ເມືອງພຽງ ແຂວງໄຊຍະບູລີ ຈັດພິທີ ປາຖະກະຖາ 6 ວັນປະຫວັດສາດສໍາຄັນ ຂອງຊາດ, ຂອງພັກ.
……………………….
ເມືອງພຽງ ແຂວງໄຊຍະບູລີ ຈັດພິທີ ປາຖະກະຖາ 6 ວັນປະຫວັດສາດສໍາຄັນ ຂອງຊາດ, ຂອງພັກ ໃນວັນທີ 12ກໍລະກົດ 2024 ຢູ່ທີ່ຫ້ອງປະຊຸມຂອງເມືອງ,ໂດຍການເປັນກຽດເຂົ້້າຮ່ວມແລະໃຫ້ກຽດປາຖະກະຖາຂອງທ່ານ ຄຳພັນ ຄຳພູບົວ ກຳມະການປະຈຳພັກເມືອງຮອງເຈົ້າເມືອງໆພຽງ, ມີບັນດາຄະນະປະຈໍາພັກເມືອງ, ກໍາມະການພັກເມືອງ, ບັນດາຫົວໜ້າ-ຮອງຫົວໜ້າຫ້ອງການ, ອົງການ, ກົມກອງ, ອໍານວຍການໂຮງຮຽນ-ໂຮງໝໍ, ພະນັກງານ-ລັດຖະກອນ, ການຈັດຕັ້ງບ້ານເທດສະບານ, ຄະບໍລິຫານງານສະຫະພັນແມ່ຍິງເມືອງ, ຄະນະສະຫະພັນແມ່ຍິງຮາກຖານບ້ານ ແລະ ຄະນະສະຫະພັນແມ່ຍິງໜ່ວຍອ້ອມຂ້າງເມືອງເຂົ້າຮ່ວມ.
ໃນພິທີທ່ານ ຄຳພັນ ຄຳພູບົວ ກຳມະການປະຈຳພັກເມືອງຮອງເຈົ້າເມືອງໆພຽງ ໄດ້ໃຫ້ກຽດປາຖະກະຖາເລົ່າຄືນມູນເຊື້ອຂອງ 6 ວັນປະຫວັດສາດສໍາຄັນຂອງຊາດ ຂອງພັກ ຄື: ວັນເກີດຂອງປະທານສຸພານຸວົງ ຄົບຮອບ 115 ປີ , ວັນສ້າງຕັ້ງສາຍພົວພັນການທູດລາວ-ຫວຽດ ຄົບຮອບ 62 ປີ , ວັນເຊັນສົນທິສັນຍາມິດຕະພາບການຮ່ວມມືລາວ-ຫວຽດນາມ ຄົບຮອບ 47 ປີ , ວັນສ້າງຕັ້ງແມ່ຍິງລາວ ຄົບຮອບ 69 ປີ ,ວັນກໍາເນີດກິລາ-ກາຍຍະກໍາແຫ່ງຊາດ ຄົບຮອບ 58 ປີ ແລະ ວັນອານຸລັກສັດນໍ້າ ແລະ ສັດປ່າແຫ່ງຊາດ.ໂດຍໄດ້ຍົກໃຫ້ເຫັນປະຫວັດການກຳເນີດ,ຊີວິດການເຄື່ອນໄຫວ,ການເຕີບໃຫຍ່ຂະຫຍາຍຕົວແລະບັນດາຜົນງານຂອງຜູ້ນຳຮຸ່ນກ່ອນກໍ່ຄືຜົນການຂອງ 6 ວັນສຳຄັນດັ່ງກ່າວ.ຈຸດປະສົງກໍ່ເພື່ອລະນຶກເຖິງຜົນງານ, ຄຸນງາມຄວາມດີ ຂອງປະທານ ສຸພານຸວົງ ຜູ້ນໍາທີ່ແສນຮັກ ຂອງຊາດລາວ ໃນພາລະກິດຕໍ່ສູ້, ປົດປ່ອຍປະເທດຊາດ, ກໍ່ຄືການປະຕິບັດ 2 ຫນ້າທີ່ຍຸດທະສາດ ການປົກປັກຮັກສາ ແລະ ສ້າງສາພັດທະນາປະເທດຊາດ ແລະ ເພື່ອໂຄສະນາສຶກສາອົບຮົມ ບັນດາຊັ້ນຄົນຕ່າງໆ ໃຫ້ເຂົ້າໃຈຢ່າງເລີກເຊີ່ງຕໍ່ກັບ ມູນເຊື້ອອັນດີງາມ ຂອງປະທານ ສຸພານຸວົງ ເພື່ອຍົກສູງສະຕິ, ຕື່ນຕົວເປັນເຈົ້າການເສີມ ຂະຫຍາຍມູນເຊື້ອຄວາມສາມັກຄີບັນດາເຜົ່າ, ຮັກຊາດ, ຮັກລະບອບປະຊາທິປະໄຕປະຊາຊົນ, ສ້າງຄວາມສາມັກຄີປອງດອງ, ມີສະຕິລະວັງຕົວຕໍ່ກົນອຸບາຍທໍາລາຍມ້າງເພ ຂອງອິດທິກໍາລັງປໍລະປັກ.ສະແດງເຖິງຄວາມກະຕັນຍູຮູ້ບຸນຄຸນຕໍ່ຜູ້ນໍາ, ບັນດາວິລະຊົນ ແລະ ຜູ້ມີຜົນງານອັນ ໃຫຍ່ຫຼວງຕໍ່ປະເທດຊາດ ແລະ ປະຊາຊົນບັນດາເຜົ່າແລະຖືເອົາໂອກາດນີ້ ໂຄສະນາປຸກລະດົມໃຫ້ພະນັກງານ, ສະມາຊິກພັກ, ຕະຫຼອດຮອດ ປະຊາຊົນຊັ້ນຄົນຕ່າງໆ ພ້ອມກັນຮ່ໍາຮຽນເອົາຄຸນສົມບັດສິນທໍາປະຕິວັດອັນສູງສົ່ງ ໂດຍສະເພາະ ແມ່ນຈິດໃຈຮັກຊາດ ຍອມເສຍສະຫຼະ ທຸກຢ່າງເພື່ອປະທດຊາດ ແລະ ປະຊາຊົນ ຂອງ ປະທານ ສຸພານຸວົງ; ທັງພ້ອມກັນເປັນເຈົ້າການເຂົ້າຮ່ວມໃນການແກ້ໄຂບັນຫາຄວາມຫຍຸ້ງຍາກ ທາງດ້ານເສດຖະກິດ, ບົນພື້ນຖານການສ້າງເສດຖະກິດເອກະລາດ ເປັນເຈົ້າຕົນເອງໃນໄລຍະໃຫມ່ແລະໃນພິທີຄັ້ງນີ້ຍັງໄດ້ຮັບຟັງການຜ່ານຂໍ້ຕົກລົງຂອງກະຊວງກະສິກຳແລະປ່າໄມ້ວ່າດ້ວຍການອະນຸມັດໃຫ້ລັດຖະກອນຮັບອຸດໜູນບຳນານແລະໄດ້ປະກາດທ່ານ ນາງ ດາລາວັນ ຄຳອ່ອນແລະທ່ານ ນາງ ພູມມາ ປັນຍາວົງ ພະນັກງານຫ້ອງການກະສິກຳແລະປ່າໄມ້ເມືອງອອກພັກຜ່ອນຮັບອຸດໜູນບຳນານໂດຍຕາງໜ້າມອບເງິນອຸດໜູນບຳນານແລະມອບຂອງຂັວນຂອງທ່ານ ຄຳພັນ ຄຳພູບົວ ຮອງເຈົ້າເມືອງໆພຽງພ້ອມທັງຕາງໜ້າຫ້ອງການກ່ຽວຂ້ອງ ແລະ ຮ່ວມກັນປ່ອຍປາລົງສູ່ແມ່ນ້ຳປູຍເພື່ອເປັນການອານຸລັກຮັກສາສັດນ້ຳ-ສັດປ່າເນື່ອງໃນໂອກາດ ການສະເຫຼີມສະຫຼອງວັນສ້າງຕັ້ງແມ່ຍິງລາວ ຄົບຮອບ 69 ປີ,ວັນອານຸລັກສັດນໍ້າ ແລະ ສັດປ່າແຫ່ງຊາດໃນຄັ້ງນີ້ຢ່າງມີບັນຍາກາດຟົດຟື້ນເບີກບານມ່ວນຊື່ນຕື່ມອີກ.
……………………
ຂ່າວໂດຍ: ສິດທິພອນ ທີແກ້ວ
#News.XBL
