ໃນ
ຕອນເຊົ້າ ວັນທີ 04 ພະຈິກ 2024 ຢູ່ທີ່ຫ້ອງປະຊຸມໃຫ່ຍຂອງເມືອງໄດ້ເປີດກອງປະຊຸມສະຫຼຸບຖອດຖອນບົດຮຽນວຽກງານເກັບກຳສະພາບແນວຄິດຫາງສຽງສັງຄົມ ປະຈຳ 9 ເດືອນຕົ້ນປີ ແລະ ວາງທິດທາງແຜນການ 3 ເດືອນທ້າຍປີ 2024 ຂຶ້ນຢ່າງເປັນທາງການ ໂດຍການເປັນກຽດເຂົ້າຮ່ວມເປັນປະທານກອງປະຊຸມ ຂອງ ສະຫາຍ ອູ່ມ ພານຸເດດ ຮອງເລຂາຄະນະບໍລິຫານງານພັກເມືອງ, ປະທານຄະນະກວດກາພັກ-ລັດເມືອງ, ຫົວໜ້າຄະນະສະມາຊິກສະພາປະຊາຊົນແຂວງປະຈຳເມືອງໄຊສະຖານ, ຮອງຫົວໜ້າຄະນະຮັບຜິດຊອບວຽກງານເກັບກຳສະພາບແນວຄິດ ຫາງສຽງສັງຄົມ, ມີບັນດາສະຫາຍຄະນະປະຈຳພັກເມືອງ, ກຳມະການພັກເມືອງ, ຫົວໜ້າຫ້ອງການ, ອົການ,ກົມກອງ ແລະ ຄະນະຮັບຜິດຊອບວຽກງານຫາສຽງສັງຄົມ ເຂົ້າຮ່ວມ ແລະ ຜູ້ເຂົ້າຮ່ວມແມ່ນໄດ້ຮັບຟັງການຜ່ານມະຕິຕົກລົງຂອງຄະນະປະຈຳພັກເມືອງ ສະບັບເລກທີ 180/ຄພມ, ລົງວັນທີ 22 ຕຸລາ 2024 ວ່າດ້ວຍການອານຸມັດໃຫ້ຄະນະຮັບຜິດຊອບຕິດຕາມ, ເກັບກຳສະພາບແນວຄິດຫາງສຽງສັງຄົມຂັ້ນເມືອງເປີດກອງປະຊຸມສະຫຼຸບຖອດຖອນບົດຮຽນ 9 ເດືອນຕົ້ນປີ ແລະ ທິດທາງແຜນການ 3 ເດືອນທ້າຍປີ ແລະ ມະຕິຕົກລົງຂອງຄະນະປະຈຳພັກເມືອງ ສະບັບເລກທີ 179/ຄພມຊຖ, ວັງວັນທີ 22 ຕຸລາ 2024 ວ່າດ້ວຍການແຕ່ງຕັ້ງຄະນະຮັບຜິດຊອບເກັບກຳສະພາບແນວຄິດຫາງສຽງສັງຄົມຂັ້ນເມືອງ, ສະຫາຍ ອູ່ມ ພານຸເດດ ຮອງເລຂາຄະນະບໍລິຫານງານພັກເມືອງ, ປະທານຄະນະກວດກາພັກ-ລັດເມືອງ, ຫົວໜ້າຄະນະສະມາຊິກສະພາປະຊາຊົນແຂວງປະຈຳເມືອງໄຊສະຖານ, ຮອງຫົວໜ້າຄະນະຮັບຜິດຊອບວຽກງານເກັບກຳສະພາບແນວຄິດ ຫາງສຽງສັງຄົມ ໃນນາມປະທານກອງປະຊຸມກໍ່ໄດ້ກ່າວເປີດກອງປະຊຸມຢ່າງເປັນທາງການ ແລະ ສະຫາຍ ສະຫວ່າງ ແສງທອງຄຳ ກຳມະການພັກເມືອງ, ຫົວໜ້າຄະນະໂຄສະນາອົບຮົມເມືອງກໍ່ໄດ້ຂຶ້ນຜ່ານຮ່າງບົດສະຫຼຸບຕີລາຄາການຈັດຕັ້ງປະຕິ ບັດວຽກງານເກັບກຳສະພາບແນວຄິດຫາງສຽງສັງຄົມປະຈຳ 9 ເດືອນຕົ້ນປີ ແລະ ທິດທາງແຜນການ 3 ເດືອນທ້າຍປີ 2024 ແລະ ປະທານກອງປະຊຸມກໍ່ໄດ້ມີຄຳເຫັນເຈາະຈີ້ມເພື່ອເຮັດໃຫ້ຜູ້ແທນກອງປະຊຸມໄດ້ມີຄຳຄິດຄຳເຫັນປະກອບ ແລະ ກອງປະຊຸມຈະໄດ້ດຳເນີນເປັນເວລາ 1 ວັນເຕັມ ເຊິ່ງກອງປະຊຸມໃນຄັ້ງນີ້ລ້ວນແຕ່ມີຄວາມໝາຍຄວາມສຳຄັນໃນການຈັດຕັ້ງຜັນຂະຫຍາຍມະຕິກອງປະຊຸມໃຫ່ຍຄັ້ງທີ XI ຂອງພັກ, ມະຕິກອງປະຊຸມໃຫ່ຍຄັ້ງທີ VII ຂອງອົງຄະນະພັກແຂວງ ແລະ ມະຕິກອງປະຊຸມໃຫ່ຍຄັ້ງທີ II ຂອງອົງຄະນະພັກເມືອງກໍ່ຄືແຜນພັດທະນາເສດຖະກິດສັງຄົມຂອງເມືອງ ແລະ ມີບັນດາສະຫາຍ ຜູ້ແທນກອງປະຊຸມກໍ່ໄດ້ພ້ອມກັນປະກອບຄຳຄິດຄຳເຫັນຢ່າງກົງໄປກົງມາ ມີລັກສະນະສ້າງສັນ ທັງເປັນການສ້າງຂະບວນການເພື່ອຂໍານັບຮັບຕ້ອນກອງປະຊຸມໃຫ່ຍຂອງອົງການຈັດຕັ້ງມະຫາຊົນ ແລະ ກອງປະຊຸມໃຫ່ຍຄັ້ງທີ III ຂອງຜູ້ແທນອົງຄະນະພັກເມືອງຈະໄດ້ໄຂຂຶ້ນໃນຕໍ່ໜ້ານີ້ ແລະ ມີຜູ້ເຂົ້າຮ່ວມທັງໜົດ 62 ຫາຍ, ຍິງ 10 ສະຫາຍ ແລະ ໃນຕອນທ້າຍກໍ່ໄດ້ຮັບຟັງການມີຄຳເຫັນໂອ້ລົມ ແລະ ຊີ້ນຳ ຂອງສະຫາຍ ອູ່ມ ພານຸເດດ ຮອງເລຂາຄະນະບໍລິຫານງານພັກເມືອງ, ປະທານຄະນະກວດກາພັກ-ລັດເມືອງ, ຫົວໜ້າຄະນະສະມາຊິກສະພາປະຊາຊົນແຂວງປະຈຳເມືອງໄຊສະຖານ, ຮອງຫົວໜ້າຄະນະຮັບຜິດຊອບວຽກງານເກັບກຳສະພາບແນວຄິດ ຫາງສຽງສັງຄົມຕືມອີກ.
ຂຽນ ແລະ ຂ່າວພາບ: ຄະນະໂຄສະນາອົບຮົມເມືອງ