຍບາຍຂອງພັກ, ມີທັດສະນະຫຼັກໝັ້ນຊົນຊັ້ນ, ຈຳແນກມິດ-ສັດຕູຈະແຈ້ງ, ເຊື່ອໝັ້ນຕໍ່ການນຳຂອງພັກ-ລັດ, ປະຕິບັດຕາມລະບຽບພັກ, ມີຄວາມຊື່ສັດ ມີຈັນຍາບັນ ຈັນຍາທຳ ຮັກອາຊີບ ແລະ ໜ້າທີ່ຂອງຕົນ ,ຮັກສາໄດ້ຄວາມສາມັກຄີເປັນປຶກແຜ່ນຢູ່ອ້ອມຂ້າງພັກຜ່ານການກວດກາຕີລາຄາແບ່ງສະມາຊິກພັກໄດ້ປະເພດແຂງ 15ສະຫາຍ ,ປະເພດໜວ່ຍງານ6ໜວ່ຍງານ ໄດ້ປະເພດແຂງ6ໜວ່ຍງານປະເພດອົງການຈັດຕັ້ງມະຫາຊົນ ມີ 3 ອົງການ ໄດ້ປະເພດແຂງ; ຕີລາຄາການນໍາພາຂອງໜ່ວຍພັກຕາມ 5 ມາດຕະຖານ: ປະເພດ ໜ່ວຍພັກ ໄດ້ປະເພດ ແຂງ ແລະ ໄດ້ຮັບຮອງເປັນໜ່ວຍພັກ ປອດໃສ, ເຂັ້ມແຂງ ໜັກແໜ້ນ.
ຕອຍທ້າຍກອງປະຊຸມສະຫາຍ ພຸດທະສອນ ສິດທິວົງ ກໍາມະການປະຈໍາພັກເມືອງ ປະທານກວກາພັກ-ລັດເມືອງ ຍັງໄດ້ສະແດງຄວາມຍ້ອງຍໍຊົມເຊີຍຕໍ່ຜົນງານທີ່ຍາດມາໄດ້ ແລະ ໄດ້ເນັ້ນໜັກໃຫ້ຄະນະໜ່ວຍພັກ ສືບຕໍ່ເອົາໃຈໃສ່ສຶກສາອົບຮົມ, ເຊື່ອມຊຶມມະຕິ ຄໍາສັ່ງຂອງພັກ-ລັດ ຢ່າງເປັນປົກກະຕິ, ຍຶດໝັ້ນ ແລະ ປະຕິບັດຢ່າງເຂັ້ມງວດ 5 ຫຼັກການ 3 ທິດນໍາ ໃນການກໍ່ສ້າງພັກ, ການດໍາເນີນຊີວິດການເມືອງ ໃຫ້ຮັບປະກັນ 3 ລັກສະນະ (ນໍາພາ, ສຶກສາອົບຮົມ ແລະ ຕໍ່ສູ້ພາຍໃນ), ຍຶດໝັ້ນຫຼັກການລວມສູນປະຊາທິປະໄຕ, ເຮັດວຽກເປັນໝູ່ຄະນະ ແບ່ງງານໃຫ້ບຸກຄົນຮັບຜິດຊອບຈະແຈ້ງ, ສ້າງແຜນການເຄື່ອນໄຫວລະອຽດ ແລະ ມີການສະຫຼຸບສ່ອງແສງລາຍງານໃຫ້ຂັ້ນເທິງເປັນປົກກະຕິ ແລະ ນຳພາປະຕິບັດໜ້າທີ່ການເມືອງ ເອົາໃຈໃສ່ນຳພາວຽກງານວິຊາສະເພາະ ຕາມພາລະບົດບາດ ແລະ ຄວາມຮັບຜິດຊອບ.
ຂ່າວ: ນັກຂ່າວເມືອງປາກລາຍ