ແຂວງ ໄຊຍະບູລີ ປິດຊຸດຮຽນທິດສະດີການເມືອງຂັ້ນກາງຮຸ່ນທີ II ແລະ ຂັ້ນຕົ້ນຮຸ່ນທີ III ຢູ່ໂຮງຮຽນການເມືອງ ແລະ ການປົກຄອງແຂວງ.

ແຂວງ ໄຊຍະບູລີ ປິດຊຸດຮຽນທິດສະດີການເມືອງຂັ້ນກາງຮຸ່ນທີ II ແລະ ຂັ້ນຕົ້ນຮຸ່ນທີ III ຢູ່ໂຮງຮຽນການເມືອງ ແລະ ການປົກຄອງແຂວງ.
………………………………
ພິທີປິດຊຸດຮຽນທິດສະດີການເມືອງຂັ້ນກາງຮຸ່ນທີ II ແລະຂັ້ນຕົ້ນຮຸ່ນທີ III ຂອງໂຮງຮຽນການເມືອງ ແລະ ການປົກຄອງແຂວງໄຊຍະບູລີ ໃນຕອນເຊົ້າຂອງວັນທີ 26 ພະຈິກ 2024 ນີ້ ທີ່ສະໂມສອນໃຫ່ຍ ຂອງແຂວງໄຊຍະບູລີ
ໃຫ້ກຽດເຂົ້າຮ່ວມຂອງ ທ່ານ ດວງຕາ ໄຊວຸດ ຮອງເລຂາຄະນະບໍລິຫານງານພັກ ແຂວງໄຊຍະບູລີ, ທ່ານ ປອ ດາວສະຫວັນ ເຄືອມີໄຊ ຮອງຫົວໜ້າສະຖາບັນການເມືອງການປົກຄອງແຫ່ງຊາດ,ມີກຳມະການພັກແຂວງ ຫົວໜ້າ,ຮອງຫົວໜ້າພະແນກການພ້ອມດ້ວຍນັກສືກສາຂັ້ນກາງ ແລະ ຂັ້ນຕົ້ນ, ແຂກຖືກເຊີນເຂົ້າຮ່ວມ.
ທ່ານ ປອ ສີສອນພັນ ບຸນສີ ກຳມະການພັກແຂວງ,ຫົວໜ້າໂຮງຮຽນການເມືອງ ແລະ ການປົກຄອງແຂວງໄຊຍະບູລີ ໄດ້ກ່າວລາຍງານວ່າ.ຕະຫຼອດໄລຍະຜ່ານມາໂຮງຮຽນການເມືອງການປົກຄອງແຂວງໄຊຍະບູລີ ໄດ້ສຸມໃສ່ຈັດຕັ້ງປະຕິບັດໂຄງການຫຼັກສູດການຮຽນການສອນທິດສະດີການເມືອງທີ່ສະຖາບັນການເມືອງ ແລະ ການປົກຄອງແຫ່ງຊາດກຳນົດ.ເຊີ່ງການຮຽນການສອນທິດສະດີການເມືອງຂັ້ນກາງຮຸ່ນທີ II ມາແຕ່ ວັນທີ 27 ມີນາ 2024 ຫາວັນທີ 27 ກັນຍາ 2024 ແລະ ຂັ້ນຕົ້ນຮຸ່ນທີ III ເລີ່ມແຕ່ 21 ສິງຫາ 2024 ຫາ 15 ພະຈີກ 2024, ເຊີ່ງມີນັກສືກສາທັງໝົດ 100 ຄົນ, ຍິງ 20 ຄົນ, ໃນນີ້ຂັ້ນຕົ້ນ 50 ຄົນ ຍິງ 14 ຄົນ, ເຊີ່ງໃຊ້ເວລາຮຽນຂັ້ນກາງທັງໝົດ 874 ຊົ່ວ
ໂມງ, ມີທັງມົດ 14 ວິຊາ ແລະ ແບ່ງອອກເປັນ 7 ກຸ່ມວິຊາຮຽນ ແລະ ຂັ້ນຕົ້ນແມ່ນໃຊ້ເວລາຮຽນ 188 ຊົ່ວໂມງ, ມີ 11 ວິຊາຮຽນ ແລະ ແບ່ງອອກເປັນ 7 ກຸ່ມ 8 ວິຊາຮຽນ. ຈາກນັ້ນທ່ານ ດາວສະຫວັນ ເຄືອມີໄຊ ຮອງຫົວໜ້າສະຖາບັນການເມືອງການປົກຄອງແຫ່ງຊາດຍັງໄດ້ຂື້ນມອບໃບຢັ້ງຢືນໃຫ້ແກ່ນັກສືກສາຮຽນທິດສະດີການເມືອງ ແລະ ການປົກຄອງຂັ້ນຕົ້ນຮຸ່ນທີ III ແລະ ຂັ້ນກາງຮຸ່ນທີ່ II ຕື້ມອີກ.ພ້ອມນີ້ຍັງໄດ້ມອບໃບຍ້ອງຍໍ, ໃບຊົມເຊີຍ ແລະ ໃບສົມມະນາບຸນຄຸນໃຫ້ແກ່ນັກສຶກສາທີ່ມີຜົນງານຄົ້ນຄວ້າຮ່ຳຮຽນພ້ອມທັງປະຕິບັດລະບຽບຂອງໂຮງຮຽນຢ່າງເຂັ້ມງວດ.
……………………
ຂ່າວ: ສີນົນ ອ່ອນສາ
#News.XBL